ជា យុទ្ធថន
| ឈ្មោះពេញ | ជា យុទ្ធថន |
|---|---|
| ថ្ងៃខែឆ្នាំកំណើត | ១៩៣៥ |
| ទីកន្លែងកំណើត | ជ្រោយចង្វា ក្រុងភ្នំពេញ |
| បិតានាម | ជា ថោង |
| មាតានាម | ស ងួន |
| ភរិយា | វណ្ណ ភូមី,សោម វណ្ណសូដានី |
| បងប្អូនបង្កើត | ជា យុទ្ធធន,ជា យុទ្ធថន,ជា យុទ្ធអេង |
| ការងារ | តារាភាពយន្ត |
លោកជា យុទ្ធថនជាអតីតតារាភាពយន្តជើងចាស់ដ៏ល្បីល្បាញមួយរូបក្នុងប្រទេសកម្ពុជា កាលពីអំឡុងទសវត្សរ៍ទី៦០និងដើមទសវត្សរ៍ទី៧០។
ជីវប្រវត្តិ
[កែប្រែ]លោកជា យុទ្ធថតកើតក្នុងឆ្នាំ១៩៣៥នៅតំបន់ជ្រោយចង្វារ ត្រើយម្ខាងភ្នំពេញ។ ឪពុកឈ្មោះជា ថោង ជាគ្រូពេទ្យ ម្តាយឈ្មោះស ងួន ជាមេផ្ទះ។ លោកជាកូនទី២ ក្នុងចំណោមបងប្អូនប្រុស៣នាក់គឺ៖ ជា យុទ្ធធន, ជា យុទ្ធថន,និង ជា យុទ្ធអេង។
បងប្អូនបង្កើតទាំង៣នាក់របស់លោកបានស្លាប់បាត់បង់ជីវិតអស់ទៅហើយ ។ មុនចូលប្រឡូកវិស័យភាពយន្ត លោកធ្លាប់ធ្វើជាពេទ្យបឋមម្នាក់បំរើការនៅមន្ទីរពេទ្យព្រះកុសុមៈ ហើយក្រោយមកលោកធ្វើការជាអ្នកយាមទូតនៅស្ថានទូតអាមេរិកប្រចាំស្រុកខ្មែរ។លោកមានភរិយាទីមួយគឺអ្នកស្រីវណ្ណ ភូមី និងភរិយាទីពីរជាតារាសម្ដែងរួមជំនាន់គឺអ្នកស្រីសោម វណ្ណសូដានី ។ លោកជា យុទ្ធថនបានលាចាកលោកនៅក្នុងរបបវាលពិឃាតក្នុងឆ្នាំ១៩៧៦នៅឯទឹកដីខេត្តបាត់ដំបង។
ជីវិតសិល្បៈ និង ស្នាដៃ
[កែប្រែ]លោកបានចាប់អាជីពជាតារាភាពយន្តដំបូងនៅឆ្នាំ១៩៦២ ដោយសារលោកប៊ីវ ឆៃលាងផលិតករភាពយន្តចាងហ្វាងផលិតកម្មឥន្រ្ទទេវីភាពយន្ត ជំនាន់នោះបានឃើញរូបសម្បត្តិដ៏ស្រស់សង្ហាប្រកបដោយសាច់ដុំមាំមួនក៏ហៅលោកឱ្យថតរឿងជីវិតក្មេងកំព្រា។ ចាប់តាំងពីពេលនោះមករហូតដល់ឆ្នាំ១៩៧៥ លោកបានសម្ដែងស្ទើរគ្រប់ផលិតកម្មដូចជា ផលិតកម្មតារារ័ត្នភាពយន្ដ របស់លោកទា លឹមគុណ, ផលិតកម្មបក្សីឋានសួគ៌ភាពយន្ដ របស់លោកអ៊ី វ៉ុងហែម, ផលិតកម្មកងពេជ្រភាពយន្ដ របស់លោកឈា នុក, ផលិតកម្មសុវណ្ណគិរីភាពយន្ដ របស់លោកហ៊ុយ គឹង, ផលិតកម្មព្រះខ័នពេជ្រភាពយន្ដ របស់លោកលី វ៉ា,ផលិតកម្មហេមពាន្តភាពយន្ត របស់លោកលី យូស្រ៊ាង,ផលិតកម្មប្រាសាទមាសភាពយន្ត របស់លោក សារ៉ាវុធ,ផលិតកម្មច័ន្ទណារីភាពយន្ត របស់អ្នកស្រីចាន់ ណារី,ផលិតកម្មឈួនឆៃភាពយន្ត របស់លោកឈួន ឆៃ,ផលិតកម្មអប្សរាភាពយន្ត របស់លោកលី សុងហេង ជាដើម ។ តួឯកស្រីដែលលោកធ្លាប់សម្ដែងជាមួយគឺអ្នកស្រីទិត្យ វិជ្ជរ៉ាដានី,សោម វណ្ណសូដានី,ឌី សាវ៉េត,ពៅ ទេវី,ផ្កា រ៉ូហ្សែត,កែវ មន្ថា,សាក់ ស៊ីស្បោង,គឹម ណូវ៉ា។ លោកបានចូលរួមសម្ដែងភាពយន្តបាន៨៣រឿង ជាអាទិ៍រួមមាន៖
- រឿងជីវិតក្មេងកំព្រា (១៩៦២)
- រឿងផែនដីដែលខ្ញុំស្រឡាញ់ (១៩៦២)
- រឿងអ្នកក្លាហាន៧រូប (១៩៦៣)
- រឿងរសាត់តាមខ្យល់ (១៩៦៣)
- រឿងសក្ការបុប្ផា (១៩៦៣)
- រឿងវាសនាបុប្ផាភួងថ្មី (១៩៦៣)
- រឿងពូជមួយត្រួយពីរ (១៩៦៤)
- រឿងកងកម្មកងកែវ (១៩៦៤)
- រឿងកាលណាផ្ការីក (១៩៦៥)
- រឿងនាងការ៉ាកេត (១៩៦៥)
- រឿងឆន្នមឿង (១៩៦៥)
- រឿងក្អែកព្រាត់បង្គង (១៩៦៦)
- រឿងម៉ាក់ភូយុងកែវ (១៩៦៦)
- រឿងស្រមោលអតីតកាល (១៩៦៦)
- រឿងលោហិតវាសនា (១៩៦៧)
- រឿងអ្នកតាឃ្លាំងមឿង (១៩៦៧)
- រឿងពៅឈូកស ទស្សនា (១៩៦៧)
- រឿងព្រះធិនវង្ស ទស្សនា (១៩៦៧)
- រឿងពិជ័យវង្សា (១៩៦៧)
- រឿងសុវណ្ណហង្ស (ថតលើកទី២ ) (១៩៦៧)
- រឿងស័ង្ខសិល្ប៍ជ័យ (១៩៦៨)
- រឿងសម្លេងខ្លែងឯក (១៩៦៨)
- រឿងព្រះអផៃមុនីស៊ីសុវណ្ណ (១៩៦៨)
- រឿងជ័យទត្ត (១៩៦៨)
- រឿងវិប្បដិសារី (១៩៦៨)
- រឿងច្រឡំសង្សារស្រវ៉ាខុសគូ (១៩៦៩)
- រឿងនាងនាគត្រាច់ចរ (១៩៦៩)
- រឿងនរកលោកីយ៍ (១៩៦៩)
- រឿងឥន្រ្ទបុត្រ (១៩៦៩)
- រឿងក្រឡាហោមគង់ (១៩៧០)
- រឿងពស់កេងកង ទស្សនា (១៩៧០)
- រឿងស្រីគ្រប់លក្ខណ៍ (១៩៧០)
- រឿងស្រីគ្រប់លក្ខណ៍ (ថតលើកទី២) (១៩៧០)
- រឿងបុត្រាព្រះអាទិត្យសងឈាមម្ដាយ (១៩៧០)
- រឿងប្ញទ្ធិវង្ស (១៩៧០)
- រឿងជីវិតផ្សងព្រេង (១៩៧០)
- រឿងនាងអម្ពរពេជ្រ (១៩៧០)
- រឿងអក្ខរ៉េតមយូរ៉ា (១៩៧០)
- រឿងអ្នកកាត់សក់ដៃឯក ទស្សនា (១៩៧១)
- រឿងថ្មរាំ (១៩៧១)
- រឿងកណ្ដឹងសាមពាន់ (១៩៧១)
- រឿងសុរិយាល្ងាចថ្ងៃ (១៩៧១)
- រឿងបំណុលឈាមឳពុក ទស្សនា ១៩៧១
- រឿងដំរីចុះប្រេង (១៩៧១)
- រឿងពស់កេងកងភាគ២ (១៩៧២)
- រឿងអណ្ដើកស៊ីត្រកួន (១៩៧២)
- រឿងជ្រលងសេកមាស (១៩៧២)
- រឿងនាងផាត់ជាយ (១៩៧២)
- រឿងអាឡេវអាវែក (១៩៧២)
- រឿងទុកស្នេហ៍ជូនបង (១៩៧២)
- រឿងព្រាត់ព្រោះអ្វី (១៩៧២)
- រឿងវង្វេងព្រោះស្នេហ៍ (១៩៧២)
- រឿងអាឡេវអាវែកនិងគ្រូឥឦ (១៩៧៣)
- រឿងចំណារព្រហ្មលិខិត (១៩៧៣)
- រឿងតេជោដំឌិន (១៩៧៣)
- រឿងខ្លែងសខ្លែងខ្មៅ (១៩៧៣)
- រឿងខ្លឹមច័ន្ទក្រឹស្នា (១៩៧៣)
- រឿងក្រមុំយំយប់ (១៩៧៣)
- រឿងភីសាវង់អូនអើយ (១៩៧៣)
- រឿងផ្គរលាន់ដើមឆ្នាំ (១៩៧៣)
- រឿងពស់វែកស្រង៉ែ (១៩៧៣)
- រឿងព្យុះជីវិត (១៩៧៣)
- រឿងសំនៀងស្នេហ៍កម្ម (១៩៧៣)
- រឿងស្នាមស្នេហ៍ព្រៃគប់ (១៩៧៣)
- រឿងស្នេហ៍មកពីណា (១៩៧៣)
- រឿងប្រម៉ាត់ប្រម៉ង់ (១៩៧៤)
- រឿងរាហ៊ូចាប់ច័ន្ទ (១៩៧៤)
- រឿងក្រពើលោកនេន ទស្សនា (១៩៧៤)
- រឿងឆ្នាំអូន១៦ ទស្សនា (១៩៧៤)
- រឿងនាងមហោរី (១៩៧៤)
- រឿងអង្គុលីមារ (១៩៧៤០
- រឿងបុប្ផាកម្ពុជាក្រោម (១៩៧៤)
- រឿងនាងបដាចារ(ថតលើកទី២) (១៩៧៤)
- រឿងចម្រៀងឥតព្រាងទុក (១៩៧៤)
- រឿងជំនោរខែប្រាំង (១៩៧៤)
- រឿងក្រមុំស្រស់កម្លោះចោម (១៩៧៤)
- រឿងផ្កាត្របែកព្រៃ ទស្សនា (១៩៧៤)
- រឿងរន្ទះខែប្រាំង (១៩៧៥)
- រឿងថ្ងៃលិចអូនស្រណោះ (១៩៧៥)
- រឿងជំនោរបឹងស្នោ (មិនទាន់បញ្ចាំង)
- រឿងកំហែងឈើទាល (មិនទាន់បញ្ចាំង)
- រឿងមច្ឆាស្ទឹងខៀវ (មិនទាន់បញ្ចាំង)
- រឿងអ្នកប្រដាល់១៣ស្រុក (មិនទាន់បញ្ចាំង)
ឯកសារយោង
[កែប្រែ]- ទស្សនាវដ្តីប្រជាប្រិយ
- Golden Age of Khmer Cinema