អាសវៈ

អាសវៈ៤

អាសវៈ ឬអាសវកិលេសជាគ្រឿងសៅហ្មងនៃចិត្ត ដែលដេកត្រាំសម្ងំក្នុងបុថុជ្ជនទាំងអស់ ហើយអាចលេចចេញមកនៅពេលណាមួយ រហូតដល់ភពដ៏ខ្ពស់ថែមទៀតផង ។ អាសវៈទុកដូចជាគ្រឿងពុល គ្រឿងពុករលួយ ដែលឃុំឃាំងសត្វលោកទុកក្នុងភព៣ វាអាចឡើងរហូតដល់គោត្រភូចិត្ត របស់ព្រះយោគារចរ (អ្នកចម្រើនឈាន) នៅពេល ហៀបនឹងបានសោតាបត្តិមគ្គចិត្តទៀតផង ។ អាសវៈមាន៤យ៉ាងគឺៈ

• ១- កាមាសវៈ ការជាប់តម្រាំនៅក្នុងកាម
• ២- ភវាសវៈ ការជាប់តម្រាំនៅក្នុងភព
• ៣- ទិដ្ឋាសវៈ ការជាប់តម្រាំក្នុងទិដ្ឋិ សេចក្តីយល់ខុស
• ៤- អវិជ្ជាសវៈ ការជាប់តម្រាំក្នុងអវិជ្ជា សេចក្តីមិនដឹង ។