ហ្គេមយុវជនអាស៊ី

ព្រឹត្តិការណ៍ហ្គេមយុវជនអាស៊ី ដែល​គេ​ស្គាល់​ថា​ជា AYG គឺជាព្រឹត្តិការណ៍ពហុកីឡា ​ដែល​បាន​ប្រារព្ធ​ឡើង​រៀងរាល់​បួន​ឆ្នាំ​ម្តង​ក្នុងចំណោមអត្តពលិក ​មកពី​ទូទាំង​អាស៊ី ។ ការប្រកួតនេះត្រូវបានរៀបចំឡើងដោយ ក្រុមប្រឹក្សាអូឡាំពិកអាស៊ី (OCA)។ ហ្គេម​នេះ​ត្រូវ​បាន​គេ​ពណ៌នា​ថា​ជា​ព្រឹត្តិការណ៍​ពហុ​កីឡា​ធំ​ទី​ពីរ​បន្ទាប់​ពី ​ព្រឹត្តិការណ៍អាស៊ីហ្គេម ។

និមិត្តសញ្ញាក្រុមប្រឹក្សាអូឡាំពិកអាស៊ី

ការ​បង្កើតហ្គេមយុវជនអាស៊ី គឺ​ជា​ផ្នែក​មួយ​នៃ​ការ​ដេញ​ថ្លៃ​របស់​សិង្ហបុរី​ក្នុង​ការ​ធ្វើ​ជា​ម្ចាស់​ផ្ទះកីឡាអូឡាំពិកយុវជនរដូវក្ដៅឆ្នាំ២០១០ ។ វា​មាន​បំណង​បង្ហាញ​ពី​សមត្ថភាព​ស្ថាប័ន និង​ហេដ្ឋារចនាសម្ព័ន្ធ​របស់​សិង្ហបុរី។

ក្នុង​ប្រវត្តិសាស្ត្រ​ប្រទេស​ចំនួន​ពីរ​បាន​ធ្វើ​ជា​ម្ចាស់​ផ្ទះ​កីឡា​យុវជន​អាស៊ី។ ប្រទេសចំនួន៤៥បានចូលរួមក្នុងហ្គេមនេះ។

ហ្គេមចុងក្រោយ ត្រូវបានប្រារព្ធឡើងនៅ ទីក្រុងណានជីង ប្រទេសចិន ពីថ្ងៃទី១៦ ដល់ថ្ងៃទី២៤ ខែសីហា ឆ្នាំ២០១៣ ហើយ ហ្គេមបន្ទាប់ នឹងធ្វើឡើងនៅ ទីក្រុងតាសខេន ប្រទេសអ៊ូសបេគីស្ថាន ក្នុងឆ្នាំ២០២៥ និងហ្គេមបន្ទាប់មកទៀតប្រព្រឹត្តឡើងនៅរាជធានីភ្នំពេញ ប្រទេសកម្ពុជា នៅឆ្នាំ២០២៩។

បញ្ជីឈ្មោះហ្គេមយុវជនអាស៊ី

លើកទី	ឆ្នាំ	ទីក្រុងម្ចាស់ផ្ទះ	ប្រទេសម្ចាស់ផ្ទះ	បើកដោយ	ថ្ងៃ​ចាប់ផ្តើម	ថ្ងៃបញ្ចប់	ប្រជាជាតិ	គូប្រជែង	កីឡា	ព្រឹត្តិការណ៍	ក្រុមដែលជាប់ចំណាត់ថ្នាក់កំពូល	ឯកសារយោង
១	ឆ្នាំ ២០០៩	សិង្ហបុរី	សិង្ហបុរី	នាយករដ្ឋមន្ត្រី លី សៀនឡុង	២៩ មិថុនា	៧ កក្កដា	៤៣	១.២៣៧	៩	៩០
២	ឆ្នាំ 2013	ណានជីង	ចិន	ឧបនាយករដ្ឋមន្ត្រី លីវ យ៉ាន់ទុង	១៦ សីហា	២៤ សីហា	៤៥	២.៤០៤	១៦	១២២
—	ឆ្នាំ ២០១៧	ហាំបានតូតា	ស្រីលង្កា	ដើមឡើយត្រូវបានប្រគល់ជូនហាំបានតូតា បន្ទាប់មកប្រគល់ជូន ទីក្រុងហ្សាកាតា ទីបំផុតត្រូវបានលុបចោលដោយ ក្រុមប្រឹក្សាអូឡាំពិកអាស៊ី (OCA)
—	២០២១	សានទូ	ចិន	ដើមឡើយត្រូវបានប្រគល់ជូនស៊ូរ៉ាបាយ៉ា បន្ទាប់មកប្រគល់ជូនទៅសានទុ ទីបំផុតត្រូវបានលុបចោលដោយ ក្រុមប្រឹក្សាអូឡាំពិកអាស៊ី ដោយសារ ជំងឺរាតត្បាតកូវីដ-១៩
៣	២០២៥	តាសខេន	អ៊ូសបេគីស្ថាន	ព្រឹត្តិការណ៍នាពេលអនាគត
៤	២០២៩	ភ្នំពេញ	កម្ពុជា	ព្រឹត្តិការណ៍នាពេលអនាគត