ប្រាក់ ហ៊ិន
|
សម្ដេចព្រះមហាសុមេធាធិបតី ប្រាក់ ហ៊ិន សម្ដេចព្រះសង្ឃរាជ នៃគណៈមហានិកាយ (ប្រសូត ៨កើត ខែបុស្ស ឆ្នាំកុរ បញ្ចស័ក ព.ស.២៤០៧/គ.ស.១៨៦៣ សុគត ៨កើត ខែកក្ដិក ឆ្នាំកុរ ព.ស.២៤៩១/២០ ខែវិច្ឆិកា គ.ស.១៩៤៧) ជាសម្ដេចព្រះសង្ឃរាជអង្គទី៣ នៃគណៈមហានិកាយ នៃព្រះរាជាណាចក្រកម្ពុជា។ ទ្រង់កាន់តំណែងពីព.ស.២៤៨១/គ.ស.១៩៣៧ ដល់ ព.ស.២៤៩១/គ.ស.១៩៤៧ ក្នុងរជ្ជកាលសម័យព្រះបាទសម្ដេចព្រះនរោត្ដម។ ព្រះរាជជីវប្រវត្តិ[កែប្រែ]ព្រះអង្គប្រសូត នៅថ្ងៃអាទិត្យ ៨កើត ខែបុស្ស ឆ្នាំកុរ បញ្ចស័ក ព.ស. ២៤០៧ គ.ស. ១៨៦៣ នៅភូមិចាក់អង្ករ ស្រុកកំពង់សៀម ខែត្រកំពង់ចាម (តែពេលទំងន់នៅភូមិ ពោធិជំទាវមាន់ ខែត្រព្រៃវែង ដោយស្រុកមានវិបត្តិភ័ន្តប្រែជាន់រាមាកំហែង ក៏បានរត់ទៅ នៅភូមិចាកៈអង្ករវិញ) ។ បិតានាម ប្រាក់ មាតានាម ដែង ។ ក្រោយមកមាតាបិតា បាន មករស់នៅឃុំ លេខ៦ ជ្រោយចង្វា ភ្នំពេញ មានរបរជាអ្នកជំនួញឫស្សី ។ ព្រះជន្មាយុបាន ១២ឆ្នាំ បានបួសជាសាសមណេរ នៅវត្តសាំងសាមី ក្រុងព្រៃវែង ពី ឆ្នាំច ឆស័ក ព.ស. ២៤១៨ គ.ស.១៨៧៤ ។ ព្រះជន្មាយុ ២១ឆ្នាំ បានឧបសម្បទាជាភិក្ខុ នៅក្នុងវត្តសាំងសាមី ឆ្នាំមមែ ចត្វាស័ក ព.ស. ២៤២៧ គ.ស. ១៨៨៣ ព្រះឧបជ្ឈាយ៍ឱ្យ នាមបញ្ញត្តិថា សុធម្មត្ថេរ ។ ព្រះអង្គបានឡើងធ្វើជាចៅអធិការវត្តសារាវ័នតេជោ ឃុំលេខ៣ ក្រុងភ្នំពេញ ពីឆ្នាំច ត្រីស័ក ព.ស. ២៤៥៤ គ.ស. ១៩១០ ។ ព្រះជន្មាយុ ៧៥ឆ្នាំ នៅក្នុងឆ្នាំឆ្លូវ ព.ស. ២៤៨១ ព្រះអង្គបានឡើងជា ព្រះសង្ឃ នាយកស្តីទី គណៈមហានិកាយ (ព្រះរាជក្រឹត្យ លេខ៦ ចុះថ្ងៃទី០១ ខែហ្វេរី្រយេ (ខែកុម្ភៈ) ឆ្នាំ ១៩៣៧) ។ ព្រះជន្មាយុ ៧៧ឆ្នាំ ព្រះអង្គបានទទួលឋានន្តរស័ក្តិជា ព្រះសង្ឃនាយក (ព្រះរាជក្រឹត្យ លេខ២២ ចុះថ្ងៃទី១៧ ដេសមប្រី (ខែធ្នូ) ឆ្នាំ១៩៤០) ។ ព្រះជន្នាយុ ៨០ឆ្នាំ ព្រះអង្គបានឡើងសមណស័ក្តិជាន់ខ្ពស់ជាទី សម្តេច- ព្រះពោធិវ័ង្ស ព្រះសង្ឃនាយកគណៈមហានិកាយ នៅថ្ងៃសុក្រ ៣កើត ខែពិសាខ ឆ្នាំមមី ចត្វាស័ក ព.ស. ២៤៧៤ គ.ស. ១៩៣០ ។ ព្រះជន្មាយុ ៨១ឆ្នាំ ព្រះអង្គបានឡើងសមណៈស័ក្តិខ្ពស់បំផុត ជាទី សម្តេច ព្រះមហាសុមេធាធិបតី សង្ឃនាយកគណៈមហានិកាយ នៅថ្ងៃ១រោច ខែ អស្សុជ ឆ្នាំមមែ បញ្ចស័ក ព.ស. ២៤៧៥ ត្រូវនឹងថ្ងៃ១៩ ឧកតប្រិ៍ (ខែតុលា) ឆ្នាំ១៩៣១ ។ ព្រះជន្មាយុ ៨៥ឆ្នាំ ព្រះអង្គបានទទួលព្រះអនិច្ចធម្ម នៅថ្ងៃព្រហស្បតិ៍ ៨កើត ខែកក្តិក ឆ្នាំកុរ ព.ស. ២៤៩១ ត្រូវនឹងថ្ងៃទី២០ ខែវិច្ឆិកា ឆ្នាំ១៩៤៧ វេលាពាក់កណ្តាល អធ្រាត្រ ៕ -ដកស្រង់ចេញពីសៀវភៅ ព្រះរាជប្រពៃណីព្រះមហាក្សត្រ និង សម្តេចព្រះសង្ឃរាជ ព.ស. ២៥៤៧ - គ.ស. ២០០៣ ។-
ជាតិបរិច្ឆេទ (កំណត់អំពីជាតិ)[កែប្រែ]ព្រះអង្គប្រសូត នៅថ្ងៃអាទិត្យ ៨កើត ខែបុស្ស ឆ្នាំកុរ បញ្ចស័ក ព.ស. ២៤០៧ គ.ស. ១៨៦៣ ។ សម្ដេចព្រះសង្ឃរាជ[កែប្រែ]សម្ដេចព្រះមហាសុមេធាធិបតី ប្រាក់ ហ៊ិន ព្រះសង្ឃនាយក គណៈមហានិកាយ ប្រាក់ ហ៊ិន ទ្រង់កាន់តំណែងពីព.ស.២៤៨១/គ.ស.១៩៣៧ ដល់ ព.ស.២៤៩១/គ.ស.១៩៤៧ គ្រឿងឥស្សរិយយស[កែប្រែ]- ព្រះជន្មាយុ ៧៥ឆ្នាំ នៅក្នុងឆ្នាំឆ្លូវ ព.ស. ២៤៨១ ព្រះអង្គបានឡើងជា ព្រះសង្ឃ នាយកស្តីទី គណៈមហានិកាយ (ព្រះរាជក្រឹត្យ លេខ៦ ចុះថ្ងៃទី០១ ខែហ្វេរី្រយេ (ខែកុម្ភៈ) ឆ្នាំ ១៩៣៧) ។ - ព្រះជន្មាយុ ៧៧ឆ្នាំ ព្រះអង្គបានទទួលឋានន្តរស័ក្តិជា ព្រះសង្ឃនាយក (ព្រះរាជក្រឹត្យ លេខ២២ ចុះថ្ងៃទី១៧ ដេសមប្រី (ខែធ្នូ) ឆ្នាំ១៩៤០) ។ - ព្រះជន្នាយុ ៨០ឆ្នាំ ព្រះអង្គបានឡើងសមណស័ក្តិជាន់ខ្ពស់ជាទី សម្តេច- ព្រះពោធិវ័ង្ស ព្រះសង្ឃនាយកគណៈមហានិកាយ នៅថ្ងៃសុក្រ ៣កើត ខែពិសាខ ឆ្នាំមមី ចត្វាស័ក ព.ស. ២៤៧៤ គ.ស. ១៩៣០ ។ - ព្រះជន្មាយុ ៨១ឆ្នាំ ព្រះអង្គបានឡើងសមណៈស័ក្តិខ្ពស់បំផុត ជាទី សម្តេច ព្រះមហាសុមេធាធិបតី សង្ឃនាយកគណៈមហានិកាយ នៅថ្ងៃ១រោច ខែ អស្សុជ ឆ្នាំមមែ បញ្ចស័ក ព.ស. ២៤៧៥ ត្រូវនឹងថ្ងៃ១៩ ឧកតប្រិ៍ (ខែតុលា) ឆ្នាំ១៩៣១ ។ ព័ត៌មានទាក់ទង[កែប្រែ]-- ដកស្រង់ចេញពីសៀវភៅ ព្រះរាជប្រពៃណីព្រះមហាក្សត្រ និង សម្តេចព្រះសង្ឃរាជ ព.ស. ២៥៤៧ - គ.ស. ២០០៣ ។ --
|
| ||||||||||||||||||||||||||||||