ស្រុកសៀមរាប

ពីវិគីភីឌា
Jump to navigation Jump to search

ស្រុកសៀមរាបគឺជាស្រុកមួយក្នុងចំណោមស្រុកទាំង១២នៃខេត្តសៀមរាប ដែលជាស្រុកទីរួមខេត្ត នៃខេត្ត សៀមរាបតែម្តង មានផ្ទៃក្រឡា ៣៥២គ.ម២

លក្ខណៈភូមិសាស្ត្រ[កែប្រែ]

ហើយមានព្រំប្រទល់ ៖

  • ខាងជើងទល់នឹងស្រុកអង្គរធំ
  • ខាងកើតទល់នឹងស្រុកប្រាសាទបាគង និងស្រុកបន្ទាយស្រី
  • ខាងត្បូងទល់នឹងបឹងទន្លេសាប
  • ខាងលិចទល់នឹងស្រុកពួក

សណ្ឋានដីក្នុងស្រុកចែកចេញជា ២ប្រភេទ ៖

  1. ដីតំបន់ទំនាបកណ្តាល (សំរាប់ធ្វើស្រែ និងដំណាំចំការ)
  2. ដីតំបន់ទំនាបក្រោមជាប់មាត់ទន្លេសាប (សំរាប់ធ្វើស្រែ និងដំណាំចំការ)

លក្ខណៈសណ្ឋានដីដូចនេះហើយដែលធ្វើឱ្យស្រុកមានអាកាសធាតុក្តៅហើយសើម សំបូរភ្លៀងដែលអំណោយ ផលដល់ដំណាំកសិកម្មនិងព្រៃឈើ ។ ដីតំបន់ទំនាបជាប់មាត់ទន្លេសាប ជាដីសំបូរជីជាតិ ដែលបង្កលក្ខណៈងាយស្រួល ដល់ដំណាំស្រូវនិងអនុផល ។ ដីតំបន់ទំនាបកណ្តាលជាដីខ្សោះជីជាតិ មានពណ៌ស សំបូរខ្សាច់មិនសូវអំណោយផលដល់ ដំណាំស្រូវទេ ។ ប្រភពទឹកសំខាន់ក្នុងស្រុកមាន ស្ទឹងសៀមរាបដែលមានទឹកជាប្រចាំ និងប្រភពទឹកក្រោមដីប្រើប្រាស់ ដោយជីកអណ្តូង ។

រចនាសម្ព័ន្ធគ្រប់គ្រងរដ្ឋបាលស្រុក[កែប្រែ]

ស្រុកសៀមរាបមានឃុំចំនួន១០ គឺឃុំ ស្លក្រាម ស្វាយដង្គំ គោកចក សាលាកំរើក នគរធំ ជ្រាវ ចុងឃ្នៀស សៀមរាប សំបួរ និងឃុំស្រង៉ែ ហើយមានភូមិចំនួន ៧៦ ។ ក្នុងចំណោមឃុំទាំង១០នេះ ឃុំ ស្លក្រាម ស្វាយដង្គំ គោកចក និងសាលាកំរើក ជាតំបន់ទីប្រជុំជន ចំណែកឃុំស្រង៉ែជាតំបន់រដ្ឋបាលស្រុក ។ នៅឆ្នា ២០០៥ ស្រុកសៀមរាប បានអនុវត្តនូវរចនាសម្ព័ន្ធគ្រប់គ្រងរដ្ឋបាលថ្មី ដែលមានការិយាល័យ ចំណុះស្រុក ១០ ក្រុមប្រឹក្សាស្រុក ការិយាល័យប្រជាពលរដ្ឋ និងការិយាល័យជំនាញរបស់ស្រុក ១៣ មានមន្ត្រី-បុគ្គលិកបំរើការងារសរុប ១០២ នាក់ ។ ដោយទ្បែក ការិយាល័យច្រកចេញចូលតែមួយ គឺជាការិយាល័យបំរើ ប្រជាពលរដ្ឋ នៅកន្លែងតែមួយ មានភាពងាយស្រួល ឆាប់ តំលៃថោក និងមានតម្លាភាព ។

ស្ថានភាពប្រជាសាស្ត្រ[កែប្រែ]

ស្រុកសៀមរាបមានប្រជាជនរស់នៅចំនួន ២៥.២៨៥គ្រួសារ មានមនុស្សសរុបចំនួន១៣៩.៤៥៨នាក់ក្នុងនោះ ស្រីមានចំនួន ៧១.៦៨៣នាក់ ស្មើនឹង៥១% នៃប្រជាជនសរុបទូទាំងស្រុក ។ ដង់ស៊ីតេប្រជាជនមាន ៤០៩នាក់ ក្នុង១ គីឡូម៉ែត្រការ៉េ និងមានទំហំគ្រួសារជាមធ្យមគឺ ៥,៥នាក់ ក្នុង១គ្រួសារ ។ អ្វីដែលគួរកត់សំគាល់គឺនៅឃុំ ស្លក្រាម និងស្វាយដង្គំ មានចំនួនប្រជាជនរស់នៅច្រើនជាងគេ ។ ដោយឡែកឃុំ សំបួរ មានប្រជាជនរស់នៅតិចជាងគេ ។

ចំនួនប្រជាពលរដ្ឋតាមឃុំឆ្នាំ២០០៥[១]

ឈ្មោះឃុំ ចំនួនភូមិ ចំនួនគ្រួសារ ចំនួនមនុស្សស្រី ចំនួនមនុស្សប្រុស សរុប
សរុបទូទាំងស្រុក ៧៦ ២៥,២៨៥ ៧១,៦៨៣ ៦៧,៧៧៥ ១៣៩,៤៥៨
ស្លក្រាម ៥,៦០៩ ១៦,២៨៣ ១៤,៨៤៧ ៣១,១៣០
ស្វាយដង្គំ ១៤ ៤,៨៨៩ ១៣,៥៨៦ ១៣,៣៩៩ ២៦,៩៨៥
គោកចក ៣,៩០៣ ៩,៣២៣ ៨,៩០៧ ១៨,២៣០
សាលាកំរើក ៣,០៥៦ ៩,១៣១ ៨,៦៥០ ១៧,៧៨១
សៀមរាប ២,៦៦២ ៨,៨១៣ ៧,៩៤៣ ១៦,៧៥៦
ជ្រាវ ១,៤៥៧ ៤,០៣៣ ៣,៨៧៤ ៧,៩០៧
ចុងឃ្នៀស ១,១០១ ៣,១៥៦ ៣,០៥៤ ៦,២១០
នគរធំ ១,០៩៨ ២,៨៩៩ ២,៨៥៣ ៥,៧៥២
ស្រង៉ែ ៨៨១ ២,៧៦០ ២,៦៣១ ៥,៣៩១
សំបូរ ៦២៩ ១,៦៩៩ ១,៦១៧ ៣,៣១៦

ប្រព័ន្ធផ្លូវគមនាគមន៍[កែប្រែ]

ស្រុកសៀមរាបមានផ្លូវជាតិលេខ៦ កាត់ចំកណ្តាលស្រុក ដែលបន្តពីស្រុកប្រាសាទបាគង មានចំងាយ ប្រហែល១០គ.ម ទៅដល់ស្រុកពួក និងផ្លូវជាតិផ្សេងៗទៀតមាន ៖

  • ផ្លូវលេខ៦៣ ពីសៀមរាប(ក្រុង) ទៅឃុំចុងឃ្នៀស មានចំងាយ ១៤,៣១គ.ម
  • ផ្លូវពីសៀមរាប(ក្រុង) ទៅតំបន់អង្គរ និងវង់តូច វង់ធំ មានចំងាយប្រហែល......គ.ម

ហើយក៏មានផ្លូវខេត្តដ៏ទៃទៀតដូចជា ផ្លូវលេខ២៦៧ ពីផ្សារក្រោមទៅស្រុកពួក ផ្លូវលេខ២៦៥ពីឃុំសៀមរាប កាត់តាមឃុំជ្រាវទៅស្វាយធំស្រុកប្រាសាទបាគង និងផ្លូវខេត្តពីបេឡានចាស់ទៅ សាលាតាមិនជិតភ្នំក្រោម ភ្ជាប់នឹង ផ្លូវជាតិលេខ៦៣ មានចំងាយ៧គ.ម ព្រមទាំងមានផ្លូវខ្វាត់ខ្វែងក្នុងក្រុង និង ផ្លូវក្រាលគ្រួសក្រហមផ្សេងៗទៀត ដែល បានកសាងឡើងដោយក្រុមប្រឹក្សាឃុំ និងជំនួយពីអង្គការនានា ។ផ្លូវសំខាន់ៗដែលមានស្រាប់ គឺជាមធ្យោបាយដ៏សំខាន់ សំរាប់ការធ្វើទំនាក់ទំនងផ្នែកពាណិជ្ជកម្មជាមួយស្រុក ផ្សេងៗ ជាមួយតំបន់ទីប្រជុំជនខេត្ត និងតាមបណ្តាឃុំជបបទ ។

ប្រព័ន្ធអគ្គិសនីនិងទឹកស្អាត[កែប្រែ]

នៅក្នុងស្រុកសៀមរាបគឺមានរោងចក្រអគ្គិសនី២កន្លែង (១កន្លែងចាស់នៅភូមិគ្រួសជារបស់រដ្ឋតាំងពីមុនមក និង១កន្លែងទៀតទើបនឹងធ្វើថ្មីក្នុងឆ្នាំ២០០.... នៅភូមិចុងកៅស៊ូ ជាជំនួយរបស់រដ្ឋាភិបាលជប៉ុន) ហើយមានឃុំ៥ ដែល មានបណ្តាញអគ្គសនីប្រើប្រាស់ គឺឃុំ សាលាកំរើក ស្លក្រាម ស្វាយដង្គំ គោកចក និងសៀមរាប ហើយមានភូមិ ខ្លះក្នុង ឃុំស្រង៉ែ និងឃុំជ្រាវ ក៏មានបណ្តាញអគ្គសនីប្រើខ្លះដែរ តំលៃអគ្គសនីលក់ចេញ ៨៧០រៀល/Kw ។ ចំណែកបណ្តាញ ទឹកស្អាតវិញ មាន២កន្លែងជារបស់រដ្ឋ (១កន្លែងចាស់នៅភូមិស្លក្រាម និង១កន្លែងទៀតទើបនឹងធ្វើថ្មី ក្នុងឆ្នាំ ២០០៥ នៅភូមិទឹកវិលឃុំទឹកវិលស្រុកពួក ជាជំនួយរបស់រដ្ឋាភិបាលជប៉ុន តាមរយៈអង្គការ JICA ) សមត្ថភាព ផលិត ៨.០០០ម៣/១ថ្ងៃ តំលៃលក់ចេញ ១២០០រៀល/១ម៣ ហើយមានឃុំ២ដែលប្រើប្រាស់បណ្តាញទឹកស្អាត គឺឃុំ ស្វាយដង្គំ និងស្លក្រាម ហើយឃុំ គោកចក និងសាលាកំរើក ក៏មានប្រើប្រាស់ខ្លះដែរ និងកំពុងបន្តរៀបចំបណ្តាញ បន្ថែមទៀត ។

ប្រព័ន្ធទូរគមនាគមន៍[កែប្រែ]

ដោយសារស្រុកសៀមរាបជាតំបន់ទីប្រជុំជនខេត្ត គឺអាចទទួលកំលាំងផ្សាយ ៖

  • វិទ្យុអាចចាប់បាន ៥ប៉ុស្តិ៍ គ្របដណ្តប់ទាំង១០ឃុំ
  • ទូរទស្សន៍អាចចាប់ ៥ប៉ុស្តិ៍ ( លេខ៥ បាយ័ន្ត លេខ៣ និង CTN )គ្របដណ្តប់ទាំង១០ឃុំ
  • សេវាទូរស័ព្ទមាន ០១១ ០១៥ ០១៦ ០១២ ០៩២ គ្របដណ្តប់ទាំង១០ឃុំ រីឯ ០២៣ ០៦៣មានតែ នៅឃុំប្រជុំជនប៉ុណ្ណោះ ។


ឃុំក្នុងស្រុកសៀមរាប[កែប្រែ]

ស្រុកសៀមរាបរួមមាន១០ឃុំ [២]

កូដឃុំ ឃុំ Name in Latin
១៧១០០១ ឃុំស្លក្រាម Sla Kram
១៧១០០២ ឃុំស្វាយដង្គំ Svay Dangkum
១៧១០០៣ ឃុំគោកចក Kouk Chak
១៧១០០៤ ឃុំសាលាកំរើក Sala Kamraeuk
១៧១០០៥ ឃុំនគរធំ Nokor Thum
១៧១០០៦ ឃុំជ្រាវ Chreav
១៧១០០៧ ឃុំចុងឃ្នៀស Chong Khnies
១៧១០០៨ ឃុំសំបួរ Sambuor
១៧១០០៩ ឃុំសៀមរាប Siem Reab
១៧១០១០ ឃុំស្រង៉ែ Srangae

មើលផងដែរ[កែប្រែ]

តំណភ្ជាប់ខាងក្រៅ[កែប្រែ]

ឯកសារយោង[កែប្រែ]

  1. ស្ថានភាពប្រជាសាស្ត្រស្រុកសៀមរាប
  2. ប្រភពពីវិទ្យាស្ថានសេដ្ឋកិច្ចកម្ពុជា http://www.stats.nis.gov.kh/areaname/com_pro17.htm