ហឝ៌វម៌្មទី៣

ហឝ៌វម៌្មទី៣
វ្រះបាទ
រជ្ជកាល	គ.ស ១០៦៦-១០៨០
រាជ្យមុន	ឧទយាទិត្យវម៌្មទី២
រាជ្យបន្ត	ន្ឫបតីន្ទ្រវម៌្មទី២, ជយវម៌្មទី៦
បុត្រ	ឝ្រីជយរាជចូឌាមណី
ព្រះនាមពេញ ធូលីវ្រះបាទ ធូលីជេងវ្រះកម្រតេង អញឝ្រីហឝ៌វម្ម៌ទេវ បច្ឆាមរណនាម សទាឝិវបទ
សន្តតិវង្ស	កៅណ្ឌិន្យ
បិតា	សូយ៌្យវម៌្មទី១

វ្រះបាទហឝ៌វម៌្មទី៣ រជ្ជកាល (គ.ស ១០៦៦-១០៨០) ព្រះនាមពេលសោយរាជ្យ ធូលីវ្រះបាទ ធូលីជេងវ្រះកម្រតេង អញឝ្រីហឝ៌វម្ម៌ទេវ។ ព្រះអង្គជារាជបុត្រវ្រះបាទសូយ៌្យវម៌្មទី១។ ព្រាហ្មណ៍បុរោហិត យោគេឝ្វរបណ្ឌិត ឯកសារលោកត្រឹង-ងា ថារាជបុរោហិតព្រាហ្មណ៍ ទិវាករបណ្ឌិត។ ទ្រង់មានព្រះបរមមរណនាមថា វ្រះបាទសទាឝិវបទ។ វ្រះបាទន្ឫបតីន្ទ្រវម៌្មទី២ មានជាប់សាច់ញាតិជាមួយ ឬអាចជាព្រះអនុជវ្រះបាទឧទយាទិត្យវម៌្មទី២ និងហឝ៌វម៌្មទី៣។ ទ្រង់បានសោយរាជបន្តពីព្រះជេដ្ឋាព្រះអង្គ ឧទយាទិត្យវម៌្មទី២ ហើយរាជធានីរបស់ទ្រង់ក៏អាចហៅថា យឝោធរបុរទីពីរ ក៏បានដែលមានមណ្ឌលនៅចំកណ្ដាលជាប្រាសាទបាពួន សាងឡើងដោយព្រះភាតារបស់ទ្រង់ និងបារាយណ៍ខាងលិចជាបារាយណ៍ធំ។

រជ្ជកាលរបស់ទ្រង់ច្របូកច្របល់ដោយសារការរំជើបរំជួលផ្ទៃក្នុងដែលនៅទីបញ្ចប់ទ្រង់មិនអាចច្បាំងបញ្ចប់សង្គ្រាមបាន។ ដូច្នេះ ហឝ៌វម៌្មទី៣ ទ្រង់ជាក្សត្រចុងក្រោយនៃសន្តតិវង្សរបស់ទ្រង់។ ស្ដេចស្នងរាជ្យបន្តពីទ្រង់គឺ ជយវម៌្មទី៦ ជាក្សត្រជ្រែករាជ្យមកពីតំបន់វិមាយ នៅខ្ពង់រាបគោរាជ នៅក្នុងប្រទេសថៃបច្ចុប្បន្ន។ ប្រហែលជាហឝ៌វម៌្មទ្រង់មិនទាន់បានសុគតនៅឡើយទេក្នុងឆ្នាំ ១០៨០ ប៉ុន្តែផ្ទុយទៅវិញទ្រង់បានបោះបង់អង្គរចោលទៅវិញទេ និង បានភៀសព្រះកាយទៅខាងត្បូងវិញ ដែលជាកន្លែងពួកអ្នកដង្ហែតាមទ្រង់បានបន្តការប្រយុទ្ធប្រឆាំងនឹងជយវម៌្មទី៦។

ទ្រង់មានព្រះនាមក្នុងផ្ទាំងសិលាចារឹក K.៩០៨ នៅប្រាសាទព្រះខ័ន ជាបុព្វការីជនខាងមាតារបស់វ្រះបាទជយវម៌្មទី៧ ហាក់បីដូចជាជំលោះយូរយារបានកើតឡើងដោយសារបញ្ហាដណ្ដើមរាជ្យនេះ។

ពង្សាវលី

• ព្រះបិតាព្រះនាម សូយ៌្យវម៌្មទី១ ព្រះមាតា ព្រះនាម វីរលក្ឝ្មី
• ព្រះបិតុច្ឆា បុរោហិត នាម ជយេន្ទ្របណ្ឌិត
  • ព្រះភាតាព្រះនាម ឧទយាទិត្យវម៌្មទី២
    • ព្រះរាជបុត្រី ឝ្រីជយរាជចូឌាមណី
      • ព្រះនត្តា ជយវម៌្មទី៧

ឯកសារយោង

• Higham, Charles (2003). The Civilization of Angkor. Phoenix. ល.ស.ប.អ. 1-84212-584-2. 

គោរម្យងារសំរាប់រាជ្យ
មុនដោយ ឧទយាទិត្យវម៌្មទី២	ចក្រវរ្តិននៃកម្វុជទេឝ ១០៦៦–១០៨០	តដោយ ន្ឫបតីន្ទ្រវម៌្មទី២, ជយវម៌្មទី៦