ជីវិតអស់កល្ប

ជណ្ដើរឡើងទៅឯព្រះ បង្ហាញពីពួកសង្ឃដែលកំពុងឡើងទៅឯព្រះយេស៊ូវ(រូបខាងលើ ខាងស្ដាំ)​នៅស្ថានសួគ៌ ខណៈដែលពួកអារក្សក៏កំពុងតែរារាំងពួកសង្ឃទាំងនោះមិនឲ្យឡើងទៅ។ គូរដោយ Saint Catherine's Monastery

ផ្នែកជាបន្តបន្ទាប់នៃ ព្រះគ្រិស្តសាសនា គ្រោងមតិកា · ក្លោងទ្វារ

ព្រះយេស៊ូ ព្រះ​យេស៊ូ​ប្រសូត បេសកកម្មរបស់ព្រះយេស៊ូ ព្រះឈើឆ្កាង ព្រះយេស៊ូ​មាន​ព្រះជន្ម​រស់ឡើងវិញ

ព្រះធម៌ គម្ពីរសញ្ញាចាស់ គម្ពីរសញ្ញាថ្មី ដំណឹងល្អ ព្រះគម្ពីរ សម្ពន្ធមេត្រីថ្មី

ទេវវិទ្យា ព្រះ ព្រះត្រីឯក ព្រះវរបិតា ព្រះបុត្រា ព្រះវិញ្ញាណបរិសុទ្ធ សេចក្ដីសង្គ្រោះ បុណ្យជ្រមុជទឹក បេសកកម្ម

ប្រវត្តិសាស្រ្ត ពួកសាវក សាវកសីលា សាវកប៉ុល ព្រះនាងម៉ារី គ្រីស្ទសាសនាដំបូង ខនខនស្ទីនធីន អាអ៊ូហ្គូស្ធីនូស នៃ ហុីបផូ និកាយខាងកើត - ខាងលិចខាងលិច ចលនាបះបោរ បូជនីយកិច្ច ថូម៉ាសអាគីណាស កំណែទម្រង់ ម៉ាទីន លូធើរ សម្ដេចប៉ាបយ៉ូហានប៉ូលទី២

និកាយា ព្រះសហគមន៍កាតូលិក គ្រិស្តអូស្សូដក់ ប្រូតេស្ដង់ អ្នកចូលនិវត្ត អាណាបាបទីស្ទ សាសនាអង់គ្លេកាន បាទីស្ទ លូធូរីននិយម មេតូឌីស គ្រីស្ទអឌែលហ្វៀន

ជីវិតអស់កល្ប ជាជីវិតខាងវិញ្ញាណ ជាវិញ្ញាណរស់ ដែលមាននៅ ក្រោយពីរូបកាយបានស្លាប់ហើយ។ វាជាជីវិតដែលស្កប់ស្កល់ ជាជីវិតដែលប្រកបដោយព្រះពរ និងសិរីរុងរឿង នៅក្នុងអាណាចក្ររបស់ព្រះ ហើយជីវិតនេះកំពុងរង់ចាំងសាវ័កដ៏ពិតរបស់ព្រះគ្រីស្ទ ​ក្រោយពីការរស់ឡើងវិញ។

នៅសតវត្សទី១២។ នៅក្នុងសំបុត្ររបស់ប៉ូល មានសរសេរថា ជីវិតអស់កល្ប អាចទទួលបានតាមរយៈជំនឿលើព្រះយេស៊ូវ ហើយបាបជាឧបសគ្គដែលរារាំងយើងមិនឲ្យទទួលជីវិតអស់កល្បជានិច្ច។]]

នៅក្នុងទស្សនៈនេះ ជីវិតអស់កល្បជានិច្ចចាប់ផ្ដើមបន្ទាប់ការយាងមកវិញជាលើកទី២ និងការរស់ឡើងវិញរបស់មនុស្សស្លាប់ ប៉ុន្តែយោងតាមដំណឹងល្អរបសយ៉ូហាន មានខយោងជាច្រើនទាក់ទងនឹងជីវិតអស់កល្ប ថាចាប់ផ្ដើមតាំងពីកាលយើងដែលជាអ្នកជឿ រស់នៅលើផែនដីម្លេះ។

នៅក្នុងកណ្ឌគម្ពីរដំណឹងល្អរបស់ម៉ាថាយ ម៉ាកូស លូកា និងសំបុត្ររបស់សាវ័កប៉ូល ជីវិតអស់កល្បជានិច្ចជាទូទៅត្រូវបានគេគិតថាជាជីវិតដែលពួកអ្នកជឿនឹងទទួលបាននៅពេលអនាគត ប៉ុន្តែនៅក្នុងកណ្ឌគម្ពីរដំណឹងល្អរបស់យ៉ូហានមិនមែនដូច្នេះទេ គឺពួកអ្នកជឿទទួលបានជីវិតអស់កល្បជានិច្ចតាំងពីពួកគេរស់នៅផែនដីម្លេះ។ នៅក្នុងកណ្ឌគម្ពីរយ៉ូហាន ពួកអ្នកដែលទទួលជឿព្រះយេស៊ូវ បានជីវិតក្នុងពេលបច្ចុប្បន្ន ព្រមទាំងក្នុងពេលអនាគតដ៏អស់កល្ប ព្រោះអ្នកទាំងនោះបានឆ្លងផុតពីសេចក្ដីស្លាប់ ទៅកាន់ជីវិតហើយ (យ៉ូហាន 5:24 "ប្រាកដមែន​ ប្រាកដមែន​ ខ្ញុំ​ប្រាប់​អ្នករាល់គ្នា​ថា​ អ្នក​ដែល​ស្ដាប់​ពាក្យ​របស់ខ្ញុំ​ ហើយ​ជឿ​​ព្រះអង្គ​ដែល​ចាត់​ខ្ញុំឲ្យមក​ មាន​ជីវិត​អស់កល្បជានិច្ច​ ព្រមទាំង​គ្មាន​ការជំនុំជម្រះ​ឡើយ​ ប៉ុន្តែ​​ឆ្លងផុត​ពី​សេចក្ដីស្លាប់​​ទៅ​​ក្នុង​​ជីវិត​រួច​​ហើយ​​។"

នៅក្នុងព្រះគម្ពីរសម្ពន្ធមេត្រីថ្មី

ពួកអ្នកប្រជ្ញជាច្រើន ដូចជា John H. Leith ជាដើម បានអះអាងថា ជីវិតអស់កល្បជានិច្ចមិនដែលត្រូវបានពិពណ៌លម្អិតនៅក្នុងព្រះគម្ពីរសម្ពន្ធថ្មីទេ ទោះបីជាមានការធានាថាពួកអ្នកដែលជឿនឹងទទួលបានជីវិតអស់កល្បជានិច្ចក៏ដោយ។ អ្នកប្រាជ្ញផ្សេងៗទៀត ដូចជា D. A. Carson ជាដើម បានអះអាងថាជីវិតអស់កល្បជានិច្ចត្រូវបានកំណត់យ៉ាងច្បាស់នៅក្នុងយ៉ូហាន 17:3 ដែលព្រះយេស៊ូវមានបន្ទូលនៅក្នុងសេចក្ដីអធិស្ឋានក្នុងភាពជាមហាជាបូជាចារ្យថា "នេះ​ហើយ​ជា​ជីវិត​អស់កល្ប​ជានិច្ច គឺ​ឲ្យ​ពួកគេ​បាន​ស្គាល់ព្រះអង្គ​​ដែលជា​ព្រះ​ពិត​តែ​មួយ​ និង​ស្គាល់​ព្រះ​យេស៊ូ​គ្រិស្ត​ដែល​ព្រះអង្គចាត់មក។"

ខណៈដែលកណ្ឌគម្ពីរម៉ាថាយ ម៉ាកូស និងលូកា ត្រូវបានគេឃើញថាតែងតែផ្ដោតលើការប្រកាសអំពីអាណាចក្ររបស់ព្រះ មានអ្នកប្រាជ្ញជាច្រើនមើលឃើញថាជីវិតអស់កល្បជានិច្ចគឺជាគោលដ៏សំខាន់នៅក្នុងការប្រកាសរបស់ព្រះយេស៊ូវ នៅក្នងដំណឹងល្អរបស់យ៉ូហាន ដែលការទទួលបានជីវិតអស់កល្បជានិច្ចត្រូវបានគេឃើញថា មានន័យដូចនឹងការចូលទៅក្នុងអាណាចក្ររបស់ព្រះ។ នៅក្នុងសេចក្ដីបង្រៀនរបស់គ្រីស្ទាន ជីវិតអស់កល្បជានិច្ចមិនមែនមានជាប់មកជាមួយយើងតាំងពីយើងមានជីវិតនៅលើផែនដីនេះទេ វាគឺជាអំណាយទានតែមួយគត់ដែលមកពីព្រះ ដោយផ្អែកលើគំរូនៃការមានព្រះជន្មរស់ឡើងវិញរបស់ព្រះគ្រីស្ទ។ ការដែលព្រះយេស៊ូវមានព្រះជន្មរស់ឡើងវិញ ត្រូវបានគេយល់ឃើញថាជាព្រឹត្តិការណ៍ដែលកើតឡើងម្ដងជាសម្រេច ដើម្បីយកឈ្នះលើសេចក្ដីស្លាប់ ប្រយោជន៍ឲ្យគ្រីស្ទានទាំងអស់បានទទួលជីវិតអស់កល្បជានិច្ច។ ជាទូទៅគេសន្មត់ថាជីវិតអស់កល្បជានិច្ចនេះ ត្រូវបានផ្ដល់ឲ្យដល់ពួកអ្នកជឿ នៅថ្ងៃនៃការរស់ឡើងវិញពីចំណោមមនុស្សស្លាប់។

យោងតាមកណ្ឌគម្ពីរយ៉ូហាន និងសាវ័កប៉ូល ដើម្បីទទួលបានជីវិតអស់កល្បជានិច្ច ហើយចៀសផុតពីសេចក្ដីក្រោធរបស់ព្រះ គឹអាស្រ័យលើការជឿលើព្រះយេស៊ូវព្រះបុត្រារបស់ព្រះ។ ចំពោះយ៉ូហាន ការនៅជាប់ក្នុងព្រះគ្រីស្ទ ពាក់ព័ន្ធនឹងសេចក្ដីស្រឡាញ់ចំពោះគ្នាទៅវិញទៅមក នៅក្នុងយ៉ូហាន 15:9-17 និងយ៉ូហាន 5:24។ សេចក្ដីស្រឡាញ់របស់ព្រះមាននៅក្នុងពួកអ្នកជឿ ជួយឲ្យដំណឹងល្អបាចសាចពេញពិភពលោក ហើយនាំឲ្យមានសេចក្ដីសង្គ្រោះដល់មនុស្សជាច្រើន។

ម៉ាថាយ 16:25	ម៉ាកូស 8:35	លូកា 9:24	យ៉ូហាន 12:25
... រីឯអ្នកណាក៏ដោយ​ដែល​បាត់​ជីវិត​របស់​ខ្លួន​ដោយសារតែ​ខ្ញុំ អ្នកនោះនឹង​រក​បាន​ជីវិត​វិញ​។	... រីឯ​អ្នកណាក៏ដោយ​ដែល​បាត់​ជីវិត​របស់​ខ្លួន​ដោយសារតែ​ខ្ញុំ និង​ដំណឹងល្អ​ អ្នកនោះនឹងរក្សា​ជីវិត​វិញ។	... រីឯ​អ្នកណា​ក៏ដោយ​ដែល​បាត់​ជីវិត​របស់ខ្លួន​ដោយសារតែ​ខ្ញុំ អ្នក​នោះ​នឹង​រក្សា​ជីវិត​វិញ​។	... រីឯ​អ្នក​ដែល​ស្អប់​ជីវិត​របស់​ខ្លួន​នៅ​​ពិភពលោក​នេះវិញ​ នឹង​រក្សា​ជីវិត​រហូតដល់ជីវិត​អស់កល្បជានិច្ច​។