ថាច់ រាជ

ដោយវិគីភីឌា
ថាច់ រាជ
ថាច់ រាជ
ព័ត៌មាន​មួយ​ចំនួន
ព្រះនាម ថាច់ រាជ
ប្រសូត ឆ្នាំរកាត្រីស័កព.ស. ២៤៦៤ គ.ស. ១៩២១
ទីកន្លែងប្រសូត ភូមិចុងព្រែក ឃុំព្រែកលបស្រុកកញ្ចោង ខេត្តព្រះត្រពាំង
បិតា ថាច់ កែវ
មាតា ថាច់ ធី ចាន់
ឋានៈ អតីតព្រះមេគណខេត្តព្រះត្រពាំង​​(១៩៦៤~១៩៧៥)
សុគត ថ្ងៃពុធ ០៨ កើត ខែជេស្ឋ ឆ្នាំម្សាញ់ នព្វ ស័ក ព.ស.២៥២១

ត្រូវនឹងថ្ងៃទី ២៥ ខែឧសភា គ.ស.១៩៧៧ វេលាម៉ោង ១២ និង ០៥ នាទី អធ្រាត្រ៥៦ វស្សា

ព្រះតេជព្រះគុណ ធម្មសាល ថាច់ រាជប្រសូតិនៅ គ.ស. ១៩២១សុគតនៅ គ.ស. ១៩៧៧ ជាអតីតព្រះមេគណខេត្តព្រះត្រពាំង ចាប់តាំងពី គ.ស. ១៩៦៤ ដល់ គ.ស.១៩៧៥ និង ជាអតីតប្រធានសមណប្បាតុករប្រចាំខេត្តព្រះត្រពាំងនាឆ្នាំ ១៩៦៩ ដើម្បី ទាមទារឲ្យរដ្ឋាភិបាលសាធារណរដ្ឋយួន ផ្តល់តួនាទីជាជនជាតិភាគតិចដល់ខ្មែរក្រោមនៅកម្ពុជាក្រោម ។ ព្រះអង្គសុគតក្នុងព្រះ ជន្ម ៥៦ វស្សា នៅវត្តពោធិបឹងដោយយួនធ្វើទារុណកម្មក្នុងគុក ។


ប្រវត្តិ[កែប្រែ]

ព្រះតេជព្រះគុណ ធម្មសាល ថាច់ រាជ ប្រសូតិក្នុងឆ្នាំរកាត្រីស័កព.ស. ២៤៦៤ គ.ស. ១៩២១ នៅ​ភូមិចុងព្រែក ឃុំព្រែកលប ស្រុកកញ្ចោង (Tiểu Cần)ខេត្តព្រះត្រពាំង។ ឱពូកឈ្មោះថាច់ កែវ ម្តាយឈ្មោះ ថាច់ ធី ចាន់
ព្រះអង្គមានបងប្អូន ៦ នាក់ គឺ៖

  1.  ?
  2. ថាច់ ប្រាជ្ញ
  3. ថាច់ អោ
  4. ថាច់ ធី សម
  5. ថាច់ រាជ
  6. ថាច់ ធី ឡាយ (ប្រុស ៤ ស្រី ២)។

ការសាងផ្នួសជាសាមណេរ[កែប្រែ]

គ.ស.១៩៣៧ ពេលព្រះអង្គអាយុបាន ១៦ ឆ្នាំ បួសជាសាមណេរនៅ វត្តសុវណ្ណគន្ធវារីរង្សីហៅថាវត្តព្រែកទុង ក្រោមសំណាក់ ព្រះឧបជ្ឈាយ៍ព្រះនាម ថាច់ អម

ការបំពេញឧបសម្បទានិងទទួលនាទីជាព្រះចៅអធិការវត្ត[កែប្រែ]

ឆ្នាំមមី ចត្វាស័ក ព.ស.២៤៨៥ គ.ស.១៩៤២​ពេលព្រះអង្គមានព្រះជន្មបាន ២១ ឆ្នាំ ក៏បានបំពេញ ឧបសម្បទាកម្មនៅក្នុងវត្តពោធិបឹង ហៅថា វត្តបឹង ឋិតនៅក្នុងភូមិបឹង ឃុំចាប់ភ្លើង(Tập Sơn) ស្រុកថ្កូវ​ខេត្តព្រះត្រពាំង ក្រោមសំណាក់ព្រះឧបជ្ឈាយ៍ព្រះ​នាមថាច់កេស ហើយក៍បានពុទ្ធបរិស័ទនៅ ក្នុងចំណុះជើងវត្តពោធិបឹង តែងតាំងឲ្យព្រះអង្គឡើងធ្វើជាព្រះចៅអធិការវត្តនេះនាឆ្នាំនោះតែម្តង ។

ការឡើងជាព្រះឧបជ្ឈាយ៍[កែប្រែ]

ឆ្នាំជូតទោស័ក ព.ស. ២៥០៤ គស.១៩៦០ ពេលព្រះអង្គព្រះជន្ម៣៩ វស្សា ពុទ្ធបរិស័ទវត្តពោធិបឹង (បឹង) និងព្រះសង្ឃនៅ ស្រុកថ្កូវបានតែង តាំងព្រះអង្គជាព្រះឧបជ្ឈាយ៍ ។

ការទទួលឋានៈជាព្រះមេគណខេត្ត[កែប្រែ]

ថ្ងៃពុធ ១៥ កើត ខែភទ្របទ ឆ្នាំ រោង ឆស័ក ព.ស. ២៥០៨ត្រូវនឹងថ្ងៃទី ២១ ខែតុលា គ.ស. ១៩៦៤ បានទទួលតំណែង ជាព្រះមេគណនៃគណៈពុទ្ធសាសនាថេរវាទ ខេត្តព្រះត្រពាំង ។

ការតស៊ូដើម្បីការពារពូជសាសន៍ជនជាតិដើមខ្មែរក្រោមនៅកម្ពុជាក្រោម[កែប្រែ]

  • ថ្ងៃសុក្រ ១៤​រោច ខែភទ្របទ ឆ្នាំ រកា ឯកស័កត្រូវនឹងថ្ងៃទី ១០ ខែតុលា គ.ស.១៩៦៩ ប្រធានគណៈ កម្មការព្រះសង្ឃអំបូរខ្មែរនៅសាធារណរដ្ឋយួន ព្រះអង្គបានដឹកនាំព្រះសង្ឃខ្មែរក្រោមជាងមួយពាន់អង្គ ធ្វើបាតុមកម្មអហិង្សាដើម្បីទាមទារសិទ្ធិជាជនជាតិភាគតិច ។
  • ថ្ងៃសុក្រ ១៤ កើត ខែអស្សុជ ឆ្នាំរកា ឯកស័ក ព.ស.២៥១៣ ត្រូវនឹងថ្ងៃទី ២៥ ខែតុលា គ.ស.១៩៦៩ ព្រះអង្គបានទទួលនាទីជាប្រធានសមណប្បាតុករ ប្រចាំ

ខេត្តព្រះត្រពាំង (tỉnh Vĩnh Bình) ក្នុងរចនាសម្ព័ន្ធនៃ«គណៈកម្មធិការកណ្តាលដឹកនាំព្រះសង្ឃខ្មែរកំណើត​នៅ​យួន​ខាងត្បូង​តស៊ូ​ដើម្បី​ទាមទារ​នាទី​ជា​ជនជាតិ​ដើម​ភាគតិចនៅកម្ពុជាក្រោមក្រោមការដឹកនាំរបស់ព្រះតេជព្រះគុណធម្មវិរិយោ គឹម សាង នាយកសាសនា នៃគណៈពុទ្ធសាសនាថេរវាទ មជ្ឈមណ្ឌលព្រៃនគរ ។

សូមបញ្ជាក់ថាការធ្វើបាតុកម្មនេះ ព្រោះរដ្ឋាភិបាលយួនសម័យនោះបានអនុម័តដាក់ឈ្មោះឲ្យខ្មែរក្រោមថា«ប្រជាជនយួនកំណើតកម្ពុជា» (Người Việt Gốc Miên) គឺរដ្ឋាភិបាលយួនបញ្ជាក់ថា «ខ្មែរក្រោមមិនមែនជាជនជាតិដើមនៅកម្ពុជាក្រោមទេ គឺជាជនជាតិខ្មែរដែលបានភៀសខ្លួនពីកម្ពុជា​ទៅ​ពឹង​អាស្រ័យ​នឹង​យួន​នៅ​កម្ពុជាក្រោម(វៀតណាមខាងត្បូង)»។

ការរងទារុណកម្មក្នុងគុកយួនកុម្មុយនិស្ត[កែប្រែ]

  • ថ្ងៃអង្គារ៍ ៣ កើត ខែជេស្ឋ ឆ្នាំ ថោះសប្តស័ក ព.ស. ២៥១៩ត្រូវនឹងថ្ងៃទី ១៣ ខែឧសភា គ.ស.១៩៧៥ព្រះអង្គត្រូវបាន

សង្ឃា​ភិបាល​តំណាង​យួនយៀកកុងចាប់ផ្សឹក ។

  • ថ្ងៃអាទិត្យ ០៦ រោច ខែអស្សុជ ឆ្នាំថោះ សប្តស័ក ព.ស.២៥១៩ ត្រូវនឹងថ្ងៃទី ២៦ ខែតុលា គ.ស.១៩៧៥ ព្រះអង្គត្រូវបានយួនយកទៅលត់ដំ នៅគុកបេនយ៉ា (Ben Gia)ខេត្តព្រះត្រពាំង ។


ការសុគតដោយរងទារុណកម្មពីរបបយួន[កែប្រែ]

ថ្ងៃពុធ ០៨ កើត ខែជេស្ឋ ឆ្នាំម្សាញ់ នព្វ ស័ក ព.ស.២៥២១ត្រូវនឹងថ្ងៃទី ២៥ ខែឧសភា គ.ស.១៩៧៧ ព្រះអង្គបានសុគតនៅវេលាម៉ោង ១២ និង ០៥ នាទី អធ្រាត្រ៥៦ វស្សា ៕

ឯកសារ​យោង​[កែប្រែ]