អនុភាពផ្កាយព្រះច័ន្ទ

ពីវិគីភីឌា
Jump to navigation Jump to search

អនុភាពផ្កាយព្រះច័ន្ទ

និពន្ធដោយ កែវ ច័ន្ទបូរណ៍ សម្រួលតន្ត្រី ដោយ អ៊ែលប៊ុណ្ណា

១. ព្រះច័ន្ទរះហើយស្រស់ប្លែកធម្មតា​ សែនសោភាចែងចាំងរស្មីពណ្ណរាយ គូគាប់ទ្វេហាចរចាសំនៀងឆ្លងឆ្លើយ បានយល់ច័ន្ទហើយ ចិត្តស្បើយណាយអស់កង្វល់។

២. ផ្កាយរះត្រចះអមដួងចន្ទ្រា ឯនភាបញ្ចេញរង្សីនិមល ភ្លឺផ្លេកហាក់ប្រស់នូវជ័យមង្គល ដល់គូនិមល អោយយល់នូវម្លប់សុខា។

បន្ទរ. ឧិ! ផ្កាយព្រះច័ន្ទដ៏ស្រស់ពណ្ណរាយ ភ្លឺថ្លាឆើតឆាយរះរាយ ពេញផ្ទៃមេឃា អរគុណអ្នកណាស់ ចំពោះរស្មីសោភា ចិន្តារងាប្រែជាក្សេមក្សាន្តភិរម្យ។

៣. សូមផ្កាយព្រះច័ន្ទរឿងរះគ្រប់កាល យើងត្រអាលរស្មីដ៏សែនមនោរម្យ ពេលបានយល់អ្នក ចិត្តយើងពិតសែនសុខុម ស្រើបស្រាលអារម្មណ៍​ ហាក់ឋិតនាឋានសួគ៌ា។