ប្រាសាទក្រោលគោ

ប្រាសាទក្រោលគោ​គឺជាប្រាសាទបុរាណបែបព្រះពុទ្ធសាសនាខ្មែរ​ដែលត្រូវបានកសាងឡើងនៅ​ចុងសតវត្សទី១២ រជ្ជកាលព្រះបាទជ័យវរ្ម័នទី៧។ ប្រាសាទនេះ​មានទីតាំងស្ថិតនៅចំងាយ២គីឡូម៉ែត្រពីប្រាសាទតាសោម នៅខាងស្តាំដៃ ចុះពីផ្លូវប្រហែល ៩០០ម៉ែត្រ។ ប្រាសាទនេះមានប្រាង្គតែមួយស្ថិត​នៅលើលាន​រាងកាកបាទ​ និង មានបណ្ណាល័យមួយធ្វើអំពីថ្មបាយក្រៀម និង ថ្មភក់បែមុខទៅទិសខាងត្បូង។ កំពែងប្រាសាទធ្វើអំពីថ្មបាយក្រៀមដែលមាន​គោបុរៈនៅទិសខាងកើត និង មានគូទឹកព័ទ្ធជុំវិញ។