ផ្លូវលំហូជីមិញ

Hi mi lei hi puk mi jkut

ផ្លូវលំហូជីមិញ ( Vietnamese: Đường mòn Hồ Chí Minh ) ក៏ហៅថា ផ្លូវជួរអណ្ណាម ( Vietnamese: Đường Trường Sơn ) គឺជាបណ្តាញដឹកជញ្ជូនផ្លូវថ្នល់ និងផ្លូវលំដែលរត់ពី ប្រទេសវៀតណាមខាងជើង ទៅ វៀតណាមខាងត្បូង ឆ្លងកាត់ព្រះរាជាណាចក្រឡាវ និងព្រះរាជាណាចក្រកម្ពុជា ។ ប្រព័ន្ធនេះបានផ្តល់ការគាំទ្រក្នុងទម្រង់ជាកម្លាំងពលកម្ម និងសម្ភារៈដល់វៀតកុង និង កងទ័ពប្រជាជនវៀតណាម ក្នុងអំឡុងសង្គ្រាមវៀតណាម ។ ការសាងសង់បណ្តាញនេះបានចាប់ផ្តើមបន្ទាប់ពីការលុកលុយរបស់វៀតណាមខាងជើងលើឡាវ ក្នុងខែកក្កដាឆ្នាំំំ១៩៥៩។

វាត្រូវបានអាមេរិកដាក់ឈ្មោះតាមប្រធានាធិបតីវៀតណាមខាងជើងគឺលោកហូជីមីញ ។ ប្រភពដើមនៃឈ្មោះនេះត្រូវបានគេសន្មត់ថាបានមកពីសង្គ្រាមឥណ្ឌូចិនលើកទីមួយ នៅពេលដែលមានខ្សែដឹកជញ្ជូនតាមដែនសមុទ្ររបស់វៀតមិញហៅថា "ផ្លូវនៃហូជីមិញ", ^[១] ^:126ហើយភ្លាមៗបន្ទាប់ពីចុងឆ្នាំ១៩៦០ នៅពេលដែលផ្លូវបច្ចុប្បន្នបានអភិវឌ្ឍទីភ្នាក់ងារសារព័ត៌មានបារាំង(AFP) បានប្រកាសថា ផ្លូវពីជើងទៅត្បូងបានបើក ហើយពួកគេបានដាក់ឈ្មោះច្រករបៀងផ្លូវលំហូជីមិញ ។ ^[១] ^:202ផ្លូវលំនេះភាគច្រើនរត់នៅប្រទេសលាវ ហើយត្រូវបានហៅដោយពួកកុម្មុយនិស្តផ្លូវផ្គត់ផ្គង់យុទ្ធសាស្ត្រ ផ្លូវទ្រឿងសឺន ( Đường Trường Sơn ) តាមឈ្មោះវៀតណាមសម្រាប់ជួរភ្នំអាណ្ណាមនៅភាគកណ្តាលវៀតណាម។ ^[២] ^:28ពួកគេបានកំណត់ផ្លូវលំនោះថាជាត្រើយទ្រឿងសឺនខាងលិច (ឡាវ) ឬទ្រឿងសឺនខាងកើត (វៀតណាម)។ ^[១] ^:202យោងតាមប្រវត្តិសាស្ត្រផ្លូវការនៃសង្គ្រាមរបស់ទីភ្នាក់ងារសន្តិសុខជាតិអាមេរិក ប្រព័ន្ធផ្លូវលំគឺជា "សមិទ្ធិផលដ៏អស្ចារ្យមួយនៃវិស្វកម្មយោធានៃសតវត្សទី២០" ។ ^[៣] ផ្លូវលំនេះអាចផ្គត់ផ្គង់កងទ័ពប្រកបដោយប្រសិទ្ធភាពក្នុងការប្រយុទ្ធគ្នានៅភាគខាងត្បូង ដែលជាសមិទ្ធិផលយោធាដែលមិនអាចប្រៀបផ្ទឹមបាន ដោយសារវាជាទីតាំងនៃយុទ្ធនាការរារាំងផ្លូវអាកាស ដ៏ខ្លាំងក្លាបំផុតក្នុងប្រវត្តិសាស្ត្រ។