ព្រះបាទឧទយាទិត្យវរ្ម័នទី២

ពីវិគីភីឌា
Jump to navigation Jump to search
ព្រះបាទឧទយាទិត្យវរ្ម័នទី២
រជ្ជកាល១០៥០-១០៦០
រាជ្យមុនព្រះបាទសូរ្យវរ្ម័នទី១
រាជ្យបន្តព្រះបាទហស៌វរ្ម័នទី៣
សាសនាព្រហ្មញ្ញសាសនា និងរាជធានីយសោធរបុរៈ

ព្រះបាទឧទយាទិត្យវរ្ម័នទី២ (ឆ្នាំ១០៥០-ឆ្នាំ១០៦៦នៃគ.ស)[កែប្រែ]

ព្រះអង្គជាបុត្ររបស់ព្រះបាទសូរ្យវរ្ម័នទី១ព្រះអង្គបានកសាងរាជធានីអង្គរទី២ និងមានកំពែងព័ន្ធជុំវិញបន្តពីព្រះរាជបិតា ដោយព្រះអង្គបានជីកបារាយណ៍ខាងលិចដែលមានបណ្តោយប្រវែង៨គីឡូម៉ែត្រ និងទទឹងប្រវែង២.២គីឡូម៉ែត្រ។ ព្រះអង្គកសាង ប្រាសាទមេបុណ្យខាងលិច ប្រាសាទបាពួន រូបព្រះវិស្ណុផ្ទុំក្នុងបារាយណ៍ទឹកថ្លា(ចប្ចុប្បន្នរូបនេះនៅសារមន្ទីជាតិភ្នំពេញ) និងព្រះអង្គបានបង្ក្រាបចលនាបះបោរជាបីលើក[១]។ ថី្វបើពិបាកក្នុងការងារ ទើបប្រទះនូវស្នាដៃទាំងឡាយនៅក្នុងរជ្ជកាលនេះ អំឡុងពេល១៦ឆ្នាំ។ ព្រះអង្គបានកសាងសំណងធំៗ នៅក្នុរងរាជធានីអង្គរ ហើយព្រះនាមរបស់ព្រះអង្គក៏នៅតែភ្ជាប់ជាមួយនឹងប្រាសាទបាពួន និងបារាយណ៍ខាងលិច។ សិលាចារឹកមួយបាននិយាយពីការកសាងប្រាសាទបាពួនថា គេបានឃើញនៅចំកណ្តាលជម្ពូទ្វិបមានលំនៅដ្ឋានអាទិទេពមួយបានលេចឡើងគឺភ្នំមាស(ភ្នំព្រះសុមេរុ) ព្រះអង្គបានកសាងភ្នំមាសនៅចំកណ្តាលរាជធានី។ នៅលើភ្នំមាសមានសាងប្រាសាទមាសមួយ នៅខាងក្នុងប្រាសាទមាសនេះ ព្រះអង្គបានអភិសេកព្រះសិវលឹង្គមួយអំពីមាស ដែលមានពន្លឺភ្លឺចិញ្ចាចដូចឋានសួគ៌។ ប្រាសាទបាពួនពុំស្ថិតនៅចំកណ្តាលរាជធានីយសោធរបុរៈទេ ដែលសព្វថ្ងៃនេះគេពុំសូវដឹង។ តាំងពីមួយសតវត្សរ៍មួយមុនមជ្ឍមណ្ឌលនយោបាយរបសរាជធានី គឺជាក្រុមដែលបង្កើតដោយព្រះបរមរាជវាំង។ ដូចព្រះបរមរាជវាំង ប្រាសាទបាពួនបានបង្កើតឡើងនៅក្បែរទីធ្លាធំមួយនៃរាជធានីអង្គរ និងផ្នែកខាងកើតមានទីលានដល់ធំមួយលាតសន្ធឹងដល់ប្រាសាទឃ្លាំង។ ប្រាសាទបាពួនកសាងឡើងទន្ទឹមនឹងព្រះបរមរាជវាំង[២]។ ព្រះបាទឧទទាទិត្យវរ្ម័នទី២ មានព្រះនាមសម្រាប់រាជ្យថា វ្រះបាទកម្រតេងអញស្រីឧទយាទិត្យវរ្ម័នទេវៈ[៣]

ឯកសារយោង[កែប្រែ]

  1. សៀវភៅសិក្សាសង្គម ថា្នក់ទី១០ របស់ក្រសួងអប់រំ យុវជន និងកីឡា ឆ្នាំ២០១៧ ទំប័រទី១៤៨
  2. ប្រវត្តិសាស្រ្តសង្ខេបនៃរាជធានីក្នុងតំបន់អង្គរ និងសង្គមខ្មែរក្នុងរជ្ជកាលព្រះបាទជ័យវរ្ម័នទី៧ រៀបរៀងចងក្រង និងប្រែសម្រួលដោយលោកអួង វន ឆ្នាំ២០០៦ ទំព័រទី២៤
  3. https://tamabmmo.wordpress.com/2013/06/19/khmer-kings-list-5/?wref=tp