ស្រុកសំរោងទង ជាស្រុកមួយក្នុងចំណោមស្រុក ក្រុងទាំង៩នៃខេត្តកំពង់ស្ពឺ សាលាស្រុកស្ថិតនៅភាគខាងកើតនៃទីរួមខេត្ត មានចម្ងាយប្រមាណ៦គ.ម។ ទីតាំងសាលាស្រុក ស្ថិតនៅក្នុងភូមិវល្លិសរ ឃុំវល្លិសរ ស្របតាមបណ្តោយផ្លូវជាតិលេខ៤ ចន្លោះ បង្គោលគីឡូម៉ែត្រលេខ ៤១-៤២ មានចម្ងាយប្រមាណជាង៤១គីឡូម៉ែត្រពីរាជធានីភ្នំពេញ។ ស្រុកសំរោងទង មានព្រំប្រទល់ខាងជើងជាប់ស្រុកថ្ពង និងស្រុកសាមគ្គីមុន្នីជ័យ ខាងត្បូងជាប់ស្រុកបសេដ្ឋនិងស្រុកគងពិសី ខាងកើតជាប់និងស្រុកអង្គស្នួល ខេត្តកណ្តាល និងខាងលិចជាប់ស្រុកឱរ៉ាល់ និងស្រុកភ្នំស្រួច ហើយហ៊ុំព័ទ្ធទាំងមូល នៃក្រុងច្បារមន។ ស្រុកចែកចេញជា១៥ឃុំ មាន២៩៤ភូមិ (៥ភូមិនៅមិនទាន់មានក្របខណ្ឌ) មានផ្ទៃដីសរុប ៧៤០,២៤ គីឡូម៉ែត្រក្រឡា ។ (អង់គ្លេស: Samrong Tong District) ជាដែនរដ្ឋបាលស្ថិតនៅ ខេត្តកំពង់ស្ពឺ ដែលមានរដ្ឋបាល ១៥ឃុំ និង ២៩៤ ភូមិ÷
ស្រុកសំរោងទង ស្រុកនេះគ្រប់គ្រងដោយ ចៅពញាតេជោ ដែលបានជីកបឹងមួយឈ្មោះថា បឹងតេជោ។
