តើលោកអ្នកធ្លាប់ស្គាល់ External Hard Drive ដែរឬទេ ? ប្រសិនបើអ្នកមានឯកសារជាច្រើន ដូចជាឯកសារចំរៀងវីដេអូឬទិន្នន័យផ្សេងៗ ដែលមានទំហំធំហើយនៅពេលដែលអ្នកចង់ចម្លងឯកសារទាំងនោះចេញនៅ ពេលបន្ទាន់ណាមួយឬនៅពេលដែលឯកសារ ដែលលោកអ្នកបានរក្សាទុកនោះកើនពេញចំណុះនៃ Hard disk ក្នុងកុំព្យូទ័ររបស់អ្នកតើអ្នកត្រូវធ្វើយ៉ាងណា?
ហេតុដូច្នេះហើយ Hard disk ខាងក្រៅ( External Hard Drive) ត្រូវបានគេបង្កើតឡើងដើម្បីប្រើជាឧបករណ៍ផ្ទុកទិន្នន័យនៅខាងក្រៅ កុំព្យូទ័រ ដែលងាយក្នុងការតភ្ជាប់ ហើយផ្ដល់ភាពងាយស្រួលក្នុងការចម្លងឯកសារទុក និង ចែករំលែកឱ្យអ្នកដទៃម្យ៉ាងវិញទៀត ពួកវាក៏មានទំហំធំ និង មានភាពរឹងមាំផងដែរ ។ ដូច្នេះ នៅពេលលោកអ្នកចង់ស្វែងរកទិញ Hard disk ចល័តមួយ លោកអ្នកអាចគិតគូរដល់លក្ខណពិសេសមួយចំនួនរបស់ Hard disk ចល័តដូចខាងក្រោម ៖
ស្វែងយល់ពីលក្ខណទូទៅនៃ Hard disk ចល័ត
• ជម្រើសទំហំផ្ទុកទិន្នន័យផ្សេងៗគ្នា
External Hard Drive មួយអាចផ្ទុកទៅដោយ Hard disk ខាងក្នុង(Internal Hard Drive) ច្រើនលើសពីមួយ ដែលបង្កើតបានជាចំណុះផ្ទុកទិន្នន័យផ្សេងៗគ្នា ។ Hard disk ខាងក្រៅដែលមានទំហំតូចបំផុត អាចមានចំណុះ 1 GB ឬ 2GB ហើយ Hard disk ខាងក្រៅដែលមានចំណុះធំបំផុតអាចលើសពី 1TB ( 1000 GB) ទៅទៀត ។ ដូច្នេះអ្នកប្រើប្រាស់អាចជ្រើសរើសទំហំណាមួយក៏បានដែលគេត្រូវការ ។
• បន្ថែមការការពារដ៏រឹងមាំផ្នែកខាងក្រៅ
ចំណុចសំខាន់បំផុតមួយនៃ Hard disk ខាងក្រៅគឺជាស៊ុមរបស់វាដែលត្រូវបានគេបង្កើតឡើងជាប្រដាប់ការ ពារបន្ថែមសម្រាប់ Hard disk ខាងក្នុងរបស់វា ហើយកាត់បន្ថយការខូចខាតដែលបណ្ដាលមកពីការឆ្លងភ្លើង ។ លក្ខណបែបនេះ ធ្វើឱ្យវាសមស្របបំផុតសម្រាប់ការចម្លងឯកសារចល័តរបស់អ្នក ។
• ភាពងាយស្រួលក្នុងការតភ្ជាប់
Hard disk ចល័តផ្ដល់ភាពងាយស្រួលក្នុងការតភ្ចាប់ទៅនឹងកុំព្យូទ័រដោយផ្ទាល់ ដើម្បីចម្លងឯកសារ តាមរយះរន្ធ USB ឬ ខ្សែ FireWire ជាដើម ។ ម្យ៉ាងវិញទៀត Hard disk ចល័តអាចតភ្ជាប់ជាលក្ខណ Plug and Play ដែលមានន័យថាអ្នកអាចដោតភ្ជាប់ Hard disk របស់អ្នកទៅនឹងកុំព្យូទ័ដើម្បីចម្លងឯកសារ ឬ ដកចេញមកវិញនៅពេលដែលកុំព្យូទ័រកំពុងដំណើរការក៏បាន។
• ភាពងាយស្រួលក្នុងការ Backup ទិន្នន័យ
Data Backup ទាក់ទងនឹងការរក្សាទុកទិន្នន័យឯកសាររបស់អ្នកទៅកាន់ទីតាំងពីរ ឬច្រើនផ្សេងទៀត ដើម្បីធានានៅពេលដែលមានបញ្ហាអ្វីកើតឡើងទៅលើកុំព្យូទ័ររបស់អ្នកលោក អ្នកនៅតែមានទិន្នន័យបម្រុងទុករបស់អ្នកដដែល ។ ហេតុនេះ វាអាចឱ្យអ្នករក្សាទិន្នន័យរបស់អ្នកទោះបីជាម៉ាស៊ីនកុំព្យូទ័រ របស់អ្នកបាត់ក៏ដោយ ។ ដូច្នេះ Hard disk ខាងក្រៅគឺជាជម្រើសសម្រាប់ធ្វើការ Backup ទិន្នន័យទុក ដើម្បីការពារការបាត់បង់ទិន្នន័យសំខាន់ៗ នៅពេលមានបញ្ហាអ្វីកើតឡើងចំពោះកុំព្យូទ័ររបស់អ្នក ។ ម្យ៉ាងវិញទៀតការ Backup ទិន្នន័យអាចមានការលំបាក ហើយត្រូវចំណាយពេលយូ ប៉ុន្តែ Hard disk ភាគច្រើន បានផ្ដល់មកជាមួយកម្មវិធី Backup សម្រាប់កំណត់ធ្វើការ Backup និង មួយចំនួនផ្សេងទៀតថែមទាំងផ្ដល់មកជាមួយនូវ ប៊ូតុង Backup ដោយផ្ទាល់នៅលើ Hard disk External Hard Drive ដែលនេះ មានន័យថាលោកអ្នកគ្រាន់តែចុចប៊ូតុងនោះ ហើយប្រតិបត្តិការ Backup និងដំណើរការដោយស្វ័យប្រវត្តិដោយអនុវត្តតាមការកំណត់មុខងារ កម្មវិធីជាមុនរបស់វា ។
• លទ្ធភាពប្រើប្រាស់ជាមួយប្រតិបត្តិការផ្សេងៗ (cross-plateform)
ស្ទើរតែគ្រប់រាល់ Hard disk ខាងចល័តទាំងអស់សុទ្ធតែអាចប្រើជាមួយ កុំព្យូទ័រ PC និង Mac ប្រសិនបើ Partition របស់វាមានទម្រង់ជា FAT ឬ FAT32 ។ នេះមានន័យថាអ្នកអាចផ្លាស់ប្ដូរទិន្នន័យរវាងកុំព្យូទ័រ PC និង Mac បានយ៉ាងងាយស្រួលតាមរយៈការប្រើ Hard disk ចល័ត ។ វាគឺជាលក្ខណពិសេសដ៏គួរឱ្យចាប់អារម្មណ៍សម្រាប់អ្នកប្រើប្រាស់ ដែលត្រូវការប្រើទាំងកុំព្យូទ័រ PC និង Mac ក្នុងការចម្លងឯកសារជាមួយគ្នា ។
