បវរកញ្ញាភពផែនដីអន្តរជាតិ

Miss Planet International

ប្រភេទ	ការប្រកួតប្រជែងសម្រស់
ការិយាល័យកណ្ដាល	រាជធានីភ្នំពេញ, ព្រះរាជាណាចក្រកម្ពុជា
ការប្រកួតបច្ចុប្បន្ន	២០២៥
អ្នកឈ្នះបច្ចុប្បន្ន	Sydney Marith កម្ពុជា
ប្រធាន	Halley Amin
អនុប្រធាន	Min Ha Ritah
នាយកប្រតិបត្តិ	Pedro Francisco
ស្ថាបនា	ថ្ងៃទី ០១ ខែ មីនា ឆ្នាំ ២០១៩
វេបសាយ	https://missplanetinternational.org/

បវរកញ្ញាភពផែនដីអន្តរជាតិ (អង់គ្លេស : Miss Planet International) គឺជា​កម្មវិធី​ប្រកួត​សម្រស់​អន្តរជាតិ​ប្រចាំ​ឆ្នាំ​ដែល​រៀបចំ​ដោយ​ស្ថាប័នបវរកញ្ញាភពផែនដីអន្តរជាតិដែលមាន​ទីស្នាក់ការ​នៅព្រះរាជាណាចក្រកម្ពុជា។MPI គឺជាអង្គការមួយដែលផ្តោតលើការលើកកម្ពស់គោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ។ជាផ្នែកមួយនៃបេសកកម្មនេះការបង្កើតកម្មវិធីប្រឡងនេះឡើងគឺនៅក្នុងគោលបំណងជ្រើសរើសឯកអគ្គរដ្ឋទូតមកពីប្រទេសនីមួយៗដែលបានមកចូលរួម។

បវរកញ្ញាភពផែនដីអន្តរជាតិបច្ចុប្បន្នគឺកញ្ញា Sydney Marith មកពីប្រទេសកម្ពុជាដែលបានគ្រងម្កុដ​នៅថ្ងៃ​ទី ​១៥ ខែមីនា ឆ្នាំ ​២០២៦ នៅ​រាជធានី​ភ្នំពេញនៃព្រះរាជាណាចក្រកម្ពុជា។

ប្រវត្តិ

ម្កុដបវរកញ្ញាភពផែនដីអន្តរជាតិដែលមានតម្លៃ ៣៥០០០០ ដុល្លារសហរដ្ឋអាមេរិក

កម្មវិធីប្រឡងបវរកញ្ញាភពផែនដីអន្តរជាតិត្រូវបានបង្កើតឡើងដោយមានគោលបំណងរួមនៅក្នុងការលើកកម្ពស់ ការអភិរក្សភពផែនដី និង ជីវិតមនុស្សស្របទៅតាមគោលការណ៍របស់អង្គការសហប្រជាជាតិ។បេសកកម្មរបស់កម្មវិធីធ្វើឡើងដើម្បីជំរុញនិងផ្តល់សិទ្ធិអំណាចដល់បេក្ខនារីដែលប្រាថ្នាចង់ធ្វើជាគំរូល្អនៅក្នុងសហគមន៍របស់ពួកនាងនិងនៅជុំវិញពិភពលោក ដោយជំរុញការផ្លាស់ប្តូរសង្គមដែលពង្រឹងសេចក្តីស្រឡាញ់ចំពោះមនុស្សគ្រប់ៗគ្នានិងការថែរក្សានិងឲ្យតម្លៃទៅលើបរិស្ថាន។កម្មវិធីប្រឡងនេះត្រូវបានបង្កើតឡើងនៅក្នុងឆ្នាំ ២០១៩ ដោយអ្នកស្រី Min Halimas ដែលគេស្គាល់អ្នកស្រីថា Halley Amin គឺជាប្រធាននិងផលិតកររួមជាមួយនឹងលោក Pedro Francisco Marquez អតីតនាយកជាតិ(នៅក្នុងឆ្នាំ ២០១៨)នៃ Miss Progress International ដែលលោកបានយកជាប្រភពនៃការបំផុសគំនិតនៅក្នុងតួនាទីជានាយកប្រតិបត្តិ។

កម្មវិធីប្រឡងបវរកញ្ញាភពផែនដីអន្តរជាតិត្រូវបានរៀបចំធ្វើឡើងជាលើកដំបូងនៅសាលមហោស្រពកោះពេជ្រនៅថ្ងៃទី ០១ ខែមីនានៅក្នុងរាជធានីភ្នំពេញ ប្រទេសកម្ពុជាដោយមានបេក្ខនារីចំនួន ៣៩ ប្រទេសចូលរួមប្រកួត។កញ្ញា Monique Best មកពីប្រទេសអាហ្វ្រិកខាងត្បូងគឺជាម្ចាស់ជ័យលាភីនិងបានគ្រងម្កុដបរវកញ្ញាភពផែនដីអន្តរជាតិជាលើកដំបូង។ម្ចាស់ជ័យលាភីបវរកញ្ញាភពផែនដីអន្តរជាតិឆ្នាំ ២០១៩ ត្រូវបានផ្តល់កិត្តិយសជាឯកអគ្គរដ្ឋទូតយុវជនដោយសភាពាណិជ្ជកម្មនៃទីក្រុងរបស់នាងហើយបានទទួលសមាជិកភាពពីសភាពាណិជ្ជកម្ម Seattle Latino ដោយសារការងារមនុស្សធម៌អន្តរជាតិរបស់នាង។

នៅក្នុងអំឡុងឆ្នាំ ២០២០ និង ២០២១ ដោយសារតែជំងឺរាតត្បាតសកលកូវីត-១៩ MPI មិនបានរៀបចំកម្មវិធីប្រឡងនោះទេ។រហូតដល់ឆ្នាំ ២០២២ ទើប MPI បានប្រកាសពីបំណងរៀបចំកម្មវិធីប្រឡងបវរកញ្ញាភពផែនដីអន្តរជាតិនៅក្នុងប្រទេសអ៊ូហ្គង់ដា។បើទោះបីជាប្រទេសជាសមាជិកចំនួន ៦៨ បានចុះឈ្មោះនៅក្នុងខែវិច្ឆិកា ឆ្នាំ ២០២២ ក៏ដោយក៏ព្រឹត្តិការណ៍នេះមិនអាចប្រព្រឹត្តទៅបាននោះទេខណៈដែលប្រទេសជាច្រើនបានដកខ្លួនចេញដោយហេតុផលផ្សេងៗ។ការព្រួយបារម្ភអំពីសុខសុវត្ថិភាពនិងដោយសារការផ្ទុះឡើងនៃមេរោគ Ebola ផងនោះបានធ្វើឲ្យបេក្ខនារីជាច្រើនបានដកខ្លួនចេញតែប៉ុន្មានថ្ងៃមុនព្រឹត្តិការណ៍នេះដែលបណ្តាលឲ្យព្រឹត្តិការណ៍ទាំងមូលមិនអាចដំណើរការបានហើយបណ្តាលឲ្យមានការចំណាយនិងការកក់ទុកលុយប្រហែល ០៥ លានដុល្លារ។ដូច្នេះហើយព្រឹត្តិការណ៍ដែលបានគ្រោងទុកនៅក្នុងប្រទេសអ៊ូហ្គង់ដាត្រូវបានលុបចោលហើយកម្មវិធីប្រឡងបវរកញ្ញភពផែនដីអន្តរជាតិត្រូវប្តូរមកធ្វើនៅឯប្រទេសកម្ពុជាវិញហើយបានរៀបចំធ្វើឡើងនៅក្នុងខែមករា ឆ្នាំ ២០២៣ នៅសាលមហោស្រពកោះពេជ្រនៅក្នុងរាជធានីភ្នំពេញ។

ម្ចាស់ម្កុដថ្មីៗ

ឆ្នាំប្រកួត	ម្ចាស់ម្កុដ	លំដាប់រង						ទីកន្លែងនៃការប្រកួត	ចំនួនប្រទេសចូលរួមប្រកួត
		ទី ០១	ទី ០២	ទី ០៣	ទី ០៤	ទី ០៥	ទី ០៦
២០២៥	កម្ពុជា Sydney Marith	ម៉ិកស៊ិក Cristina Meza	បារាំង Amélie Gigan	ម៉ូរីស Amanda Bransbury	ជប៉ុន Kaho Sugiyama	មិនមានម្ចាស់តំណែង	មិនមានម្ចាស់តំណែង	កម្ពុជា	៣៣
២០២៤	អេមីរ៉ាតអារ៉ាប់រួម Mahra Lutfi	លុចហ្សំបួរ Ghada Ben Eihaj	សៀម Panida Kernjida	អ៊ុយក្រែន Viktoria Oshur	ហ្វីលីពីន Crysthell Ramos	សហរដ្ឋអាមេរិក Kristina Burkhan	ស៊ុយអែត Danielle Lundqvist		៧១
២០២៣	សៀម Worawalan Phutklang	ប្រេស៊ីល Loraine Lumatelli	យួន Kateryn Kim Diệp	សហរដ្ឋអាមេរិក Angelica Briceno	វេណេហ្ស៊ុយអេឡា Marian Pérez	ជប៉ុន Yumiko Nishimori	រុស្ស៊ី Alina Garaeva		៤២
២០២២	ហ្វីលីពីន Maria Luisa Varela	ហ្ស៊ីមបាវ៉េ Jemima Ruth Mandemwa	ជប៉ុន Ono Aya	យួន Tiffany Hà	ហ្វាំងឡង់ Katariina Juselius	ឡេតូនី Alina Safronova	កម្ពុជា Srey Leak Pok		១៤
២០២១	កម្មវិធីប្រឡងបវរកញ្ញាភពផែនដីអន្តរជាតិនៅក្នុងឆ្នាំ ២០២០ ត្រូវបានលុបចោលដោយសារការផ្ទុះឡើងនៃមេរោគ Ebola នៅក្នុងប្រទេសជាម្ចាស់ផ្ទះ។
២០១៩	អាហ្វ្រិកខាងត្បូង Monique Best	សៀម Marisa Phonthirat	ម៉ាឡេស៊ី Vivian Lin	ប៉ារ៉ាហ្គាយ Nicole Cano	ហ្វីលីពីន Krizia Nicole Apao Vargas	រុស្ស៊ី Guzaliya Izmailova	មិនមានម្ចាស់តំណែង	កម្ពុជា	៣៩

ប្រទេសឬដែនដីតាមចំនួនម្ចាស់ជ័យលាភី

ប្រទេស ឬ ដែនដី	ចំនួនជ័យលាភី	ឆ្នាំប្រកួត
កម្ពុជា	០១	២០២៥
អេមីរ៉ាតអារ៉ាប់រួម		២០២៤
សៀម		២០២៣
ហ្វីលីពីន		២០២២
អាហ្វ្រិកខាងត្បូង		២០១៩

ទ្វីបតាមចំនួនម្ចាស់ជ័យលាភី

ទ្វីប	ចំនួនជ័យលាភី	ប្រទេស ឬ ដែនដី
អាមេរិកខាងជើង	០
អាមេរិកខាងត្បូង	០
អឺរ៉ុប	០
អាស៊ី	០៤	ហ្វីលីពីន, សៀម, អេមីរ៉ាតអារ៉ាប់រួម, កម្ពុជា
អាហ្វ្រិក	០១	អាហ្វ្រិកខាងត្បូង
អូសេអានី	០

បេក្ខនារីតំណាងប្រទេសកម្ពុជា

ឆ្នាំ	បេក្ខភាព	រាជធានី-ខេត្ត	តំណែង	រង្វាន់ពិសេស
២០២៥	ស៊ីដនី ម៉ារិទ្ធ	រាជធានីភ្នំពេញ	Winner	Miss Best Interview Miss Popular Vote Miss Elegant Body
២០២៤	ខន សុវណ្ណសូនីតា (ជំនួសតំណែង)	រាជធានីភ្នំពេញ	Top 28	Miss Queen of Vote
	ដេត ស្រីនាថ (លាលែងចេញពីតំណែង)	រាជធានីភ្នំពេញ
២០២៣	ដាំ សុភ័ក្រ្តស៊ីនឌី	ខេត្តកោះកុង	Top 10	Best National Costume
២០២២	ពក ស្រីល័ក្ខ	ខេត្តកំពង់ចាម	6th Runner Up	Best National Costume
២០២១	ប៉ុន សុរ៉ាវត្តី	ខេត្តកំពង់ស្ពឺ	គ្មានការប្រកួតប្រជែង
២០២០	គ្មានបេក្ខភាព	រាជធានីភ្នំពេញ
២០១៩	រីចាន់ណាន កល្យាណ	រាជធានីភ្នំពេញ	Top 16	Best National Costume

សូមមើលផងដែរ

• List of beauty pageants

ទំព័រភ្ជាប់ផ្សេងៗ

• គេហទំព័រផ្លូវការ