ខេត្តតាកែវ

ពីវិគីភីឌា
Jump to navigation Jump to search
ខេត្តតាកែវ
ខេត្តតាកែវ
ខេត្តតាកែវក្នុងផែនទីនៃប្រទេសកម្ពុជា
ប្រទេស  កម្ពុជា
បង្កើត ឆ្នាំ១៩០៧
ក្រុង ក្រុងដូនកែវ
រដ្ឋាភិបាល
 • អភិបាលខេត្ត អ៊ូច ភា (គណបក្សប្រជាជនកម្ពុជា)
ផ្ទៃក្រឡា
 • សរុប ៣៥៦៣ គម (១៣៧៦ ម៉ាយ ការ)
ចំណាត់ថ្នាក់ផ្ទៃក្រឡា លំដាប់លេខ២០
ប្រជាជន (២០០៨)[១]
 • សរុប ៨៤៣៩៣១នាក់
 • ចំណាត់ថ្នាក់ លេខ៧
 • សន្ទភាព ២៣១,០/គម (៥៩៨/ម៉ាយ ការ)
 • ចំណាត់ថ្នាក់សន្ទភាព លំដាប់លេខ៣
ល្វែងម៉ោង UTC+07
កូដតំបន់ +៨៥៥
ក្រមអ.ម.អ. ៣១៦៦ KH-២១
ស្រុក
ឃុំ ៩៧
ភូមិ ១១១៩
ខេត្តតាកែវ១២.jpg

ទីតាំងភូមិសាស្រ្ត[កែប្រែ]

ខេត្តតាកែវគឺជាខេត្ដមួយស្ថិតនៅភាគខាងត្បូងនៃប្រទេសកម្ពុជា។ ខេត្តនេះមានព្រំប្រទល់ខាងលិចជាប់នឹងខេត្តកំពត ភាគពាយ័ព្យជាប់នឹងខេត្តកំពង់ស្ពឺ ខាងជើងនិងខាងកើតជាប់ខេត្តកណ្ដាល និងភាគខាងត្បូងជាប់ជាមួយព្រំដែនអន្ដរជាតិប្រទេសវៀតណាម។ ខេត្តតាកែវមានផ្ទៃដីសរុប ៣,៥៦២.៧០ គីឡូម៉ែត្កការេ[២]។ ទីរួមខេត្តនៃខេត្តតាកែវគឺក្រុងដូនកែវ ដែលជាក្រុងតូចមួយមានប្រជាជន ៣៩,១៨៦ នាក់។ បើយើងធ្វើដំណើរពីភ្នំពេញទៅកាន់ទីរួមខេត្តតាកែវលើកំណាត់ផ្លូវជាតិលេខ ២ និងលេខ៣ គេនឹងបានឃើញស្ថានភាពប្រជាពលរដ្ឋ ការប្រកបរបររកស៊ីរបស់ពួកគេនៅក្នុងខេត្តនេះ។ មិនតែប៉ុណ្ណោះ គេក៏អាចធ្វើដំណើរតាមផ្លូវជាតិលេខ២ផងដែរ ដែលមានចម្ងាយផ្លូវប្រហែល៧៨ គីឡូម៉ែត្រ។

ខេត្តតាកែវ២.jpg

ចំនួនប្រជាជន[កែប្រែ]

ចំនួនប្រជាជននៅក្នុងខេត្តនេះមានប្រហែល ៩២៤,៧៥៨ នាក់ ឬ ៦,៤% នៃចំនួនប្រជាជនសរុបនៅក្នុងប្រទេសកម្ពុជាដែលមានចំននួន (១៤,៣៦៣,៥១៩ នាក់, ឆ្នាំ ២០០៧, ទិន្នន័យខេត្ត), ដែលមាន ប្រុសចំនួន ៤៤៥,០០០នាក់ និងស្រីចំនួន ៤៧៩,៧៥៨ នាក់។ ដែលក្នុងនោះជាមធ្យម ១គីឡូមែត្រការេ មានប្រជាជនរស់នៅចំនួន ២៥៩.៥ នាក់។

ខេត្តតាកែវ៩.jpg

រដ្ឋបាល[កែប្រែ]

ខេត្តតាកែវមាន ក្រុង ១ ៩ ស្រុក ៩៧ ឃុំ, ៣ សង្កាត់ និង ១១១៩ ភូមិ [៣]

លេខ ស្រុក/ក្រុង ឃុំ/សង្កាត់ ភូមិ
២១០១ ស្រុកអង្គរបូរី ៣៤
២១០២ ស្រុកបាទី ១៥ ១៦៨
២១០៣ ស្រុកបូរីជលសារ ៣៩
២១០៤ ស្រុកគីរីវង់ ១២ ១១៥
២១០៥ ស្រុកកោះអណ្តែត ៦៨
២១០៦ ស្រុកព្រៃកប្បាស ១៣ ១១០
២១០៧ ស្រុកសំរោង ១១ ១៤៧
២១០៨ ក្រុងដូនកែវ ៣(សង្កាត់) ៤០
២១០៩ ស្រុកត្រាំកក់ ១៥ ២៤៤
២១១០ ស្រុកទ្រាំង ១៤ ១៥៤


អភិបាលខេត្ត[កែប្រែ]

លរ អភិបាល កាន់តំណែង ប្រភព
អ៊ូច ភា ២៦ មីនា ២០១៨ ព្រះរាជក្រឹត្យចុះថ្ងៃទី២៦ មីនា ឆ្នាំ២០១៨[៤]
ឡាយ វណ្ណៈ
ស្រី បេន
កែប ជុតិមា
ស៊ូ ភីរិន្ទ

ប្រវត្តិសាស្ត្រ[កែប្រែ]

តាកែវជាខេត្តចំណាស់មួយត្រូវបានគេចាត់ទុកថាជា "ដើមកំណើតនៃអរិយធ៌មខ្មែរ" ដោយសារតែធ្លាប់ជាតំបន់កណ្តាលនៃនគរចេនឡាបន្ទាប់ពីការធ្លាក់ចុះនៃនគរភ្នំ។ ប្រវត្តិសាស្រ្ត ជាច្រើនដែលទាក់ទងនឹងសម័យ អាណាចក្រភ្នំ និងសម័យ ចេនឡា ដោយមាន ប្រាសាទបុរាណជាច្រើនរហូតដល់៣៤ប្រាសាទដែលបានកសាងឡើងមុនសម័យអង្គររវាងសតវត្សទី៥ដល់ទី៨។ សក្ដានុពលភាពសំខាន់ក្នុងខេត្ត នេះគឺវិស័យទេសចរណ៍ ដែលជាប្រភពចំណូលជូនរដ្ឋ និងអាចឱ្យប្រជាពលរដ្ឋទាញរកប្រយោជន៍ពីវិស័យនេះផងដែរ។ តំបន់ទេសចរណ៍សំខាន់ៗក្នុងខេត្តនេះមានភាគច្រើនជាទីតាំងប្រវត្តិសាស្ត្រ ដូចជា ប្រាសាទបុរាណជាដើម ដែលធ្វើឱ្យទេសចរចូលចិត្តមកធ្វើការសិក្សាស្រាវជ្រាវ ព្រមទាំងទទួលនូវអារម្មណ៍បរិសុទ្ធ ពីទេសភាពប្រណីតៗជុំវិញតំបន់ ប្រាសាទបុរាណនោះផងដែរ។តាកែវត្រូវបានគេគិតថាជាកន្លែងកំណើតនៃអរិយធម៌ខ្មែរ។ ពាណិជ្ជករនៃប្រទេសចិនបានរៀបរាប់ថា រាជាណាចក្រខ្មែរកាលពីដើមមានទីតាំងស្ថិតនៅតាកែវ ដែលមានឈ្មោះថា "ហ្វ៊ូណន" ហើយពួកគេបាននិយាយទៀតថា នេះជាព្រះរាជាណាចក្រដែលមានកំពែងព័ទ្ធជុំវិញ។ ភស្ដុតាងនៃវត្ថុបុរាណនៅអង្គរបុរី បានបញ្ជាក់ថាទីនេះជាកន្លែងដែល ជាមូលដ្ឋាននៃព្រះរាជាណាចក្រខ្មែរយ៉ាងសំខាន់ចាប់តាំងពីដើមឆ្នាំ ៤០០ មុនគ្រិស្តសករាជ។ ក្នុងចំណោមខេត្តទាំង ២៤ ខេត្តតាកែវគឺជាខេត្តមួយដែលមានវ័យចំណាស់ជាងគេក្នុងប្រវត្តិសាស្រ្ត ដែលមានប្រវត្តិទាក់ទង់និងអាណាចក្រភ្នំ និងចេនឡា។ ខេត្តតាកែវមានប្រាសាទបុរាណចំនួន ៣៤ ដែលបុព្វបុរសខ្មែរយើងបានបន្សល់ទុក ហើយក៏ជាដួងព្រលឹងនៃប្រជាជនខ្មែរកាលជំនាន់នោះនិងប្រទេសកម្ពុជាយើងផងដែរ។ បច្ចុប្បន្នខេត្តតាកែវមានប្រាសាទ ដែលមានរូបរាងច្បាស់លាស់ចំនួន ៩កន្លែងដែលទាក់ទងនឹងប្រវត្តិសាស្រ្តគឺ៖

ភ្នំជីសូរ្យ.jpg

វត្ថុអនុស្សាវរីយ៍ក្នុងតំបន់[កែប្រែ]

ទាំងនេះគឺជាហូលខ្មែរ ផាមួង និងក្រមាសូត្រដែលជាស្នាដៃរបស់ស្រ្ខ្តីខ្មែរនៅក្នុងស្រុកសំរោង។ ផលិតផលទាំងអស់នេះត្រូវបានទិញនៅគ្រប់វិស័យ កីឡា ទេសចរណ៏និងទីផ្សារក្នុងស្រុក។ ហើយពួកវាត្រូវបានផលិតឡើងក្នុងគុណភាពល្អបំផុត និងមានប្រយោជន៏សម្រាប់ការតុបតែងផ្ទះ និងការប្រើប្រាស់។ យើងអាចរកទិញបាននៅតាមទីផ្សារមួយចំនួនណៅក្នុងខេត្តតាកែវ ដូចជា ផ្សារ អង្គតាសោម ផ្សារសំរោងយ៉ោង និងនៅតាមទីផ្សារផ្សេងៗទៀតនៅក្នុងខេត្តតាកែវ និងនៅក្នុងប្រទេសកម្ពុជាផងដែរ។ ទាំងនេះគឺជាផ្នែកមួយនៃអត្តសញ្ញាណខ្មែរ។ ទោះជាយ៉ាងណាពួកវាត្រូវបានគេត្បាញនៅក្នុងខេត្តជាំច្រើនក្នុងប្រទេសកម្ពុជា។ សូមអញ្ជើញមកទស្សនា និងទិញផលិតផលទាំងនេះដែលមានតម្លៃតោកសមរម្យ ហើយមានគុណភាពខ្ពស់់់់។

អាកាសធាតុ[កែប្រែ]

ខេត្តតាកែវមាន ៤រដូវគឺ រដូវរងា ចាប់ពី វិច្ឆិកាដល់ខែកុម្ភៈ និង មានរដូវលំហែរមានប្រាំង និង វស្សា ចាប់ ខែមិនា ដល់ខែឧសភា រដូវភ្លៀងមានចាប់ពី ខែមិថុនាដល់ខែតុលា។ ទីក្រុងដូនកែវ ខេត្តតាកែវ គឺជាក្រុងដែលមានភ្លៀងធ្លាក់ច្រើន នៅថ្ងៃដែលក្តៅ មានកំដៅរហូតទៅដល់ ៣៧អង្សា ហើយបើត្រជាក់ជាងគេវិញមានរហូត ២១អង្សា។

ខេត្តតាកែវ៣.jpg

ការអភិវឌ្ឍ[កែប្រែ]

ចំពោះការអភិវឌ្ឈវិញមានភាពរីកចំរើននិងងាយស្រួលជាងមុន ដោយមានផ្លូវជាតិ ផ្លូលំ សាលារៀន មន្ទីរពេទ្យ។ ចំពោះផ្នែកសន្ដិសុខវិញមានសណ្ដាប់ធ្នាប់ល្អគ្មានអំពើលួចឆក់ប្លន់ ដែលប៉ះពាល់ដល់ការប្រកបរបររបស់ប្រជាជនឡើយ។ មិនត្រឹមតែប៉ុណ្ណោះប្រព័ន្ធអគ្គីសនីវិញមានស្ទើគ្រប់ផ្ទះ និង មានទឹកគ្រប់គ្រាន់សម្រាប់ប្រើប្រាស់ក្នុងជីវភាពប្រចាំថ្ងៃ ។ ក្នុងឆ្នាំ២០១៧ នេះប្រជាជនប្រមាណ ៤០%ហើយដែលបានប្រើប្រាស់ទឹកស្អាតរាជរដ្ឋាភិបាលកំពុងតែខិតខំរៀបចំទឹកស្អាតដល់ប្រជាជនទូទាំងខេត្ត តែប្រជាពលរដ្ឋហាក់ដូចជាមិនចង់បោះបង់ចោលទម្លាប់ចាស់របស់ពួកគេ ក្នុងការប្រើប្រាស់ទឹកស្រះ និងទឹកអណ្ដូងឡើយ។ ក្រុមមន្ត្រី នឹងខិតខំជំរុញពួកគេឲ្យងាកមកប្រើប្រាស់ទឹកស្អាតវិញ។ បើប្រៀបធៀបខេត្តកំពង់ស្ពឺ កំពត កណ្ដាល ដែលជាខេត្តដែលនៅភាគខាងត្បូងនិងមានព្រំដែនជាប់ជាមួយប្រទេសវៀតណាម ខេត្តតាកែវគឺជាខេត្តដែលជាប់ចំណាត់ច្នាក់ ហើយមានភ្ញៀវទេសចរណ៏ទៅទស្សនាជាច្រើន។ អ្នកទស្សនាភាគច្រើនជាជនជាតិខ្មែរដែលពួកគេច្រើនទៅទស្សនាប្រាសាទបុរាណនៅចុងសប្តាហ៏។

ខេត្តកែវ៤.jpg

សេដ្ឋកិច្ច[កែប្រែ]

សេដ្ឋកិច្ចខេត្តតាកែវជាមូលដ្ខានគឺពឹងផ្អែកលើការធ្វើកសិកម្ម ការនេសាទ ការដាំដំណាំស្រូវនិងផ្លែឈើ ជាពិសេសគឺនៅតាមជនបទ។ ចំណែកនៅតាមទីប្រជុំជនវិញ ប្រជាជនច្រើនប្រកបរបរលក់ដូរ និងការប្រកបរបរអាជីវកម្មផងដែរ។ ហើយក៏មានសក្ដានុពលផងដែរចំពោះវិស័យទេសចរណ៍។

ខេត្តតាកែវ១.jpg

ផ្សារ[កែប្រែ]

សំរាប់ផលិតផល ត្រី ផ្លែឈើ បន្លែ សាច់ និងផលិតផលវេចខ្ចប់ មួយចំនួនជាផលិតផលក្នុងស្រុក និងភាគច្រើននាំចូលមកពីប្រទេសវៀតណាម។ ភាគច្រើននៃហាងលក់ម្ហូបអាហារ និងភេសជ្ជៈ គឺនៅជុំវិញផ្សារ។

ផ្សារនៅខេត្តតាកែវរួមមាន

  • ផ្សារកំពង់ជ្រៃ
  • ផ្សារកោះអណ្ដែត
  • ផ្សារគិរីវង់(ឃុំព្រៃរំដេង)
  • ផ្សារក្បាលពោធិ៍
  • ផ្សារតាកែវ
  • ផ្សារដើមរកា
  • ផ្សារត្រពាំងអណ្ដើក
  • ផ្សារត្រាំកក់
  • ផ្សារត្រាំខ្នារ
  • ផ្សារថ្នល់បែកគុស
  • ផ្សារទន្លាប់
  • ផ្សារធំ
  • ផ្សារបត់រកា
  • ផ្សារព្រៃល្វា
  • ផ្សារព្រៃសណ្ដែក
  • ផ្សារព្រំដែនថាម៉ូ
  • ផ្សារភ្នំដឹន
  • ផ្សារឫស្សីស្រុក
  • ផ្សារសៃវ៉ា
  • ផ្សារសំរោងយ៉ោង
  • ផ្សារអង្គតាសោម
  • ផ្សារអង្គរកា
  • ផ្សារអង្គរបុរី
បឹងតាកែវស្ថិតក្នុងខេត្តតាកែវ

រូបភាព[កែប្រែ]

ឯកសារយោង[កែប្រែ]

  1. General Population Census of Cambodia 2008 - Provisional population totals, National Institute of Statistics, Ministry of Planning, 3 September 2008
  2. Municipality and Province Investment Information: Takeo Province
  3. [១]
  4. វីរៈ (27-03-2018). "លោក ឡាយ វណ្ណៈ អភិបាលខេត្តតាកែវត្រូវបានផ្លាស់ប្ដូរតួនាទីជំនួសដោយលោកអភិបាលរងខេត្តវិញ". កម្ពុជាថ្មី. Retrieved 2019-06-26. Check date values in: |date= (help)