ចៅពញាតន់ ឬព្រះបរមរាជាទី៦

ពីវិគីភីឌា
Jump to navigation Jump to search
ចៅពញាតន់ ឬព្រះបរមរាជាទី៦
រជ្ជកាល ១៥៨៦-១៥៩៩
រាជ្យមុន ព្រះបាទរាមាជើងព្រៃ
រាជ្យបន្ត ព្រះបរមរាជាទី៧ចៅពញាអន
សាសនា ព្រះពុទ្ធសាសនា និងរាជធានីស្រីសន្ធរ

ចៅពញាតន់ ឬព្រះបរមរាជាទី៦ (១៥៨៦-១៥៩៩)[កែប្រែ]

ចៅពញាតន់ត្រូវជាបុត្រទី២ របស់ព្រះបាទសត្ថាទី១ និងជាអនុជរបស់ព្រះបាទជ័យជេដ្ឋាទី១។ ព្រះអង្គមានសិទ្ធបានឡើងសោយរាជ្យហើយពួកមន្រ្តីក៏ទទួលស្គាល់ទៀតផង។ ព្រះអង្គសោយរសជ្យនៅ រាជធានីស្រីសន្ធរ ដោយមាននាមថា បរមរាជាទី៦[១]។ ដើម្បីសងគុណដល់ពួកអេស្ប៉ាញ ព្រះអង្គបានតែងតាំងឱ្យលោក វេឡូសូ (Veloso) ជាចៅហ្វាយស្រុកបាណាម ឯលោក រ៉ូស (Ruiz) ជាចៅហ្វាយស្រុកទ្រាំ ហើយព្រះអង្គផ្ញើសារទៅក្រុងម៉ានីល ដើម្បីសូមឱ្យពួកបុព្វជិតនិមន្តមកកម្ពុជា ទ្រង់សន្យាថានិងសាងសង់ព្រះវិហារ និងទ្រង់អនុញ្ញាតឱ្យប្រជាជនខ្មែរចូលសាសនាគ្រិស្តទៀតផង។ ដើម្បីពង្រីកអំណាចរបស់ព្រះអង្គ ហើយដោយមានសំណើរពីលោក រ៉ូស (Ruiz) ផងព្រះអង្គបានផ្ញើសារទៅជូនលោកទេសាភិបាលថ្មីនៃប្រទេសពីលីពីន ដើម្បីជំនួយជាទ័ពនិងអ្នកផ្សាយសាសនា។ នៅថ្ងៃទី១៧ ខែកញ្ញា ឆ្នាំ១៥៩៨ ក្បួននាវាមួួយដឹកនទាហានអេស្ប៉ាញ២០០នាក់និងបព្វជិតដូមីនីកាំង ២អង្គ បព្វជិតហ្វ្រង្សីស្កាំង ២អង្គបានចេញដំណើរពីទីក្រុងម៉ានីលឆ្ពោះមកកាន់ប្រទេសកម្ពុជា ក្រោមបញ្ជាការរបស់លោក ឡូសផើសដាស្មារីនណាស (Luis Perez Dasmarinas) ប៉ុន្តែជាអកុសល ក្បួននាវាបានជួបប្រទះនឹងខ្យល់ព្យុះបក់ទៅទើរនៅប្រទេសចិនជិតក្រុងកង់តុង។ ជនដែលមានជីវិតរស់រានទាំងប៉ុន្មានបានត្រឡប់ទៅកាន់ក្រុងម៉ានីលវិញ។ ក្រោយមកទៀតមានកប៉ាល់មួយមកដល់ទីក្រុងចតុមុខនៅឆ្នាំ១៥៩៩។ បន្តមកទៀតមានជម្លោះមួយកើតឡើងរវាងពួកនាវិកអេស្ប៉ាញនិងពួកជ្វា។ លោកវេឡូសូ (Veloso) និងលោក រូស (Ruiz)បានមកដល់កន្លែងជម្លោះ ក៏ត្រូវបានគេសម្លាប់ទាំងពីរនាក់។ ដំណឹងក៏បានឮដល់ព្រះបាទពញាតន់ ទ្រង់បានដឹកនាំទ័ពដោយផ្ទាល់ ហើយព្រះអង្គត្រូវបានពួកជ្វានិងចាមបះបោរសម្លាប់ព្រះអង្គសុគង្គតទៀត[២]

ឯកសារយោង[កែប្រែ]

  1. សៀវភៅ ប្រវត្តិសាស្រ្តខ្មែរ ត្រឹង ងា ឆ្នាំ១៩៧៣ បោះពុម្ពឆ្នាំ២០០៣ ទំព័រទី១៦១។
  2. សៀវភៅ ប្រវត្តិសាស្រ្តខ្មែរ ត្រឹង ងា ឆ្នាំ១៩៧៣ បោះពុម្ពឆ្នាំ២០០៣ ទំព័រទី១៦២។