ខេត្តបន្ទាយមានជ័យ
ដោយសព្វវចនាធិប្បាយសេរីវិគីភីឌា
| ស្ថិតិ | |
|---|---|
| ផ្ទៃដី: | 6,679 គម២ |
| ប្រជាជន: | 577,772 (1998) |
| ដង់ស៊ីតេ: | 86.5 នាក់/គម២ |
| ISO 3166-2: | KH-1 |
| ផែនទី | |
 |
|
ខេត្តបន្ទាយមានជ័យ ជា ខេត្តនៃប្រទេសកម្ពុជា។ ខេត្តបន្ទាយមានជ័យ មានទីតាំងស្ថិតនៅ ប៉ែកពាយ័ព្យ នៃប្រទេសកម្ពុជា។ ខេត្តបន្ទាយមានជ័យ មានទីរួមខេត្តឈ្មោះសិរីសោភ័ណ។ ប៉ោយប៉ែតជាទីប្រជុំជននៅជាប់ជាយដែនជាមួយថៃ។
មាតិកា |
[កែប្រែ] ភូមិវិទ្យា
ខេត្តបន្ទាយមានជ័យស្ថិតនៅប៉ែកពាយ័ព្យនៃប្រទេសកម្ពុជា និងមានចម្ងាយ ៣៦០ គីឡូម៉ែត្រពីទីក្រុងភ្នំពេញ។ ខេត្តដែលនៅជុំវិញមាន ខេត្តបាត់ដំបង ខេត្តសៀមរាប ខេត្តឧត្តរមានជ័យ និង ខេត្តសាកែវ និងខេត្តបុរីរ៉ាំ របស់ប្រទេសថៃ។ ប៉ោយប៉ែតជាទីប្រជុំជននៅជាប់ជាយដែនជាមួយថៃ។ ប៉ោយប៉ែតជាកូនសោរសេដ្ឋកិច្ចយ៉ាងសំខាន់ក្នុងវិស័យពាណិជ្ជកម្មឆ្លងកាត់ព្រំដែនកម្ពុជា-ថៃ។ ប៉ោយប៉ែតនៅជាប់នឹងក្រុងអារញ្ញប្រាថេត (ឬហៅដោយខ្លីថាអារញ្ញដែលនៅខាងថៃ។ ផ្ទៃដីខេត្តភាគច្រើនជាតំបន់ទំនាប ជាមួយនឹងតំបន់ភ្នំខ្លះៗនៅភាគខាងជើងនិងខាងកើត។ ស្ទឹងសំខាន់ៗមាន ស្ទឹងមង្គលបុរី និង ស្ទឹងស៊ីសុផុន។
សីតុណ្ហភាពមធ្យមរបស់ខេត្តបន្ទាយមានជ័យគឺនៅចន្លោះពី៣០ទៅ៣៣អង្សា។ អាកាសធាតុមានលក្ខណៈក្ដៅសើមដូចនៅទូទាំងប្រទេសកម្ពុជាដែរ។ រដូវវស្សាចាប់ពីខែមិថុនាទៅតុលា រដូវរងារចាប់ពីខែវិច្ឆិកាដល់កុម្ភៈ និងរដូវក្ដៅចាប់ពីខែមិនាទៅខែឧសភា។
[កែប្រែ] ប្រវត្តិ
តំបន់នេះជាផ្នែកមួយនៃអាណាចក្រខ្មែរ ដោយសារនៅភាគខាងជើងខេត្តគេឃើញមាន ប្រាសាទបន្ទាយឆ្មារ ដែលគេជឿថាត្រូវបានសាងឡើងនៅរវាងសតវត្សទី១២ និង ទី១៣។ នៅសតវត្សទី ១៧ សៀមបានឈ្លានពានកាន់កាប់ប្រទេសកម្ពុជា ហើយបានប្រែឈ្មោះខេត្តបន្ទាយមានជ័យជាខេត្តស៊ីសុផុន។ នៅឆ្នាំ ១៩០៧ សៀមបានប្រគល់ខេត្តនេះទៅបារាំង ដែលក្រោយមកត្រូវបានបញ្ចូល ជាដីខេត្តបាត់ដំបងវិញ។នៅឆ្នាំ ១៩៨៨ ខេត្តបន្ទាយមានជ័យត្រូវបានបំបែកចេញពីខេត្តបាត់ដំបង ដោយមានស្រុកដំបូង៥គឺ ស្រុកមង្គលបុរី ស្រុកថ្មពួក ស្រុកសិរីសោភ័ណ ស្រុកព្រះនេត្រព្រះ និងស្រុកភ្នំស្រុក។
[កែប្រែ] រដ្ឋបាល
ខេត្តបន្ទាយមានជ័យមាន ៨ស្រុក ៦៤ឃុំ និង ៦៣៤ភូមិ [១][២]៖
| កូដស្រុក | ស្រុក | ឈ្មោះស្រុកជាអក្សរឡាតាំង |
|---|---|---|
| ០១០២ | ស្រុកមង្គលបុរី | Mongkol Borei |
| ០១០៣ | ស្រុកភ្នំស្រុក | Phnum Srok |
| ០១០៤ | ស្រុកព្រះនេត្រព្រះ | Preah Netr Preah |
| ០១០៥ | ស្រុកអូរជ្រៅ | Ou Chrov |
| ០១០៦ | ស្រុកសិរីសោភ័ណ | Serei Saophoan |
| ០១០៧ | ស្រុកថ្មពួក | Thma Puok |
| ០១០៨ | ស្រុកស្វាយចេក | Svay Chek |
| ០១០៩ | ស្រុកម៉ាឡៃ | Malaii |
[កែប្រែ] ប្រជាសាស្ត្រ
ខេត្តបន្ទាយមានជ័យមានប្រជាជនសរុប ៨១៦ ៣៨២ ឬ ៥,២៤២%នៃប្រជាជនកម្ពុជាសរុប (ទិន្នន័យរដ្ឋាភិបាលកម្ពុជាឆ្នាំ១០០៧)។ ក្នុងនោះមានបុរស ៤០២ ២០១ (ត្រូវជា៤៩,១១%) និង ស្ត្រី ៤១៤ ១៨១ (ត្រូវជា៥០,៨៩%)។ អត្រកំនើនប្រជាជនស្មើនឹង ៥,៩៣%។ ប្រជាជនខេត្តបន្ទាយមានជ័យ៩៣%ជាកសិករ ៥%ជាពាណិជ្ជករ ១,១៧%ជាអ្នកនេសាទ និង ០.៨៣%ទៀតជាមន្ត្រីរាជការ។
[កែប្រែ] សេដ្ឋកិច្ច
សេដ្ឋកិច្ចខេត្ត៩៣%ពឹងផ្អែកលើកសិកម្មនិងនៅសល់៧%ទៀតគឺការនេសាទនិងពាណិជ្ជកម្ម។ ដោយសារតែខេត្តនេះមានព្រំដែនជាប់នឹងប្រទេសថៃ អាជីកម្មបនល្បែង (កាស៊ីណូ) កំពុងតែរីកដុះដាលយ៉ាងខ្លាំង ដែលកំពុងក្លាយជាប្រភពចំនូលដ៏សំខាន់សំរាប់ខេត្ត។
[កែប្រែ] តំនភ្ជាប់ខាងក្រៅ
[កែប្រែ] ឯកសារយោង
[កែប្រែ] សូមមើលផងដែរ
 ខេត្តបន្ទាយមានជ័យ |
||
|---|---|---|
| ទីរួមខេត្ត: ស្វាយស៊ីសុផុន | ||
| ស្រុកមង្គលបុរី | · បន្ទាយនាង · បត់ត្រង់ · ចំណោម · គោកបល្ល័ង្គ · គយម៉ែង · អូរប្រាសាទ · ភ្នំតូច · រហាត់ទឹក · ប្ញស្សីក្រោក · សំបួរ · សឿ · ស្រះរាំង · តាឡំ | |
| ស្រុកភ្នំស្រុក | · ណាំតៅ · ប៉ោយចារ · ពន្លៃ · ស្ពានស្រែង · ស្រះជីក · ភ្នំដី | |
| ស្រុកព្រះនេត្រព្រះ | · ឈ្នួរមានជ័យ · ជប់វារី · ភ្នំលៀប · ប្រាសាទ · ព្រះនេត្រព្រះ · រហាល · ទានកាំ · ទឹកជោរ | |
| ស្រុកអូរជ្រៅ | · ចង្ហា · កូប · គុត្តសត · និមិត្ត · សំរោង · សូភី · សឹង្ហ · ប៉ោយប៉ែត · អូរបីជាន់ | |
| ស្រុកសិរីសោភ័ណ | · បុស្បូវ · កំពង់ស្វាយ · កោះពងសត្វ · ម្កាក់ · អូរអំបិល · ភ្នៀត · ព្រះពន្លា · ទឹកថ្លា | |
| ស្រុកថ្មពួក | · បន្ទាយឆ្មារ · គោករមៀត · ភូមិថ្មី · ថ្មពួក · គោកកឋិន · គំរូ | |
| ស្រុកស្វាយចេក | · ផ្គាំ · សារង្គ · ស្លក្រាម · ស្វាយចេក · តាបែន · តាផូ · ទ្រាស · រលួស | |
| ស្រុកម៉ាឡៃ | · បឹងបេង · ម៉ាឡៃ · អូរសំព័រ · អូរស្រឡៅ · ទួលពង្រ · តាគង់ | |
| ស្រុក៖មង្គលបុរី ភ្នំស្រុក ព្រះនេត្រព្រះ អូរជ្រៅ សិរីសោភ័ណ ថ្មពួក ស្វាយចេក ម៉ាឡៃ | ||
|
|
||
|---|---|---|
| ខេត្ត | កណ្តាល ក្រចេះ កំពង់ចាម កំពង់ធំ កំពង់ឆ្នាំង កំពង់ស្ពឺ កំពត កោះកុង តាកែវ បន្ទាយមានជ័យ បាត់ដំបង ព្រៃវែង ព្រះវិហារ ពោធិ៍សាត់ មណ្ឌលគិរី រតនៈគិរី ស្ទឹងត្រែង ស្វាយរៀង សៀមរាប ឧត្ដរមានជ័យ |
|
| ក្រុង | កែប ភ្នំពេញ ខេត្តព្រះសីហនុ (កំពង់សោម) ប៉ៃលិន | |
| ព្រះរាជាណាចក្រកម្ពុជាមានខេត្តចំនួន២០ និងក្រុងចំនួន៤ | ||
