ព្រះបាទសូរ្យវរ្ម័នទី២

ពីវិគីភីឌា
Jump to navigation Jump to search
ព្រះបាទសូរ្យវរ្ម័នទី២
រជ្ជកាល១១១៣-១១៥០
រាជ្យមុនព្រះបាទធរណីន្ទ្រវរ្ម័នទី១
រាជ្យបន្តព្រះបាទធរណីន្ទ្រវរ្ម័នទី២
បច្ឆាមរណនាម
បរមវិស្ណុលោក
សាសនាព្រហ្មញ្ញសាសនា និងរាជធានីយសោធរបុរៈ

ព្រះបាទសូរ្យវរ្ម័នទី២ (ឆ្នាំ១១១៣-ឆ្នាំ១១៥០នៃគ.ស)[កែប្រែ]

ព្រះអង្គត្រូវជាចៅរបស់ព្រះបាទធរណីន្ទ្រវរ្ម័នទី១។ ព្រះអង្គកសាងរាជធានីអង្គរទី៣ ត្រង់ប្រាសាទអង្គរវត្ត។ ព្រះអង្គបានបង្រួបបង្រួមអាណាចក្រអង្គរ និងកសាងប្រាសាទអង្គរវត្ត ប្រាសាទភ្នំជីសូរ ប្រាសាទភ្នំសណ្តក ប្រាសាទវត្តភូ ប្រាសាទព្រះវិហារ ប្រាសាទព្រះពិធូរ ប្រាសាទចៅសាយទេវតា ប្រាសាទធម្មនន្ទ ប្រាសាទបន្ទាយសំរែ ប្រាសាទបឹងមាលា ប្រាសាទខ័នកំពង់ស្វាយ[១] វាយពង្រីកទឹកដីនិងអភិវឌ្ឍន៍ប្រទេសជាតិ[២]។ អ្នកស្រាវជ្រាវជាច្រើនរួមមាន អ្នកស្រីហ្គីប៊ើតដឺ កូរ៉ាល់រ៉េមុយសាត ដែលមានចំនាញខាងសិល្បៈខ្មែរបានរកឃើញថា ប្លង់ប្រាសាទបេងមាលា ជាប្លង់គំរូនៃប្រាសាទអង្គរវត្ត[៣] ដោយសំអាងថា ទីមួយប្រាសាទទាំងពីរមានរោងទង(ថែវ)បីជាន់ព័ន្ធជុំវិញជារាងកាកបាទនៅពីខាងមុខដូចគ្នា ទី២មានរោងទងមានដំបូលអំពីថ្មភក់រាងកោងទ្រដោយសសរជាច្រើន។ ទី៣ ធ្នឹមឈើបន្សកចូលចូលដំណាប់ថ្ម និងទី៤គឺជាការបង្កើតឱ្យមានអាគាររាងកាកបាទ ឬលានហាលនៅប្រាសាទបេងមាលាប្រាសាទប៉ាលីល័យ និងប្រាសាទភ្នំរុង[៤]។ លើសពីនេះទាំងប្រាសាទភ្នំវ័ន ប្រាសាទភិម៉ាយ ផ្នែកខ្លះនៃប្រាសាទវត្តភូ និងកំពូលកណ្តាលនៃប្រាសាទបាគង[៥]។ ព្រះបាទសូរ្យវរ្ម័នទី២ ជាស្ថាបនិក អ្នកចំបាំង និងវិស្ណុ ឬព្រះនរាយណ៍បរិស័ទដ៏ឆ្នើម។ ប្រាសាទដែលរាប់បញ្ចូលក្នុងរចនាបទអង្គរវត្តក្នុងដំណាក់កាលទី២ តាមរយៈការសិក្សាប្រៀបធៀបមានដូចជា ប្រាសាទអង្គរវត្ត ប្រាសាទព្រះប៉ាលីល័យ ប្រាសាទចៅសាយទេវតា ប្រាសាទធម្មនន្ទ ប្រាសាទបន្ទាយសំរែ ប្រាសាទវត្តអធ្វា ប្រាសាទបន្ទាយអំពិល និងប្រាសាទខ្លះនៅប្រាសាទព្រះច័នកំពង់ស្វាយ[៦]

ឯកសារយោង[កែប្រែ]

  1. ប្រាសាទទាំងមូលកសាងដោយព្រះបាទជ័យវរ្ម័នទី៧ ក្នុងនោះមានប្រាសាទមួយកសាងដោយព្រះបាទសូរ្យវរ្ម័នទី២
  2. សៀវភៅសិក្សាសង្គម ថ្នាក់ទី១០ ឆ្នាំ២០១៧ របស់ក្រសួងអប់រំ យុវជន និងកីឡា ទំព័រទី១៤៩
  3. Gilberte de Coral Rémusat, 1940, L'Arts Khmer, Les Grandes Étapes de son Évolution,pp.41-45
  4. Mecquenem, Jean de. 1936, Les Terrace cruciales au Cambodge.
  5. Lawrence Palmer Briggs, 1999. The Ancient Khmer Empire.
  6. Gilberte de Coral Rémusat, 1940, L'Arts Khmer, Les Grandes Étapes de son Évolution,pp.44-45