ស្រេតដ្ឋា ទវីសិន

ឯកឧត្តម ស្រេតដ្ឋា ទវីសិន
เศรษฐา ทวีสิน
នាយករដ្ឋមន្ត្រីថៃទី៣០
ក្នុងការិយាល័យ ២២ សីហា ២០២៣ – ១៤ សីហា ២០២៤
ព្រះមហាក្សត្រ	វជិរាលង្ករណ៍
រង	បញ្ជី ភូមិថាម វិជាយជ័យ សមសក្តិ៍ ទេពសុទិន ប៉ានព្រី អភ័យថានុកន អនុទិន ឆានវិរគុន បចរវត្ត វង្សសុវណ្ណ ពិរផាន សលិរដ្ឋវិភោគ សុរិយ ជឿងរូនរឿងគិត ពិជ័យ ឆុនហវជិរ
មុន	ប្រយុទ្ធ ច័ន្ទ្រ៍ឱជា
បន្ទាប់	ភូមិថាម វិជាយជ័យ (ស្ដីទី)
រដ្ឋមន្ត្រីក្រសួងហិរញ្ញវត្ថុ
ក្នុងការិយាល័យ ១ កញ្ញា ២០២៣ – ២៧ មេសា ២០២៤
នាយករដ្ឋមន្ត្រី	ខ្លួនលោក
រង	ក្រិតសេតា ចិណាវិជ្ជារនា ជល់ផាន អមនវិវត្ត
មុន	អាគម ទើមពិត្យផៃសិដ្ឋ
បន្ទាប់	ពិជ័យ ឆុនហវជិរ
ព័ត៌មានលម្អិតផ្ទាល់ខ្លួន
កើត	(1962-02-15) 15 កុម្ភៈ 1962 បាងកក, ថៃ
គណបក្ស​នយោបាយ	ភឿថៃ
ពន្ធភាព	បក្សរ៍ពិឡៃ ទវីសិន
កូន	៣
ការអប់រំ	សកលវិទ្យាល័យចុល្លាលង្ករណ៍ សាកលវិទ្យាល័យម៉ាស្សាឈូស៊ែត សាកលវិទ្យាល័យឧត្តមសិក្សាក្លែរម៉ុង
ហត្ថលេខា

ស្រេតដ្ឋា ទវីសិន (ថៃ៖ เศรษฐา ทวีสิน, ប្រកប៖ ស្រេត-ថា ថា-វី-ស៊ីន, កើតថ្ងៃទី១៥ ខែកុម្ភៈ ឆ្នាំ១៩៦២) នាមហៅក្រៅថា និដ (ថៃ៖ นิด, អានថា៖ នីត) គឺជាអ្នកជំនួញអចលនទ្រព្យ និងអ្នកនយោបាយថៃមួយរូប ដែលធ្លាប់បានបម្រើការជានាយករដ្ឋមន្ត្រីនៃប្រទេសថៃចាប់ពីឆ្នាំ២០២៣ រហូតដល់ពេលត្រូវតុលាការធម្មនុញ្ញថៃដកហូតតំណែងនៅថ្ងៃទី១៤ ខែសីហា ឆ្នាំ២០២៤ ដោយសារតែលោកបានតែងតាំងរដ្ឋមន្ត្រីម្នាក់ដែលធ្លាប់មានទោសជាប់ពន្ធនាគារជាសមាជិកនៃគណៈរដ្ឋមន្ត្រី។ លោកធ្លាប់ធ្វើជានាយកប្រតិបត្តិ និងជាប្រធានក្រុមហ៊ុនអចលនទ្រព្យ សែនសិរី។

លោកបានក្លាយជាសហស្ថាបនិកនៃក្រុមហ៊ុនសែនសិរីនៅក្នុងឆ្នាំ១៩៨៨ ដែលសព្វថ្ងៃត្រូវជាក្រុមហ៊ុនជំនួញអចលនទ្រព្យដ៏ធំបំផុតនៅប្រទេសថៃ ពោលជាហេតុនាំឱ្យលោកស្រេតដ្ឋាក្លាយជាមហាសេដ្ឋីអចលនទ្រព្យថៃដ៏លេចធ្លោម្នាក់។ មិនតែប៉ុណ្ណោះ លោក​គឺ​ជា​មនុស្ស​ម្នាក់​ដែល​គេ​តែងស្គាល់​ថា​ជា​អ្នកជំនិតនឹងអតីត​នាយក​រដ្ឋមន្ត្រីថៃ ទក្សិណ ជិនវ័ត្រ។