ក្រខុប
.JPG)
ក្រខុប ជាផ្លែឈើមួយប្រភេទដែលមានរសជាតិផ្អែម ហើយអាចទទួលទានបានទាំងសំបក និងសម្បូរណាស់ក្នុងប្រទេសកម្ពុជា។
ការពិពណ៌នា[កែប្រែ]
ចុល្លព្រឹក្សក្រខុបមានកម្ពស់ពី ៥-៧ម៉ែត្របែកមែកជាថ្នាក់ៗ លាតត្រដាងស្របៗគ្នា មែកខ្ចីមានរោមគ្របដណ្ដប់ ។ ស្លឹក មានលក្ខណ ឆ្លាស់គ្នា ប្រវែង ៤-១៥ សង់ទីម៉ែត្រនិង ទទឹង ១-៦ សង់ទីម៉ែត្រ មានគែមធ្មេញ និងមានរោមខ្លីៗ។[១] ផ្កា មានទំហំតូច ដែលមានទទឹងរហូតដល់ ៣ សង់ទីម៉ែត្រ។[១] ផ្លែឈើដែលជាផ្លែប៊ឺរីអាចបរិភោគបានមានពណ៌ក្រហមនៅពេលពេញវ័យប្រហែល ១.៥ សង់ទីម៉ែត្រធំទូលាយ។[១]
វត្តមានក្នុងតំបន់[កែប្រែ]
ក្រខុប មកពី ម៉ិកស៊ិកភាគខាងត្បូង ការាបៀន អាមេរិកកណ្តាល និងភាគ អាមេរិកខាងលិច ទៅ បូលីវីខាងត្បូង និង អាហ្សង់ទីន ។ ក្រខុបមានវត្តមាននៅក្នុងអាកាសធាតុត្រូពិចនៅក្នុងកម្រិតទឹកសមុទ្រដល់កម្ពស់ ១០០០ ម៉ែត្រ។ [១]
ការប្រើប្រាស់[កែប្រែ]
ក្រខុបប្រើប្រាស់ជារុក្ខជាតិព្យាបាលជម្ងឺ។ ទោះបីរាងកាយមានរបៀបធម្មជាតិរបស់វាក្នុងការប្រឆាំងទៅនឹងបាក់តេរី ប៉ុន្តែក៏នៅតែត្រូវការជំនួយពីប្រភពផ្សេងៗទៀត រួមបញ្ចូលទាំងអាហារដែលអ្នកទទួលទាន។ ក្រខុបមានផ្ទុកលក្ខណៈសម្បត្តិប្រឆាំងបាក់តេរីបានយ៉ាងប្រសើរដែលធ្វើអោយវាក្លាយជាជម្រើសនៃផ្លែឈើដ៏ល្អបំផុតមួយសម្រាប់អ្នក។ក្រខុប មានផ្ទុកលក្ខណៈសម្បត្តិប្រឆាំងការរលាកដែលជួយកាត់បន្ថយ និងទប់ស្កាត់ការរលាកផ្សេងៗក្នុងរាងកាយ រួមទាំងការហើមផងដែរ។ក្រខុប មានផ្ទុកសម្បូរទៅដោយវីតាមីន និងជាតិរ៉ែ ជាពិសេសវីតាមីន C ដែលចាំបាច់សម្រាប់ពង្រឹងប្រព័ន្ធភាពស៊ាំនៃរាងកាយទប់ស្កាត់ប្រឆាំងនឹងជំងឺផ្សេងៗ។[២]
ផ្លែក្រខុបអាចបរិភោគបាន ហើយធ្លាប់លក់នៅលើទីផ្សារ។ អាចបរិភោគវាជាឆៅ ឬកែច្នៃជាយៈសាពូនមី។ ស្លឹកអាចប្រើសម្រាប់ធ្វើទឹតែ។ ម្យ៉ាងវិញទៀត ស្លឹកវាអាចប្រើប្រាស់ជាឱសថបុរាណ (សម្រាប់ បញ្ហាក្រពេញប្រូស្តាត និងដើម្បើកាត់បន្ថយដំបៅក្រពះ) ដូចសំបកឈើ (ធ្វើថ្នាំសំលាប់មេរោគ) ផ្កា (ធ្វើថ្នាំសំលាប់មេរោគ កាត់បន្ថយការហើម ប្រទាលកន្ទុយក្រពើ) និងផ្លែឈើរបស់វាដែរ (សម្រាប់បញ្ហាផ្លូវដង្ហើម ប្រឆាំងជំងឺរាក)។ [៣]
ឯកសារយោង[កែប្រែ]
- ↑ ១,០ ១,១ ១,២ ១,៣ Smith Jr., C.E. (1965). "Elaeocarpaceae. In: Flora of Panama, part VI". Annals of the Missouri Botanical Garden 52 (4): 494–495. DOI:10.2307/2394991.
- ↑ អត្ថប្រយោជន៍ដ៏ប្រសើរនៃ “ផ្លែក្រខុប” ចំពោះសុខភាព ដែលអ្នកប្រហែលជាមិនធ្លាប់ដឹង, Health.com.kh , ថ្ងៃទី ២១ ខែ មេសា ឆ្នាំ ២០១៩
- ↑ Mahmood, N. D. (2014). "Muntingia calabura: A review of its traditional uses, chemical properties, and pharmacological observations". Pharmaceutical Biology 52 (12): 1598–1623. ISSN 1388-0209. DOI:10.3109/13880209.2014.908397.
| ||||||