បំពេញរាជ្យ

បំពេញរាជ្យ ជាផ្លែឈើហូបផ្លែ មានរសជាតិជូរអែម និងផ្ដល់អត្ថប្រយោជន៍ចំពោះអ្នកទទួលទានវា។​ ដើមឡើយផ្លែឈើនេះ មានឈ្មោះថា "លោះ" ក្រោយមកក្នុងរជ្ជកាលព្រះបាទ ព្រះបាទ​ឧទ័យ​រាជា ទ្រង់​បាន​សព្វ​ព្រះរាជ​ហ​ឬ​ទ័យ ប្រទាន​ឈ្មោះ​ឲ្យ​ផ្លែ​លោះ​នេះ​ថា “​បំពេញរាជ្យ​” វិញ​ តែ​អ្នកខ្លះ​ហៅ​ក្លាយ​ថា “​កំពីង​រាជ្យ​”។

ប្រភពដើម

• 
  ការប្រមូលផលផ្លែបំពេញរាជ្យ
• 
  ដើមឈើចាស់ទុំ
• 
  ការប្រមូលផលផ្លែបំពេញរាជ្យ
• 
  ផ្លែបំពេញរាជ្យ

ផ្លែបំពេញរាជ្យ មានប្រភពមកពី ឥណ្ឌូចិន និង ឧបទ្វីបម៉ាឡេស៊ី ហើយត្រូវបានណែនាំទៅកាន់អាស៊ីត្រូពិច (ឥណ្ឌូនេស៊ី ឥណ្ឌា ម៉ូរីស ប៉ាពួញូហ្គីណេ ហ្វីលីពីន)​ ។ ខ្មែរធ្លាប់ដាំដុះជាញឹកញាប់ ហើយផ្លែឈើរបស់វាមានច្រើននៅលើទីផ្សារក្នុងស្រុកនៅពេលដល់រដូវ។

ការពិពណ៌នា

រូបរាងនិងស្លឹក

ដើមបំពេញរាជ្យ គឺជាដើមឈើបៃតងដ៏ធំ លូតលាស់លឿន។ កម្ពស់របស់វាប្រែប្រួលពី ១៥ ទៅ ៤៥ ម៉ែត្រ។ ដើមត្រង់មានសំបកស្រាល។

ផ្កា

ផ្កាមានមានពណ៌បៃតង លឿង ឬពណ៌ផ្កាឈូកស្រាល ។

ផ្លែឈើនិងគ្រាប់ពូជ

ផ្លែបំពេញរាជ្យ

សំបកផ្លែបំពេញរាជ្យមានរាងស្វ៊ែរដែលមានមានអង្កត់ផ្ចិត ៤-៧.៥ សង់ទីម៉ែត្រជារឿយៗមានស្នាមជ្រួញ។ នៅពេលទុំ ពណ៌របស់វាប្រែប្រួលពីលឿងទៅមាស ជួនកាលពណ៌ផ្កាឈូក ឬពណ៌ទឹកក្រូច។

រចនាសម្ព័នខាងក្នុងនៃផ្លែបំពេញរាជ្យប្រហាក់ប្រហែលនឹង ផ្លែមង្ឃុត ដែលមានគ្រាប់ពី ៣ ទៅ ៥ គ្រាប់ ស្រោបក្នុងដុំសាច់ដែលអាចបរិភោគបាន។ មានមានរសជាតិផ្អែម អាស៊ីត ឬជូរ។

គ្រាប់ដែលមានប្រវែង ២ សង់ទីម៉ែត្រ ដែលមិនអាចបរិភោគបានមានពណ៌ត្នោត។ ជាធម្មតាផ្លែ​ទុំរវាង​ខែ​មិថុនា និង​កក្កដា។

ការប្រើប្រាស់

ផ្លែបំពេញរាជ្យមានគ្រាប់ពូជពណ៌ត្នោតដែល មិនអាចបរិភោគបានទេ ហើយអាចបង្កឱ្យមានផលវិបាកប្រសិនបើទទួលទាន។

ការដាំមដុះ

ដើមបំពេញរាជ្យ គឺជាដើមឈើនៃតំបន់ត្រូពិចសើម។ វាដុះពីនីវ៉ូទឹកសមុទ្ររហូតដល់កម្ពស់ ១០០០ មែ៉ត្រ ។

ចម្ងាយដាំរវាងដើមបំពេញរាជ្យនីមួយៗ គឺ ៦-៨ ម៉ែត្រ។ ដើមផ្លែបំពេញរាជ្យទាមទារការផ្គត់ផ្គង់ជីពីរដងក្នុងមួយឆ្នាំសម្រាប់ការលូតលាស់ដ៏ល្អប្រសើរ។