មណ្ឌាទេវី

មណ្ឌាទេវី
មណ្ឌាទេវី ជាបុត្រីទី៤ របស់កុបិលមហាព្រហ្ម Mondia Devi one of seven duagter of Brahma Lokeshvara
ព្រះនាម	មណ្ឌាទេវី
ព្រះបិតា	មហាព្រហ្ម
ព្រះមាតា	ព្រះម៉ែមន្ទ្រា
ព្រះស្វាមី	ព្រះពុធគ្រហស្ថ
ឋានលំនៅ	ចតុមហារាជការ (Chaturmahārājikā)
អម្ពរពស្ត្រា	ពណ៌សុីលាប
ចនព្រះកាណ៌	លម្អ ផ្កាចម្ប៉ា
អាភរណៈ	កែវពិទូរ្យ (ត្បូងភ្នែកឆ្មា)
ភក្សាហារ	ទឹកដោះសិប្បិ (ទឹកដោះគោច្អិន)
សាស្ត្រាវុធក្នុងព្រះហត្ថ	ព្រះហត្ថឆ្វេង (ឈើច្រត់) ព្រះហត្ថស្ដាំ (ម្ជុល)
យាន្តជំនិះ	សត្វលា
ទេវតាសង្ក្រាន្ត	ថ្ងៃពុធ
ទេពនិករ តំណាង	មណ្ឌល ភពពុធ
កិរិយាចេញច្បាំង	ព្រះមហាក្សត្រ និង ក្រុមមន្ត្រី ច្រើនទទួលបាន គ្រឿងបណ្ដាការ, ប៉ុន្តែក្មេងៗតូច ច្រើនកើតជំងឺតម្កាត់ផ្សេងៗ

មណ្ឌាទេវី (អង់គ្លេស: Mondia Devi) ជាបុត្រីមួយអង្គក្នុងចំណោម បុត្រីទាំង ៧អង្គ របស់អទិទេព មហាព្រហ្ម (Maha Brahma) ដែលជាអវតារ ព្រហ្មលោកកេរស្វរៈ (Brahma Lokesvara) នៃ ពុទ្ធសាសនា មហាយាន (Buddha Mahayana), ព្រះមាតា របស់នាងមាននាមថា ព្រះម៉ែមន្ទ្រា ជាអវតារ នៃ អវលោកកេតិស្វរៈ (Avalokitesvara) អទិទេពស្រីដែលមានដៃ ១០០០ (១ពាន់) ដែលអាចបែងភាគបានចំនួន ១០៨ អវតារ ដោយនាងជាអទិទេព មិនបង្ករកំណើតកូនដោយការរួមសង្វាសនោះទេ ទើបព្រះមហាព្រហ្ម ផ្ដល់នូវដួងគ្រាប់អង្កាំចំនួន ៧គ្រាប់ ដើម្បីឱ្យនាងអាចបង្ករកំណើតដោយឯងៗបាន នាងបានប្រសូត្របុត្រីទាំង ៧អង្គ ក្រោមដើមរាសីសួគ៌ាដ៏ពិសិដ្ឋមួយ ការផ្ដល់កំណើតដល់បុត្រីទាំង៧ បានតំណាងឱ្យថ្ងៃទាំង៧ នាជម្ពូទ្វីបយើងនេះ ក្នុងលទ្ធិពុទ្ធសាសនា មហាយាន ។

មណ្ឌាទេវី នៃទេវតាសង្ក្រាន្ត

Mondia Devi of Devata Sangkran

ទំនាក់ទំនង រវាងហិណ្ឌូសាសនា និង ពុទ្ធសាសនា មហាយាន បានចាក់ឬសគល់នៅក្នុងប្រទេសកម្ពុជាយ៉ាងរឹងមាំ ចាប់តាំងពីស.វទី១០ មកម៉្លេះ ដោយជំនឿនៃបរិបទសាសនាទាំងពីរ ត្រូវបានផ្គួបបញ្ចូលគ្នា តាមរយៈរឿងព្រេងទេវៈកថាជាច្រើន ដែលជាស្នាដៃនិពន្ធរបស់អ្នកប្រាជ្ញជនជាតិខ្មែរ ក្នុងការច្នៃ រឿងព្រេងទេវៈកថារបស់សាសនាហិណ្ឌូ ឱ្យទៅជារឿងព្រេងដែលមានចរឹតលក្ខណៈ ខុសប្លែកពីប្រទេសឥណ្ឌា ដើម្បីបង្កើតបាននូវរចនាបថដែលជារបស់ខ្លួនតាមរយៈការប្រែសម្រួល (Versions Edition) បើទោះជាប្រទេសកម្ពុជាទទួលឥទ្ធិពល សាសនា វប្បធម៌ពីប្រទេសឥណ្ឌាយ៉ាងណាក្ដី ក៏ផ្នត់គំនិតនៃបុព្វបុរសខ្មែរ បានធ្វើការប្រែសម្រួលកែច្នៃលម្អនូវសិល្បៈរបស់ខ្លួនឱ្យមានភាពខុសប្លែកដាច់ដោយឡែកពី ប្រទេសឥណ្ឌា ផងដែរ ។ តាមរយៈរឿងទេវៈកថា អំពីចូលឆ្នាំខ្មែរ យើងតែងសង្កេតឃើញថា ដំណើររឿង ធម្មបាលកុមារ ដែលជា អវតារ ព្រះពោធិសត្វ (Bodhisattva) នៃពុទ្ធសាសនាមហាយាន បានភ្នាល់គ្នាអំពីសិរី ទាំងបីប្រការ របស់មនុស្ស ជាមួយនិង មហាព្រហ្ម ដែលជាអទិទេព នៃហិណ្ឌូសាសនា ដែលជាអវតាររបស់ ព្រះព្រហ្ម ដែលភ្នាល់ចាញ់ នូវប្រស្នាទាំងបីប្រការនោះ ហើយព្រះសិរសា របស់ព្រះកុបិលមហាព្រហ្ម ត្រូវបានបុត្រីខ្លួន ទាំង៧អង្គ ផ្លាសវេនគ្នា មកដង្ហែរព្រះសិរសា ដែលជាក្បាលឪពុករបស់ខ្លួនជារៀងរាល់ឆ្នាំ ដែលត្រូវជាថ្ងៃសង្កាន្ត នៃពិធីបុណ្យ ចូលឆ្នាំខ្មែរ ។ អ្នកនិពន្ធកម្ពុជា បានបំប្លែងឱ្យយើងយល់បានថា ព្រះមហាព្រហ្ម ដែលជាហិណ្ឌូសាសនា បានភ្នាល់ចាញ់ ធម្មបាលកុមារ នៃ ព្រះពុទ្ធសាសនា និង បានបែងភាគទៅជាព្រះ ឈ្មោះ លោកកេរស្វរៈ នៃពុទ្ធសាសនាមហាយាន ដែលមានតឹកតាងជា ប្រាសាទបាយ័ន មកដល់សព្វថ្ងៃនេះ ។ មិនថា ហិណ្ឌូសាសនា មិនថា ពុទ្ធសាសនា មហាយាន សុទ្ធតែមានជំនឿគោរពទៅលើព្រះ និង ពួកទេវតា ដែលមានចំនួន ៣៣ពួក ដូចនេះហើយ ទើបហិណ្ឌូសាសនា និង ពុទ្ធសាសនា មហាយាន មានទំនាក់ទំនងនិងគ្នា យូរលង់ណាស់មកហើយ ដោយពាក្យនៃ ទេវតាសង្ក្រាន្ត មានន័យថា ទេវតានៃឆ្នាំថ្មី ដែលត្រូវបានពលរដ្ឋកម្ពុជា រៀបចំគ្រឿងដង្វាយ គោរពបូជាបួងសួងមកដល់ពេលបច្ចុប្បន្ននេះ ។ ដោយការយាងមកដល់ជម្ពូទ្វីបមនុស្សលោករបស់ទេវតា នៃហិណ្ឌូសាសនា និង ទេវតា នៃពុទ្ធសាសនាមហាយាន ទើបកម្ពុជាហៅថៃ្ងនៃការមកដល់នេះថា មហាសង្ក្រាន្ត (Maha Sangkran) ដែលមាននៃថា ឆ្នាំថ្មីដ៏ប្រសើរ (The Great New Year) ដែលធ្វើការហៅសម្គាល់មកដល់ពេលបច្ចុប្បន្ននេះ ។

រូបធាតុ នៃទេវតាសង្ក្រាន្ត

Physical of Devata Sangkran

ទេវតាសង្ក្រាន្ត ជាតួអង្គរូបធាតុមួយ តំណាងឱ្យ រាង្គកាយជាធម្មជាតិ ដែលផ្សារភ្ជាប់ទៅនិង វិជ្ជាហោរាសាស្ត្ររបស់កម្ពុជា គ្រប់តួអង្គអទិទេពទេវៈ របស់កម្ពុជា សុទ្ធតែបង្កើតឡើងតាមច្បាប់ធម្មជាតិ មិនមែនជាការនិពន្ធឱ្យតែបានៗ និងមិនមែនជាការបង្កើតតួអង្គ ដោយមិនមានអត្ថន័យពេញលេញនោះទេ ។ តួអង្គទេវតាសង្ក្រាន្ត គ្រងពណ៌សំលៀកបំពាក់ ទៅតាមចរឹតលក្ខណៈ នៃរូបធាតុ ដែលជារាង្គកាយធម្មជាតិ ដែលកើតមាននៅក្នុងចក្រវាឡ របស់យើងនេះ ដើម្បីផ្សារភ្ជាប់ទៅ និង សង្គមវិទ្យាសាស្ត្រពិត របស់មនុស្សននៅលើផែនដី ។

នាង មណ្ឌាទេវី គឺជាអទិទេព តំណាងឱ្យ ភពពុធ និង តំណាងឱ្យ ថ្ងៃពុធ នៃថ្ងៃទាំង៧របស់ផែនដី ។

មណ្ឌាទេវី

Mondia Devi

អម្ពរពស្ត្រា ៖ គ្រងសម្លៀកបំពាក់ ពណ៌សុីលៀប ចនព្រះកាណ៌ ៖ លម្អត្រចៀក ដោយសៀត ផ្កាចម្ប៉ា អាភរណៈ ៖ គ្រឿងអលង្ការត្បូង ប្រដាប់កាយ ទ្រង់ពាក់ "កែវពិទូរ្យ" (ត្បូងភ្នែកឆ្មា) ភក្សាហារ ៖ ទ្រង់សោយទឹកដោះសិប្បិ (ទឹកដោះគោច្អិន) ទឹកដោះនៃ បញ្ចាគោរស់ ទាំង៥ សាស្ត្រាវុធក្នុងព្រះហត្ថ ៖ ឆ្វេងកាន់ "យដ្ឋិ" (ឈើច្រត់) សាស្ត្រាវុធក្នុងព្រះហត្ថ ៖ ស្ដាំកាន់ "សុណា" (ម្ជុល) សំរាប់ត្បាញ ឬ ដេរប៉ាក់ យាន្តជំនិះ ៖ គង់លើ "គទ្រភៈ" ជាទេពនិករ (សត្វលា) ដែលតែងតែយាងចុះមករក្សាដែនជម្ពូទ្វីប នៅពេលសង្ក្រាន្ដត្រូវនិងថ្ងៃពុធ ។ សិទ្ធិការ្យ ៖ នៃកិរិយាចេញច្បាំង ព្រះមហាក្សត្រ និង ក្រុមមន្ត្រី ច្រើនទទួលបាន គ្រឿងបណ្ដាការ និង ការលើកសរសើរយ័ស្តពីប្រទេសដទៃ ប៉ុន្តែក្មេងៗតូច ច្រើនកើតជំងឺតម្កាត់ផ្សេងៗ ។

Clothing: Olive Drab Ear Flower: Plumeria flower Jewelry: Cat'S Eye Gem Eating: Boiled milk Weapons in the left hand: Walking stick Weapons in the Right hand: Sewing Needle Vehicles: Donkey Sangkran god of Wednesday God represent of Mercury planet Powerful journey of combat verbs, Children often get various diseases

ពណ៌មង្គល នៃ ទេវតាសង្ក្រាន្ត

The color of happiness of Devata Sangkran

ពណ៌មង្គល នៃទេវតាសង្ក្រាន្តទាំង៧អង្គ តំណាងឱ្យពណ៌នៃភាពរុងរឿង តាមច្បាប់ធម្មជាតិ ទៅផ្សារភ្ជាប់និង រូបធាតុ របស់ក្រុមតារានិករ នៅក្នុងប្រព័ន្ធចក្រវាឡ ទេវតាសង្ក្រាន្តទាំង៧ ដែលតំណាងឱ្យថ្ងៃទាំង៧ នៅលើផែនដី ក៏ដូចជាតំណាង ឱ្យភពទាំង៧នៅក្នុងប្រព័ន្ធព្រះអាទិត្យរបស់យើងនេះ ដើម្បីអាចផ្សារភ្ជាប់ ទៅនិងក្បួនវិជ្ជាហោរាសាស្ត្ររបស់កម្ពុជា ដើម្បីអាចធ្វើការបកស្រាយ ចរិតលក្ខណៈ របស់មនុស្សម្នាក់ៗ ទៅតាមពណ៌ដែលតំណាង ឱ្យថ្ងៃកំំណើត របស់ពួកគេ ។ ក្រុមបុរាណាចារ្យ មិនធ្លាប់ជួបទាល់តែសោះ ដែលពណ៌មង្គលរបស់ទេវតា សង្ក្រាន្តត្រូវបាន ក្រុមហោរាសាស្ត្រមួយចំនួននៅកម្ពុជា ផ្លាសប្ដូរជាពណ៌ខ្មៅ ជាពណ៌នៃភាពអពមង្គល និង ជាពណ៌ដែលត្រូវជានិមិត្តសញ្ញារូបធាតុរបស់ពួកបិសាច និង ពណ៌ស ជាពណ៌នៃភាពបរិសុទ្ធ និង ជាពណ៌ដែលត្រូវជានិមិត្តសញ្ញារូបធាតុនៃការបូជា នៅក្នុងកំណត់ត្រាពណ៌ សិរីមង្គលរបស់កម្ពុជា ពណ៌ដែលត្រូវបានដកចេញពីអត្ថន័យពណ៌មង្កល នៅក្នុងវប្បធម៌របស់កម្ពុជា នោះគឺពណ៌ខ្មៅ និង ពណ៌ស ។ ទេវតាសង្ក្រាន្តដែលយាងមកជម្ពូទ្វីបមនុស្សលោក ក្នុងវប្បធម៌កម្ពុជា តែងតែនាំមកសិរីរុងរឿង និង ភាពល្អនៅក្នុងប្រទេសកម្ពុជា ប្រជានុរាស្ត្រឯណាចង់ឃើញទេវតា នាំភាពអពមង្គលចូលមកក្នុងប្រទេសនោះ វាជារឿងដែលមិនអាចទទួលយកបាន ក្នុងការបំភ្លៃពណ៌មង្គលរបស់កម្ពុជា បកស្រាយតាមចិត្តគំនិតរបស់ខ្លួន ហ៊ានអារកាត់វែកញែកបែងចែក ពណ៌មង្គលទេវតាសង្ក្រាន្ត តាមអំពើចិត្ត ។

ទេវតាសង្ក្រាន្តទាំង៧

The 7 Devata Sangkran

ទេវតាសង្ក្រាន្តទាំង៧ សម្ដែងកិរិយា អំពីការចេញហែរ សិរសា កុបិលមហាព្រហ្ម ដោយកំណត់ទៅតាមពេលវេលាច្បាស់លាស់ ជាមួយនិង ឈ្មោះទេវតាសង្ក្រាន្តទាំង ៧ និង គ្រឿងអាភរណៈ នៃដំណើរមកដល់ដែលបានចងក្រងដោយក្រុម កិច្ចការនៃ ក្រុមជំនុំទំនៀមទម្លាប់ខ្មែរ ពុទ្ធសនបណ្ឌិត្យកម្ពុជាក្នុងឆ្នាំ ១៩៦០ ។

• បេីចេញហែរនៅវេលាព្រឹកព្រលឹម ដល់ថ្ងៃត្រង់ (ទ្រង់ឈរ) មិនកាន់ខ្សែរបង្ហៀរ ៦ : ០០ ព្រឹក > ១២ : ០០ ថ្ងៃត្រង់
• បេីចេញហែរវេលាថ្ងៃត្រង់ ទល់នឹងព្រលប់ (ទ្រង់អង្គុយពាក់ឆៀង) ១២ : ០០ ថ្ងៃត្រង់ > ៦ : ០០ ល្ងាច
• បើចេញហែរនៅវេលាព្រលប់ ទៅទល់អធ្រាត្រ (ទ្រង់ផ្ទំបេីកព្រះនេត្រ) ៦ : ០០ ល្ងាច > ១២ : ០០ អាធ្រាត
• បេីចេញហែរនៅវេលាអធ្រាត្រ ទៅទល់ភ្លឺ (ទ្រង់ផ្ទំបិទព្រះនេត្រ) ១២ : ០០ រំលងអាធ្រាត > ៦ : ០០ ព្រឹក

ពណ៌អម្ពរពស្ត្រា	ព្រះនាម	ចនព្រះកាណ៌	គ្រឿងអភរណៈ	ភក្សាហារ	គ្រឿងសាស្ត្រាវុធ	យាន្តជំនិះ
ថ្ងៃអាទិត្យ	ទុង្សាទេវី	សៀត ផ្កាទទឹម	បទុមរាគ "ត្បូងទទឹម" (Ruby)	សោយផ្លែឧទុម្ពរ (ផ្លែល្វា)	ឆ្វេង-ខ្យងស័ង្ខ | ស្តាំ-កងចក្រ	គ្រុឌ गरुड (គ្រុឌ)
ថ្ងៃច័ន្ទ	គោរាគៈទេវី	សៀត ផ្កាអង្គាបុស្ប	កែវមុក្តា "គជ់ខ្យង" (Pearl)	សោយតេលំ तैल (ប្រេងល្ង ឬ ប្រេងសណ្ដែក)	ឆ្វេង-ឈើច្រត់ | ស្តាំ-ព្រះខ័ន	វ្យាឃ្រ व्याघ्र (ខ្លាធំ)
ថ្ងៃអង្គារ	រាក្យៈសាទេវី	សៀត ផ្កាឈូក	កែវមោរ៉ា "ត្បូងសមុទ្រ​" (Coral)	សោយលោហិត (ឈាម)	ឆ្វេង-ធ្នូ |ស្តាំ- ត្រីសូល៍	អស្សតរ अश्व (សេះ)
ថ្ងៃពុធ	មណ្ឌាទេវី	សៀត ផ្កាចម្ប៉ា	កែវពិទូរ្យ "ត្បូងភ្នែកឆ្មា" (Cat'S Eye Gem)	សោយទឹកដោះសប្បិ (ទឹកដោះគោច្អិន)	ឆ្វេង-ឈើច្រត់ | ស្តាំ-ម្ជុល	គទ្រភៈ गर्दभ (លា)
ថ្ងៃព្រហស្បតិ៍	កិរិណីទេវី	សៀត ផ្កាមណ្ឌា (ផ្កាមន្ទារ)	មរកត "ត្បូងពណ៌បៃតង" (Emerald)	សោយសណ្ដែក ល្ង	ឆ្វេង-កាំភ្លើង វជ្រ | ស្តាំ-កង្វេរដំរី	គជសារ​ कुञ्चर (ដំរី)
ថ្ងៃសុក្រ	កិមិរាទេវី	សៀត ផ្កាចង្កុលណី (ផ្ការំចង់)	ផុស្សរាគ புஷ்பராகம் "ត្បូងពណ៌លឿង" (Topaz)	សោយចេកណាំវ៉ា	ឆ្វេង-ពិណ | ស្តាំ-ព្រះខ័ន	មហឹសា महिष (ក្របី)
ថ្ងៃសៅរ៍	មហោទរាទេវី	សៀត ផ្កាត្រកៀត (ផ្កាកំប្លោក)	និលរ័តន៍ "ត្បូងពណ៌ខៀវ ឬ ត្បូងកណ្ដៀង" (Sapphire)	សោយសាច់ទ្រាយ ពពួក ក្ដាន់ ឈ្លូស	ឆ្វេង-ត្រីសូល៍ | ស្តាំ-កងចក្រ	មយូរ៉ា मयूर (ក្ងោក)

មើលផងដែរ

• ចូលឆ្នាំខ្មែរ