គួច ម៉េងលី

ពីវិគីភីឌា
(ត្រូវបានបញ្ជូនបន្តពី គួច)

 

គួច ម៉េងលី (កើតថ្ងៃទី២៥ ខែមីនា ឆ្នាំ១៩៦៩) គឺជាពាណិជ្ជករខ្មែរ និង ជាអ្នកផ្តល់ជំនួយដែលលោកគឺជាអ្នករស់រានមានជីវិតពី របបកុម្មុយនិស្ត ខ្មែរក្រហម។ លោកគឺជាស្ថាបនិកនៃក្រុមហ៊ុន ម៉េងលី ជេ. គួច អេឌ្យូខេសិន។

ជីវប្រវត្តិ[កែប្រែ]

ជីវិតដំបូង និងការអប់រំ[កែប្រែ]

លោក គួច ម៉េងលី បានកើតនៅ ខេត្តបាត់ដំបង ក្នុងប្រទេសកម្ពុជា នៅថ្ងៃទី ២៥ ខែមិនា ឆ្នាំ១៩៦៩ [១] នៅក្នុងអំឡុងពេល និងក្រោយរបបខ្មែរក្រហម លោក បានរស់រានមានជីវិតនៅតំបន់ ភ្នំដងរែក។ [២] បន្ទាប់ពីត្រូវបានរុញច្រានមកវិញដោយកងទ័ពទថៃ ក្រុមគ្រួសាររបស់គាត់នៅទីបំផុតបានស្វែងរកការជ្រកកោននៅក្នុងប្រទេសថៃនៅក្នុងការប៉ុនប៉ងលើកទីពីររបស់ពួកគេដើម្បីគេចចេញពីប្រទេសកម្ពុជា។ លោក គួច ម៉េងលី និងគ្រួសាររបស់គាត់បានតាំងទីលំនៅថ្មីនៅសហរដ្ឋអាមេរិកក្នុងឆ្នាំ១៩៨៤ ដោយចេញពីជំរុំជនភៀសខ្លួន ខៅអ៊ីដាង បន្ទាប់ពីសង្រ្គាម (ការព្យាយាមលើកដំបូងរបស់ពួកគេគឺការធ្វើដំណើរទៅកាន់ជំរុំជនភៀសខ្លួន ណង ចាន់ ក្នុងឆ្នាំ១៩៧៩)។ គាត់បានរស់នៅ និងទទួលការអប់រំនៅរដ្ឋកាលីហ្វ័រញ៉ា[៣]

ការសិក្សាផ្នែកវេជ្ជសាស្រ្ត និងអាជីពដំបូងជាវេជ្ជបណ្ឌិតនៅសហរដ្ឋអាមេរិក[កែប្រែ]

គាត់បានចូលរៀននៅសកលវិទ្យាល័យ California, Berkeley ក្នុងឆ្នាំ១៩៩១ សម្រាប់ Pre-Med និងបានទទួលសញ្ញាបត្រវេជ្ជបណ្ឌិត ផ្នែកវេជ្ជសាស្ត្រទូទៅពីសាកលវិទ្យាល័យ Spartan Health Sciences ក្នុងឆ្នាំ១៩៩៨។ លោក គួច ម៉េងលី ក៏បានបញ្ចប់ថ្នាក់ស្មៀនវេជ្ជសាស្រ្ដរបស់គាត់នៅមន្ទីរពេទ្យ University of Illinois ក្នុងទីក្រុង Chicago ។ គាត់បានទទួលថ្នាក់អនុបណ្ឌិតផ្នែកអនុវត្តសុខភាពសាធារណៈពីសាកលវិទ្យាល័យ Massachusetts Amherst ក្នុងឆ្នាំ២០០៧។ លោក គួច ម៉េងលី បានធ្វើការជាសាស្ត្រាចារ្យនៅមហាវិទ្យាល័យ Cleveland ក្នុងរដ្ឋ California រហូតដល់ឆ្នាំ២០០២។

ត្រឡប់មកកម្ពុជាវិញ។[កែប្រែ]

លោក គួច ម៉េងលី បានវិលត្រឡប់មកកាន់​ប្រទេសកម្ពុជាវិញ​ក្នុងឆ្នាំ២០០២ ក្នុងនាមជាពេទ្យស្ម័គ្រចិត្ត មានតួនាទីជាទីប្រឹក្សាយោបល់នៃគម្រោង សមាហរណកម្មការគ្រប់គ្រងជំងឺកុមារ និងសុខភាពសាធារណៈ​របស់អង្គការ ដៃគូដើម្បីអភិវឌ្ឍន៍ ដែលមានមូលដ្ឋាននៅរដ្ឋ ម៉ារីលែន សហរដ្ឋអាមេរិក។ ក្រោយមក អ្នកឧកញ៉ាបានកាន់តំណែងជាសាស្ត្រាចារ្យ ផ្នែកវិទ្យាសាស្ត្រសុខាភិបាល នៃមហាវិទ្យាល័យ គណិតសាស្រ្ត វិទ្យាសាស្រ្ត និងវិស្វកម្ម នៅសាកលវិទ្យាល័យបញ្ញាសាស្រ្តកម្ពុជា ពីឆ្នាំ២០០៣ ដល់ឆ្នាំ២០០៤ ហើយលោកក៏ទទួលបានការតែងតាំងជា ស្ថាបនិកព្រឹទ្ធបុរស អនុប្រធានគណៈកម្មការអប់រំ និងក៏ជាសាស្រ្តាចារ្យ ផ្នែកសុខភាពសាធារណៈ នៃមហាវិទ្យាល័យសុខភាពសាធារណៈ នៅសាកលវិទ្យាល័យកម្ពុជា​ មុនពេលលោកបង្កើត ក្រុមហ៊ុន ម៉េងលី ជេ. គួច អេឌ្យូខេសិន នាឆ្នាំ២០០៥។​

ម៉េងលី ជេ. គួច អេឌ្យូខេសិន ដែលជាឆ័ត្ររបស់ក្រុមហ៊ុនដែលចូលរួមក្នុងវិស័យអប់រំ ការថែទាំសុខភាព និងប្រព័ន្ធផ្សព្វផ្សាយ។ នៅឆ្នាំ ២០២២ កម្មវិធីអប់រំរបស់គាត់បានរីកចម្រើនពីថ្នាក់រៀនតែមួយដែលមានសិស្សត្រឹមតែ ៤ នាក់ ចូលទៅក្នុងបណ្តាញអប់រំដ៏ធំបំផុតមួយរបស់ប្រទេសកម្ពុជា ដែលមានទ្រព្យសម្បត្តិជាអគារផ្សេងៗរាប់សិប បុគ្គលិកជាង ២ ៦០០ និងសិស្សជាង ២ ៣០០០ ។ [៤]

លោក គួច ម៉េងលី ធ្លាប់ជាម្ចាស់ ជាក្រុមប្រឹក្សាភិបាលនៃគេហទំព័រ ThmeyThmey.com ។ គេហទំព័រនេះត្រូវបានបង្កើតឡើងក្នុងឆ្នាំ២០១២ ដែលជាផ្នែកមួយនៃក្រុមហ៊ុន ម៉េងលី ជេ. គួច ហូលឌីងស៍។ នៅ​ខែ​ឧសភា ឆ្នាំ​២០១៧ លោក គួច ម៉េងលី បាន​លាលែង​ពី​ក្រុម​ប្រឹក្សា​ Thmey Thmey។ នៅក្នុងលិខិតលាលែងរបស់គាត់ គាត់បាននិយាយថាគាត់បានលក់ភាគហ៊ុនរបស់គាត់ ហើយមិនមានទំនាក់ទំនងជាមួយ Thmey Thmey ទៀតទេ។ លោក គួច ម៉េងលី ក៏ធ្លាប់ជាសមាជិកក្រុមប្រឹក្សាភិបាលជាប់ឆ្នោតនៃអង្គការតម្លាភាពកម្ពុជាក្នុងអំឡុងឆ្នាំ២០១០ - ២០១៣។ លោកក៏ត្រូវបានស្គាល់ដោយភាពចម្រូងចម្រាសដោយការរិះគន់វិស័យសុខភាពសាធារណៈរបស់ប្រទេសកម្ពុជាកាលពីឆ្នាំ២០១៦ ដោយបាននិយាយថា វេជ្ជបណ្ឌិតប្រាំបួនក្នុងចំណោមដប់នាក់នៅក្នុងប្រទេសនេះមានកម្រិតទាបនៅឡើយ និងមិនមានក្រមសីលធម៌ល្អជាមួយអ្នកជំងឺរបស់ពួកគេ។ លោកក៏បានអត្ថាធិប្បាយដែរថា ប្រព័ន្ធអប់រំគ្រូពេទ្យនៅកម្ពុជានៅខ្សោយនៅឡើយ ហើយការបណ្តុះបណ្តាលគ្រូពេទ្យនៅកម្ពុជាមានរយៈពេលខ្លីណាស់។ ការអត្ថាធិប្បាយរបស់គាត់បានជំរុញឱ្យសមាគមគ្រូពេទ្យដែលពាក់ព័ន្ធជាមួយរដ្ឋាភិបាលទាមទារឱ្យមានការសុំទោស និងការដកពាក្យចេញ។ ក្រោយមកចាប់តាំងពីឆ្នាំ២០១៧ អាជ្ញាប័ណ្ណវេជ្ជសាស្ត្ររបស់គាត់ត្រូវបានបដិសេធ។


ការចូលរួមជួយប្រជាជនខ្មែរ[កែប្រែ]

លោក គួច ម៉េងលី បានចាប់ផ្តើមធ្វើការងារសប្បុរសធម៌របស់គាត់តាំងពីគាត់មានអាយុ១០ ឆ្នាំដោយជួយផ្តល់អាហារដល់ជនក្រីក្រនៅសហរដ្ឋអាមេរិក។ គាត់ធ្លាប់ធ្វើការនៅក្នុងអង្គការសប្បុរសធម៌ដែលផ្តល់សេវាព្យាបាលដោយឥតគិតថ្លៃដល់ជនក្រីក្រ និងគ្មានផ្ទះសម្បែង ខណៈដែលគាត់ជានិស្សិតពេទ្យ។ លោក​បាន​បញ្ជាក់​ថា ជីដូន​ជីតា និង​ឪពុក​ម្តាយ​របស់​លោក​ចូល​ចិត្ត​ការជួយដោយចិត្ត​សប្បុរស​ចំពោះ​អ្នក​ដទៃ និង​មនុស្ស​ដែល​ខ្វះខាត​បំផុត។ នោះ​ហើយ​ជា​មូលហេតុ​ដែល​គាត់​ចង់​ជួយផ្ដល់ជូនទៅ​សង្គម​វិញ។ លោក គួច ម៉េងលី បានសង្កត់ធ្ងន់ថា ភាពជោគជ័យ និងនិរន្តរភាពនៃក្រុមហ៊ុនមួយអាចមើលឃើញតាមរយៈគម្រោង ទំនួលខុសត្រូវរបស់ក្រុមហ៊ុនចំពោះសង្គម (CSR) របស់ខ្លួន។ កាលណាពួកគេបង្កើតកម្មវិធីដែលផ្តល់អត្ថប្រយោជន៍ដល់សង្គមកាន់តែច្រើន ពួកគេកាន់តែនាំមុខក្នុងដំណើរអាជីវកម្ម។ ចំពោះគាត់ គ្រប់ភាគីពាក់ព័ន្ធគួរតែចូលរួមក្នុងការកសាងប្រទេស ដើម្បីប្រទេសជាតិកាន់តែរីកចម្រើន និងមានសន្តិភាព។

លោក គួច ម៉េងលី បានបង្កើតមូលនិធិ ម៉េងលី ជេ. គួច ក្នុងឆ្នាំ 2005។ ភាគច្រើននៃថវិការបស់មូលនិធិគឺជាប្រាក់ចំណេញនៃអាជីវកម្មរបស់គាត់។ មូលនិធិ ម៉េងលី ជេ. គួច បាននិងកំពុងជួយសហគមន៍តាមរយៈកម្មវិធី និងគម្រោងផ្សេងៗជាច្រើន។

ការចូលរួមក្នុងការជួយសង្គ្រោះសាលារៀនអំឡុងពេលនៃវិបត្តិកូវីដ-១៩[កែប្រែ]

ដោយសារជំងឺកូវីដ-១៩ បានរាតត្បាតក្នុងប្រទេសកម្ពុជា លោក គួច ម៉េងលី បានព្រមានថា "ជំងឺរាតត្បាតខ្លួនឯងមិនមែនជាបញ្ហាធំបំផុតសម្រាប់សិស្សសាលាទេ ប៉ុន្តែការប៉ះទង្គិចផ្លូវចិត្ត និងផ្លូវកាយ ដែលពួកគេត្រូវឆ្លងកាត់ជាមួយនឹងការបន្តការសិក្សារបស់ពួកគេតាមរយៈអ៊ីនធឺណិត និងការស្នាក់នៅ។ សាលារៀន អន្តរទ្វីប អាមេរិកាំង គឺជាផ្នែកមួយនៃសាលារៀនដែលជ្រើសរើសដើម្បីបន្តបើកនៅខែកក្កដា ឆ្នាំ២០២០ ដោយសារតែការអនុលោមតាមច្បាប់ផ្លូវការរបស់ក្រសួងសុខាភិបាល។ ទន្ទឹមនឹងការអំពាវនាវឱ្យមានការប្រុងប្រយ័ត្ន លោកក៏បានជូនដំណឹងដល់រាជរដ្ឋាភិបាលអំពីតម្រូវការបន្ទាន់ក្នុងការបើកសាលារៀនឡើងវិញនៅក្នុងប្រទេសកម្ពុជា ដោយសារតែមានចំនួនប្រជាជនតិចតួចបំផុតដែលអាចប្រើប្រាស់បច្ចេកវិទ្យាសម្រាប់ការរៀនតាមអ៊ីនធឺណិត។

ចាប់តាំងពីជំងឺរាតត្បាតបានចាប់ផ្តើម សាលារៀនភាគច្រើនមិនមានចំណូលគ្រប់គ្រាន់ដើម្បីទូទាត់ប្រាក់ឈ្នួល ថ្លៃជួល ថ្លៃទឹកភ្លើង និងការប្រាក់លើប្រាក់កម្ចី ហើយពួកគេនឹងត្រូវផ្អាកប្រតិបត្តិការរបស់ពួកគេ។ តម្លៃជួលគឺជាបញ្ហាធំបំផុត ទើបីជាមានការគាំទ្រមួយចំនួនពីរាជរដ្ឋាភិបាល និងស្ថាប័នហិរញ្ញវត្ថុ ការគាំទ្រទាំងនោះក៏នៅតែមិនគ្រប់គ្រាន់ទេ។ ក្នុងនាមជាស្ថាប័នអប់រំ ចំណូលមានច្រើនប្រភព មិនមែនពឹងតែលើថ្លៃសិក្សាប៉ុណ្ណោះទេ។ ចំណូលត្រូវក៏ពឹងផ្អែកលើសេវាដឹកជញ្ជូនសិស្ស អាហារ ឯកសណ្ឋាន សៀវភៅ និងថ្លៃរដ្ឋបាលផ្សេងទៀតដើម្បីគាំទ្រអាជីវកម្ម។

ដូចសាលាឯកជនដទៃទៀតដែរ ម៉េងលី ជេ. គួច អេឌ្យូខេសិន បានជួបការលំបាកផ្នែកហិរញ្ញវត្ថុក្នុងអំឡុងពេលកូវិដ-១៩។ ក្នុងកិច្ចប្រជុំរបស់សមាគមគ្រឹះស្ថានឧត្តមសិក្សាកម្ពុជា លោក គួច ម៉េងលី បានបញ្ជាក់ថា លោកបានព្យាយាមចរចាជាមួយម្ចាស់អគារ ខណៈដែលម្ចាស់សាលាផ្សេងទៀតក៏បានព្យាយាមចរចាស្រដៀងគ្នានេះ ប៉ុន្តែមិនបានទទួលជោគជ័យអ្វីឡើយ។ ដូច្នេះហើយ សាលាឯកជនជាច្រើននៅក្នុងប្រទេសកម្ពុជាត្រូវរំពឹងថានឹងក្ស័យធន ដោយសារពួកគេជាច្រើនបានខ្ចីប្រាក់ដើម្បីបើកសាលា។

អ្នកឧកញ៉ាគុណធម៌ ទទួលបានប្រជាប្រិយភាពតាមរយៈបណ្ដាញសង្គម និងការចូលរួមជាវាគ្មិនសាធារណៈ[កែប្រែ]

ក្នុងនាមលោក ឧកញ៉ា លោកបានទទូចលើសារៈសំខាន់នៃ ការដឹកនាំប្រកបដោយគុណធម៌ ក្នុងសង្គមខ្មែរ តាមរយៈការបោះពុម្ពផ្សាយជាច្រើន អំពីសីលធម៌ និងធុរៈកិច្ច។ [៥] ក្នុងភាពជាដៃគូជាមួយការិយាល័យ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស នៅកម្ពុជា លោកការពារគំនិតដែលថាអាជីវកម្មគួរតែយកចិត្តទុកដាក់បន្ថែមទៀតអំពី សិទ្ធិមនុស្សនៅកម្ពុជា ។ [៦]

លោក គួច ម៉េងលី ក៏ល្បីល្បាញផងដែរពី កិច្ចខិតខំប្រឹងប្រែងផ្នែកសប្បុរសធម៌ ជាច្រើន ចាប់ពីការឧបត្ថម្ភការប្រកួតអក្ខរាវិរុទ្ធ [៧] ដល់ការឧបត្ថម្ភ ការអប់រំ និងថ្មីៗនេះក្នុងអំឡុងពេលវិបត្តិសេដ្ឋកិច្ចដែលបណ្តាលមកពីការផ្ទុះឡើងនៃ Covid-19 ។ [៨] [៩] អាស្រ័យហេតុនេះ លោក គួច ម៉េងលី បានសម្តែងការរិះគន់ប្រឆាំងនឹង មូលធននិយម និងការរំលោភបំពានអំណាចពីសំណាក់ឧកញ៉ាមួយចំនួននៅកម្ពុជា៖

«ខ្ញុំគិតថា សេចក្តីព្រាងច្បាប់គួរតែពិចារណាឡើងវិញព្រោះថា លោកឧកញ៉ាខ្លះធ្លាប់បានប្រើយសស័ក្តិពីអតីតកាល ដើម្បីការពារខ្លួនពីផលប្រយោជន៍នៃអំពើអសីលធម៌ ដែលបង្កការមិនសប្បាយចិត្តដល់សាធារណជន។ យើងដឹងហើយថា ឧកញ៉ាខ្លះបានប្រព្រឹត្តអំពើហិង្សា ឬមានការឃុបឃិតពុករលួយក្នុងការរកស៊ី។ អ្នកខ្លះបានជាប់ពាក់ព័ន្ធក្នុងការកាប់បំផ្លាញព្រៃឈើ។ ​ឧកញ៉ា​មួយ​ចំនួន​​ត្រូវ​បាន​គេ​ឃើញថាគ្មាន​ជួយ​អ្វី​ទេ… មិន​សម​នឹង​ធ្វើ​ជា​ឧកញ៉ា​ទេ។»

- គួច ម៉េងលី

ជីវិត​ឯកជន[កែប្រែ]

លោកលោក គួច ម៉េងលី រស់នៅ​ទីក្រុង​ភ្នំពេញ ជាមួយ​ភរិយា និង​កូនស្រី​ពីរ​នាក់​របស់​គាត់។[១០]

ការទទួលស្គាល់[កែប្រែ]

ក្នុងឆ្នាំ ២០០៩ លោក គួច ម៉េងលី ទទួលបានគ្រឿងឥស្សរិយយសមុនីសារាភ័ណ្ឌ ហើយបានថ្វាយគោរមងារជា ឧកញ៉ា ដោយព្រះករុណាព្រះបាទ សម្តេចព្រះបរមនាថ នរោត្តម សីហមុនី សម្រាប់សហគមន៍ ការងារសប្បុរសធម៌ និងការងារមនុស្សធម៌។ [១១] នៅឆ្នាំ២០២១ ព្រះអង្គក៏ប្រទានគោរមងារជា អ្នកឧកញ៉ា សម្រាប់សហគមន៍ ការងារសប្បុរសធម៌ និងការងារមនុស្សធម៌។[១២]

គាត់បានទទួលពានរង្វាន់ក្នុងស្រុកជាច្រើននៅក្នុងប្រទេសកម្ពុជា ហើយត្រូវបានទទួលស្គាល់ជាអ្នកដឹកនាំធុរៈកិច្ចប្រចាំឆ្នាំនៅកម្ពុជាជាច្រើនលើក។

  • គ្រឿងឥស្សរិយយស «ជាតូបការ» ព្រះរាជទានដោយ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ឆ្នាំ២០២៣
  • មេដាយកិត្តិយស ផ្ដល់ជូនដោយ បេសកកម្មបរទេសក្រុងប៉ារីស ក្រុងប៉ារីស ប្រទេសបារាំង ឆ្នាំ២០២៣
  • មេដាយកិត្តយស ផ្ដល់ជូនដោយ រដ្ឋសភា ម៉ូណាកូ ប្រទេស ម៉ូណាកូ ឆ្នាំ២០២៣
  • មេដាយកិត្តិយស ខួបទីដប់ឆ្នាំនៃការសោយរាជ្យរបស់សម្ដេចប៉ាប ហ្វ្រង់ស៊ីស ប្រទានដោយ សម្ដេចប៉ាប ហ្វ្រង់ស៊ីស រាជធានី វ៉ាទីកង់ ឆ្នាំ២០២៣
  • ព្រះរាជប្រកាសនីយប័ត្រ គណៈសង្ឃពុទ្ធសាសនាកម្ពុជា ផ្ដល់គរម្យ៍ងារជា បញ្ញាមេធាភិរ័ក្ខសេរី មហាឧបាសកពុទ្ធសាសនូបត្ថម្ភក៍ ឆ្នាំ២០២២

ស្នាដៃសៀវភៅ[កែប្រែ]

1. «មាគ៌ាបញ្ញវន្ដ» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, ធ្នូ, ឆ្នាំ២០២៣

2. «ក្សត្រិយៈ ភាពជាអ្នកដឹកនាំតាមបែបប្រពៃណីខ្មែរ» ទំព័រ XXI-XXXIII, បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, កញ្ញា, ឆ្នាំ២០២៣

3. «ផ្លូវកាត់» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, មីនា, ឆ្នាំ២០២៣

4. «កម្រងកំណាព្យពីដួងចិត្ត» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, វិច្ឆិកា, ឆ្នាំ២០២០

5.   «បណ្ដុំទស្សនៈ» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, មិថុនា, ឆ្នាំ២០២០

6.   «គំនិតរកស៊ី គួច ម៉េងលី» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, ខែមីនា, ឆ្នាំ២០១៩

7.   «១០៨ ចក្ខុវិស័យ គួច ម៉េងលី» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, ខែតុលា, ឆ្នាំ២០១៨

8.   «ភ្នំដងរែក ទីពុំអាចភ្លេច» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, ខែឧសភា, ឆ្នាំ២០១៨

9.   «អ្នកជាមនុស្សល្អ ល្អប្រសើរ និងល្អអស្ចារ្យ» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, ខែវិច្ឆិកា, ឆ្នាំ២០១៦

10.   «ទស្សនៈអាជីវកម្ម» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, ខែវិច្ឆិកា, ឆ្នាំ២០១៦

11.   «ជំនួបតុកាហ្វេ រវាង ដុកទ័រ ម៉េងលី និងខ្ញុំ» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, ខែសីហា, ឆ្នាំ២០១៦

ស្នាដៃនិពន្ធដោយអ្នកដទៃ

1.   «កម្រងរឿងខ្លី ឧកញ៉ា វេជ្ជបណ្ឌិត គួច ម៉េងលី និមិត្តរូបខ្ញុំ» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, ខែមករា, ឆ្នាំ២០២០

2.   «កម្រងកំណាព្យ វេជ្ជបណ្ឌិត គួច ម៉េងលី និងខ្ញុំ» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, ខែសីហា, ឆ្នាំ២០១៩

3.   «ពេលមួយដែលខ្ញុំស្គាល់ ដុកទ័រ គួច ម៉េងលី» បោះពុម្ពដោយ គ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច, ខែសីហា, ឆ្នាំ២០១៩

ឯកសារយោង[កែប្រែ]

  1. (ជាen) Who's who in Cambodia. MBN International in partnership with Promo-Khmer. 2006. p. 21. ល.ស.ប.អ. 978-99950-66-00-0. https://books.google.com.kh/books?id=mE4uAQAAIAAJ&q=quach+mengly&dq=quach+mengly&hl=en&sa=X&ved=2ahUKEwjNscuclb_yAhVIEIgKHUPzDd0Q6AEwBHoECAcQAg. 
  2. (ជាkm) ភ្នំដងរែក: ទីពុំអចភ្លច. Mengly J. Quach University Press. 2018. ល.ស.ប.អ. 978-9924-508-11-3. https://books.google.com.kh/books?id=KCkswQEACAAJ&dq=quach+mengly&hl=en&sa=X&redir_esc=y. 
  3. "Dr. Quach left Cambodia after the Khmer Rouge regime and was educated in the United States".
  4. McGrath, Cam. "Quach restructures, sets course for likely IPO". www.phnompenhpost.com (in អង់គ្លេស). Retrieved 2021-08-20.
  5. Som Kanika (2019-04-10). "Dr. Mengly J. Quach shares his 'Business Ideas' - Khmer Times" (in American English). Retrieved 2021-08-20.
  6. Mengly J. Quach; Pok Nanda (15 June 2016). "Should businesses care about human rights?". Office of United Nations High Commissioner for Human Rights in Cambodia.{{cite web}}: CS1 maint: url-status (link)
  7. "The 17th Mengly J. Quach Spelling Bee Contest – Aii Language Center - Toul Kork Campus" (in American English). Retrieved 2021-08-20.
  8. Rinith, Rinith (2021-08-18). "ក្រុមអ្នកជំនាញផ្នែកសុខភាព៖ សាលាបើកបានវិញបាន". The Intercon Rooster (in American English). Archived from the original on 2021-08-20. Retrieved 2021-08-20.
  9. "Mengly J. Quach offers outbreak response thanks, cautions sector at critical juncture". www.phnompenhpost.com (in អង់គ្លេស). Retrieved 2021-08-20.
  10. "Dr Quach currently lives in Phnom Penh with his wife and their two daughters".
  11. "Mengly J. Quach". Cambodia Media Ownership Monitor (Reporteres sans Frontieres) (in អង់គ្លេស). Retrieved 2021-08-20.
  12. "Neak Oknha Title".