ការ៉េ

និយមន័យ

ការ៉េជាពហុកោណនិយ័តដែលមានជ្រុង4ប៉ិនគ្នា។ ការ៉េជាចតុកោណកែងផង និងជាចតុកោណស្មើផង។ការេជាចតុកោណស្មេី ដែលមានមំុកែងមួយ។

លក្ខណៈ

អំពីមុំនិងជ្រុង

• ជ្រុងទាំង៤មានប្រវែងស្មើគ្នា។
• មុំទាំង៤ជាមុំកែង។
• ជ្រុងឈមគ្នាស្របគ្នា២ៗ។
• អង្កត់ទ្រូងមានប្រវែងស្មើគ្នាហើយកាត់កែងគ្នាត្រង់ចំនុចកណ្តាល។

អំពីលក្ខណៈឆ្លុះ

• ការ៉េមានអ័ក្សឆ្លុះ៤ (មេដ្យាទ័រនៃជ្រុងទាំង៤ និង អង្កត់ទ្រូងទាំង២) និងផ្ចិតឆ្លុះ១ (ផ្ចិតO)។
• គ្រប់បន្ទាត់ដែលកាត់តាមផ្ចិតO ចែកការ៉េជា២ផ្នែកដែលមានក្រលាផ្ទៃស្មើគ្នា។

លក្ខណៈសំគាល់

ចតុកោណដែលមានលក្ខណៈណា១ខាងក្រោម គឺជាការ៉េ៖

• ចតុកោណកែងដែលមានជ្រុងជាប់គ្នាមានប្រវែងស្មើគ្នា។
• ចតុកោណស្មើដែលមានមុំកែង១។

រូបមន្ត

• ក្រលាផ្ទៃ $\mathbf {S} =a^{2}$
• បរិមាត្រ $\mathbf {P} =4a$
• អង្កត់ទ្រូង $d={\sqrt {2}}a$