ឃុំកំពែង(ស្រុកព្រៃកប្បាស)

ពីវិគីភីឌា
Jump to navigation Jump to search

ឃុំកំពែង(ស្រុកព្រៃកប្បាស) (អង់គ្លេសKampeaeng Commune) ស្ថិតនៅក្នុង ស្រុកព្រៃកប្បាស ខេត្តតាកែវ មានចម្ងាយពីទីរួមស្រុក១៥គីឡូម៉ែត្រ និង៣១គីម៉ែត្រពីទីរួមខេត្ត។ មាន ៩ភូមិ÷

ឃុំកំពែង(ស្រុកព្រៃកប្បាស)
លេខកូដភូមិ ឈ្មោះភូមិជាអក្សរខ្មែរ ឈ្មោះភូមិជាអក្សរអង់គ្លេស
១២០៦០៥០ ភូមិតាមូង Ta Mung Village
១២០៦០៥០ ភូមិចង្កើប Changkaeub Village
១២០៦០៥០ ភូមិតាឡូង Ta Loung Village
១២០៦០៥០ ភូមិថ្មី Thmei Village
១២០៦០៥០ ភូមិកំពែងធំ Kampeaeng Thum Village
១២០៦០៥០ ភូមិកំពែងត្បូង Kampeaeng Tboung Village
១២០៦០៥០ ភូមិអង្គជ្រូក Angk Chruk Village
១២០៦០៥០ ភូមិចំណោម Chamnaom Village
១២០៦០៥០ ភូមិត្រពាំងអង្គ Trapeang Angk Village
  • យោងតាម ប្រកាសលេខ៤៩៣ ប្រ.ក


ព្រំប្រទល់នៃឃុំកំពែង(ស្រុកព្រៃកប្បាស)

ឃុំកំពែង(ស្រុកព្រៃកប្បាស) ទិស
ខាងកើត (E) ខាងត្បូង (S) ខាងលិច (W) ខាងជើង (N)
ឃុំពោធិ៍រំចាក ឃុំព្រៃកប្បាស ស្រុកព្រៃកប្បាស ឃុំពន្លៃ ស្រុកអង្គរបូរី ឃុំទ្រា ឃុំជើងគួន ស្រុកសំរោង ឃុំព្រៃផ្តៅ ឃុំចំប៉ា ស្រុកព្រៃកប្បាស


ឃុំកំពែងមានផ្ទៃដីភាគច្រើនជាដីសម្រាប់កសិកម្ម ប្រជាពលរដ្ឋប្រមូលផ្តុំគ្នារស់នៅតាមដងផ្លូវ សងខាងនៃភូមិនីមួយៗសុទ្ធសឹងជាដីស្រែ ឃុំនេះពុំមានដីប្រភេទចម្ការឡើយ។ ក្នុងឃុំមានផ្លូវក្រាលកៅស៊ូ១ខ្សែ កាត់ភូមិចំណោម ភូមិថ្មី ភូមិតាឡូង ដែលផ្លូវនេះតភ្ជាប់ពីឃុំព្រៃផ្តៅកំពែង និងឃុំពន្លៃ។ ក្រៅពីនេះហេដ្ឋារចនាសម្ព័ន្ធផ្លូវតាមភូមិមានខ្លះក្រាលគ្រួស ក្រាលថ្ម ហើយខ្លះទៀតមិនទាន់បានធ្វើនៅឡើយ។ នៅរដូវវស្សាផ្ទៃដីភាគខាងកើតឃុំ គ្របដណ្តប់ដោយស្រូវវស្សាយ៉ាងខៀវស្រងាត់ ឯភាគខាងលិចឃុំគ្របដណ្តប់ដោយទឹកទន្លេ។ ក្រៅពីដីស្រែ និងលំនៅដ្ឋានរបស់ប្រជាពលរដ្ឋ ឃុំកំពែងមានព្រែក អូរ និងទួលតូចៗ។ រូបភាពទី២៖ ផែនទីរដ្ឋបាលឃុំកំពែង

ឯកសារ:Map of Kampeng copy
ផែនទីរដ្ឋបាលឃុំកំពែង ស្រុកព្រៃកប្បាស ខេត្តតាកែវ

ប្រភព៖ ផែនទីរដ្ឋបាលឃុំកំពែង

៣.៣.២

ស្ថិតិប្រជាសាស្រ្ត[កែប្រែ]

តាម ទិន្នន័យប្រជាពលរដ្ឋឆ្នាំ២០១៥ របស់ឃុំកំពែងបានបង្ហាញថា ឃុំកំពែងមានភូមិសរុបចំនួន៩ភូមិរួមមាន ភូមិចំណោម ភូមិអង្គជ្រូក ភូមិថ្មី ភូមិត្រពាំងអង្គ ភូមិតាឡូង ភូមិតាមូង ភូមិចង្កើប ភូមិកំពែងធំ និងភូមិកំពែងត្បូង ។ ឃុំកំពែង មានប្រជាពលរដ្ឋចំនួន២០០២គ្រួសារ សរុបទាំងអស់មានចំនួន៩២៩៤នាក់ ស្រីចំនួន ៤៧៥៨នាក់។

ប្រភព៖ ស្ថិតិប្រជាពលរដ្ឋ ឆ្នាំ២០១៥ របស់ឃុំកំពែង ៣.៣.៣. ចំងាយមធ្យមពីភូមិទៅទីតាំងសេវាកម្មរដ្ឋបាល ផ្លូវថ្នល់ និងទីផ្សារ សម្រាប់ចម្ងាយផ្លូវពីភូមិដែលទៅទីតាំងផ្តល់សេវាកម្មរដ្ឋបាលរបស់ឃុំកំពែង មានចម្ងាយចន្លោះពី៣-១០គ.ម។ ក្នុងភូមិដែលស្ថិតនៅក្រោមដែនរដ្ឋបាលរបស់ឃុំគឺមានចម្ងាយជាមធ្យមគឺ ៥-៦គ.មប៉ុណ្ណោះ។ ៣.៣.៤. ស្ថានភាពបច្ចុប្បន្នឃុំកំពែង ៣.៣.៤.១

ផ្នែកសេដ្ឋកិច្ច[កែប្រែ]

ឃុំកំពែង បានទទួលការអភិវឌ្ឍន៍គួរអោយកត់សម្គាល់ ដោយឃុំបានទទួលផ្លូវក្រាលកៅស៊ូ១ខ្សែ និងផ្លូវក្រាលគ្រួស លើកផ្លូវលំជាច្រើនខ្សែ និងការដាក់លូរំដោះទឹក ។ សេដ្ឋកិច្ចឃុំបានពឹងផ្អែកលើវិស័យកសិកម្មជាចម្បង ដែលមានផ្ទែទាំងស្រែប្រាំងទាំងស្រែវស្សាសរុបចំនួន២៥១០ ហិចតា ក្នុងនោះដីស្រែវស្សាមានចំនួន ១៥១២,១០ ហិចតា ដីស្រែប្រាំងមាន ៨២៦,១៣ ហិចតា ដីទួលប្រឡាយ បឹងមាន ១២,៧០ ហិចតា ដីសហគមន៍មាន ១៦,៥០ ហិចតា ដីធារាសាស្រ្ត មានចំនួន ក្រៅពីការធ្វើធ្វើស្រែចម្ការ ប្រជាកសិករបាននេសាទ ដាំបន្លែ ចិញ្ចឹមសត្វ ធ្វើកម្មករ និងមុខរបរតូចតាចនៅតាមទីប្រជុំជននានាក្នុងខេត្ត និងក្រៅខេត្ត។ វិស័យកសិកម្មដែលជាវិស័យចម្បងរបស់ប្រជាពលរដ្ឋ ការធ្វើស្រែ៩០% បានប្រើប្រាស់ជីគីមីជាប្រចាំពីមួយឆ្នាំទៅមួយឆ្នាំ ដែលធ្វើអោយដីកសិកម្មខូច និងរិចរិល បាត់បង់នូវគុណភាពដី និងធ្វើអោយទិន្នផលស្រូវមានការថយចុះ (ប្រសិនបើប្រជាកសិករមិនបានប្រើជីគីមី) នេះមានន័យថា ប្រជាពលរដ្ឋគឺត្រូវតែសម្រេចចិត្តទាំងបង្ខំប្រើប្រាស់នូវជីគីមីជំនួយ ដើម្បីបង្កើនទិន្នផលស្រូវរបស់ពួកគាត់។

៣.២.៤.២.

ផ្នែកសង្កមកិច្ច[កែប្រែ]

ឃុំបានទទួលដូចជា ជំនាញបវិជ្ជាជីវៈ ការផ្តល់ថ្នាំបង្ការសុខភាពមាតា និងទារកស្រះទឹក អណ្តូងទឹក បង្គន់អនាម័យ ពីអង្គការជាច្រើនដូចជា អង្គការRACHA គ្រឹះស្ថានមីក្រូហិរញ្ញវត្ថុAMKអង្គការJSC អង្គការCCJAB អង្គការកុមារមេគង្គ អង្គការគ្រួសារថ្មី អង្គការពន្លឺកុមារ អង្គការTPOK អង្គការPFD អង្គការហេឡូត្រា និងអង្គការមេត្តាករុណាជាដើម ដែលបានជូយដល់ជនពិការ កុមារកព្រារគ្មានទីពឹង ចាស់ជរាគ្មានទីពឹង និងសេវាសុខភាព ព្រមទាំងបណ្តុះបណ្តាលអក្ខរកម្មជាដើម។ ទោះបីជាមានអង្គការនានាចូលមកជួយដល់ឃុំកំពែងលើផ្នែកអប់រំនេះច្រើនក៏ដោយ ក៏ឃុំមានឧបសគ្គជាច្រើនដូចជា ការខ្វះការចេះដឹង ការហូបចុកខ្វះអនាម័យ ខ្វះបង្គន់អនាម័យ ខ្វះទឹកស្អាតប្រើប្រាស់ ក្មេងរៀនបានថ្នាក់ទាបដោយសារជីវភាពគ្រួសារក្រីក្រ ការអប់រំសុខភាពបន្តពូជ សុខភាពមាតា និងទារកនៅមានកម្រិត។

វិស័យអប់រំ[កែប្រែ]

ចំពោះវិស័យអប់រំវិញក្នុងឃំុនេះមានក៏មានការីកចម្រើនគួរអោយកត់សម្គាល់ ដោយសារតែមានសាលារៀនដែលមានចាប់ពីថ្នាក់មតេយ្យរហូតដល់ថ្នាក់ទី 6។ ហើយនៅក្នុងឃំុនេះមានសាលារៀនជាច្រើនកន្លែង ។ហើមានសិស្សានុសិស្សជាច្រើនដែលកំពុងសិក្សានៅទីនោះ ។ហើយដោយសារតែប្រជាជនមានការយល់ដឹងពីអត្ថប្រយោជន៏នៃការសិក្សា ពួកគេបានបញ្ជូនកូនៗរបស់ពួកគេដែលគ្រប់អាយុអោយបានសិក្សាគ្រប់គ្នា ដើម្បីក្រេបជញ្ជូកយកចំណេះវិជ្ជា ហើយអភិវ័ឌ្ឍន៍ខ្លួនអោយក្លាយជាមនុស្សថ្លៃង្នូរក្នុងសង្គម ដើម្បីជួយអភិវឌ្ឍន៍ប្រទេសជាតិអោយកាន់តែរីកចម្រើនរុងរឿង។

វិស័យសុខាភិបាល[កែប្រែ]

ចំពោះវិស័យសុខាភិបាល​ ក៏មានការរីកចម្រើនដែរដោយគ្រូពេទ្យសុទ្ធតែបានទទួលការបណ្ដុះបណ្ដាលបានយ៉ាងស្ទាត់ជំនាញ ដូច្នេះធ្វើឧ្យមានភាពងាយស្រួលដល់ប្រជាពលរដ្ឋ ក្នុងការព្យាបាលជំងឺផ្សេងៗដែលកើតមានទៅលើពួកគាត់។

ការអភិវឌ្ឃន៍[កែប្រែ]

ចំពោះការអភិវឌ្ឍន៍វិញ បើគិតតាំងពីឆ្នាំកន្លងទៅរហូតមកដល់បច្ចុប្បន្ននេះមានការរីកចម្រើនលើគ្រប់វិស័យ ដោយមាន ផ្លូវថ្នល់ មន្ទីពេទ្យ សាលារៀន ប្រឡាយទឹក និងអ្វីផ្សេងទៀតជាច្រើន ដែលជាហេតុធ្វើអោយប្រជាជនកានតែមានជីវភាពកាន់តែរីកចម្រើនឡើងជាលំដាប់។

ប្រភព[កែប្រែ]

[១]

  1. សៀវភៅផែនការណ៍អភិវឌ្ឍន៍ឃុំកំពែងឆ្នាំ២០១៥