វ៉ូ វ៉ាន់ធឿង

ឯកឧត្ដម វ៉ូ វ៉ាន់ធឿង
ទី១២ប្រធានាធិបតីវៀតណាម
ក្នុងការិយាល័យ ២ មិនា ២០២៣ – ១៨ មករា ២០១១
នាយករដ្ឋមន្ត្រី	ផាំ មិញជីញ
អនុប្រធាន	វ៉ូ ធីអាញ់ស៊ួន
មុន	ង្វៀន ស៊ួនហ្វុក
លេខាធិការប្រតិបត្តិនៃបក្សកុម្មុយនិស្តវៀតណាម
ក្នុងការិយាល័យ ៥ កុម្ភៈ ២០២១ – ៦ មិនា ២០២៣
អគ្គលេខាធិការ	ង្វៀន ហ្វូចុង
មុន	ត្រាន់ កុកវឿង
បន្ទាប់	ទ្រឿង ធីម៉ៃ
ប្រធាននាយកដ្ឋានឃោសនាបក្ស
ក្នុងការិយាល័យ ៤ កុម្ភៈ ២០១៦ – ១៩ កុម្ភៈ ២០២១
អគ្គលេខាធិការ	ង្វៀន ហ្វូចុង
មុន	ឌិញ ថេហ្វុីញ
បន្ទាប់	ង្វៀន ចុងង៉ាយ
ព័ត៌មានលម្អិតផ្ទាល់ខ្លួន
កើត	(1970-12-13) 13 December 1970 ខេត្តហាយសឿង, សាធារណរដ្ឋប្រជាធិបតេយ្យវៀតណាម (ឥឡូវ វៀតណាម)
គណបក្ស​នយោបាយ	បក្សកុម្មុយនិស្តវៀតណាម (១៩៩៣-បច្ចុប្បន្ន)
លំនៅដ្ឋាន	វិមានប្រធានាធិបតី
សាលាមាតា	University of Hồ Chí Minh City Ho Chi Minh City University of Social Sciences and Humanities Hồ Chí Minh National Academy of Politics
គេហទំព័រ	President website

វ៉ូ វ៉ាន់ធឿង (កើតថ្ងៃទី១៣ ខែធ្នូ ឆ្នាំ១៩៧០) ជាអ្នកនយោបាយវៀតណាម កាន់តំណែងជាប្រធានាធិបតីវៀតណាម តាំងពីឆ្នាំ២០២៣ ជាមនុស្សក្មេងជាងគេដែលបម្រើក្នុងមុខតំណែងនេះ ចាប់តាំងពីការបង្កើតសាធារណរដ្ឋ នៅឆ្នាំ១៩៤៥។ ក្នុងឋានៈជាប្រមុខរដ្ឋរបស់ប្រទេស លោកគឺជាមន្ត្រីខ្ពស់បំផុតទីពីរនៅវៀតណាមបន្ទាប់ពីអគ្គលេខាបក្សកុម្មុយនិស្ត ។

បច្ចុប្បន្ន​លោក​ជា​សមាជិកការិយាល័យនយោបាយ និង​មាន​តួនាទី​ជាលេខាធិការប្រតិបត្តិនៃបក្សកុម្មុយនិស្ត​វៀតណាម (CPV)។ លោក​ក៏​ជា​សមាជិក​នៃរដ្ឋសភាវៀតណាមនីតិកាលទី១៥ផងដែរ។ លោកជាប្រធាននាយកដ្ឋានឃោសនាមជ្ឈិមនៃបក្សកុម្មុយនិស្តវៀតណាមពីឆ្នាំ២០១៦ ដល់ឆ្នាំ២០២១ ជាអនុលេខាគណៈកម្មាធិការបក្សទីក្រុងហូជីមិញ។ លេខាគណៈកម្មាធិការបក្សក្វាងង៉ាយ; លេខាអចិន្ត្រៃយ៍ និងលេខាទីមួយនៃគណៈកម្មាធិការមជ្ឈិមសម្ព័ន្ធយុវជនកុម្មុយនិស្តហូជីមិញ ប្រធានសហព័ន្ធយុវជនវៀតណាម។ លោក​គឺជា​សមាជិក​អចិន្ត្រៃយ៍​វ័យក្មេង​បំផុត​នៃ​លេខាធិការដ្ឋាន​នៃ​គណៈកម្មាធិការ​មជ្ឈិមបក្ស​ក្នុង​ប្រវត្តិសាស្ត្រ​បក្ស​កុម្មុយនិស្ត​វៀតណាម។

លោកជាសមាជិកនៃបក្សកុម្មុយនិស្តវៀតណាម បានទទួលសញ្ញាប័ត្រអនុបណ្ឌិតផ្នែកទស្សនវិជ្ជា និងសញ្ញាបត្រកម្រិតខ្ពស់ផ្នែកទ្រឹស្តីនយោបាយ។ គាត់គឺជាសមាជិកនៃរដ្ឋសភាវៀតណាមទី១២ និងទី១៤ និងជាសមាជិកនៃគណៈកម្មាធិការមជ្ឈិមបក្សកុម្មុយនិស្តវៀតណាមតាំងពីឆ្នាំ២០១១។

ប្រវត្តិ និងការអប់រំ

វ៉ូ វ៉ាន់ធឿង កើតនៅថ្ងៃទី១៣ ខែធ្នូ ឆ្នាំ១៩៧០ នៅហាយសឿង សាធារណៈរដ្ឋប្រជាធិបតេយ្យវៀតណាម។ គ្រួសាររបស់គាត់បានចាកចេញពីភាគខាងត្បូងកំឡុងសង្គ្រាមវៀតណាម។ គាត់កើតនិងធំធាត់នៅភាគខាងជើង។ នៅឆ្នាំ១៩៨៨ លោកបានសិក្សាផ្នែកទស្សនវិជ្ជាម៉ាក្សនិយម-លេនីននិយមនៅមហាវិទ្យាល័យទស្សនវិជ្ជានៃសាកលវិទ្យាល័យទីក្រុងហូជីមិញ។ ក្នុងឆ្នាំ១៩៩២ លោកបានបញ្ចប់ការសិក្សាថ្នាក់បរិញ្ញាបត្រផ្នែកទស្សនវិជ្ជាក្នុងលទ្ធិម៉ាក្ស-លេនីន។ បន្ទាប់មក លោកបានបន្តការសិក្សាថ្នាក់អនុបណ្ឌិតផ្នែកទស្សនវិជ្ជានៅសាកលវិទ្យាល័យវិទ្យាសាស្ត្រសង្គម និងមនុស្សសាស្ត្រ សាកលវិទ្យាល័យជាតិវៀតណាម ទីក្រុងហូជីមិញ ហើយបានទទួលសញ្ញាបត្រអនុបណ្ឌិតទស្សនវិជ្ជានៅឆ្នាំ១៩៩៩។ នៅថ្ងៃទី១៨ ខែវិច្ឆិកា ឆ្នាំ១៩៩៣ គាត់ត្រូវបានបញ្ចូលទៅក្នុងបក្សកុម្មុយនិស្តវៀតណាមហើយបានក្លាយជាសមាជិកផ្លូវការនៅថ្ងៃទី១៨ ខែវិច្ឆិកា ឆ្នាំ១៩៩៤ ។ លោកក៏បានចូលរួមវគ្គសិក្សានៅបណ្ឌិតសភានយោបាយជាតិហូជីមិញ ដោយទទួលបានសញ្ញាបត្រកម្រិតខ្ពស់ផ្នែកទ្រឹស្តីនយោបាយ។