គណបក្សប្រជាធិបតេយ្យមូលដ្ឋាន

ពីវិគីភីឌា
Jump to navigation Jump to search
គណបក្សប្រជាធិបតេយ្យមូលដ្ឋាន
Grassroots Democratic Party
ប្រធានលោក យ៉េង វិរៈ
ស្ថាបនិកលោកបណ្ឌិត កែម ឡី[១] , លោកបណ្ឌិត យ៉ង សាំងកុមារ[២], លោកបណ្ឌិត សាម អ៊ីន[៣]
បង្កើត០២ ខែសីហា ឆ្នាំ២០១៥
ទីស្នាក់ការកណ្ដាលផ្ទះលេខ A១៦E0, បុរីដើមមាស, ភូមិម័ល, សង្កាត់ដង្កោ, ខណ្ឌដង្កោ, រាជធានីភ្នំពេញ
មនោគមវិជ្ជាKhmer nationalism
Grassroots Democratic
Social liberalism
គោលជំហរនយោបាយCentre
ពណ៌ផ្លូវការ     Green
Commune Council
៥ / ១១៥៧២
គេហទំព័រ
http://www.gdpcambodia.org/
នយោបាយនៅCambodia
គណបក្សនយោបាយ
ការបោះឆ្នោត

គណបក្សប្រជាធិបតេយ្យមូលដ្ឋាន “ជម្រើសថ្មីសម្រាប់កម្ពុជា” អ្នកស្រលាញ់ប្រជាធិបតេយ្យបែបវិមជ្ឈការ មកពីឃុំ សង្កាត់ចំនួន ១០ និងបណ្តាញសង្គមខ្មែរដើម្បីខ្មែរ បានផ្តួចផ្តើម គំនិតបង្កើតគណបក្សនយោបាយមួយ តាមរយៈសមាជដំបូង នាថ្ងៃទី ០២ ខែសីហា ឆ្នាំ២០១៥។ រូបត្រីកោណ តំណាងឲ្យ ប្រជាធិបតេយ្យពីក្រោមមកលើ យកប្រជាពលរដ្ឋតាមមូលដ្ឋានជាធំ ដែលមានផ្ទៃខាងក្នុង ពណ៌បៃតង ជ្រុងបាតពណ៌ក្រហម ជ្រុងទាំងសងខាងពណ៌ខៀវ និងអក្សរ «គ ប ម» ពណ៌ស នៅចំកណ្តាលផ្ទៃទាំងមូល។

បៃតង តំណាងឲ្យ «ធម្មជាតិ កសិកម្ម និងប្រជាធិបតេយ្យមូលដ្ឋាន», ពណ៌ក្រហម តំណាងឲ្យ «ការតស៊ូ ព្យាយាម និងយុត្តិធម៌», ពណ៌ខៀវ តំណាងឲ្យ «សិទ្ធិ សេរីភាព និងច្បាប់», ពណ៌ស តំណាងឲ្យ «តម្លាភាព ស្មោះត្រង់ និងសុចរិតភាព»។

ស្ថាបនិក និង​ក្រុមដឹកនាំ គបម
គោលនយបាយស៥ សម្រាប់ការបោះឆ្នោតឆ្នាំ ២០១៨


គុណតម្លៃ[កែប្រែ]

«សាមគ្គីភាព យុត្តិធម៌ អហិង្សា»

ទស្សនវិស័យ (គោលបំណងវែងឆ្ងាយ)[កែប្រែ]

“ប្រជាពលរដ្ឋរស់នៅមានជីវិតថ្លៃថ្នូរ និងប្រទេសជាតិ មានអធិបតេយ្យពេញលេញ”

បេសកកម្ម[កែប្រែ]

“បណ្តុះអ្នកដឹកនាំល្អ និងកសាងមូលដ្ឋានគ្រឹះ ប្រជាធិបតេយ្យទូទាំងប្រទេស”

គោលការណ៍គ្រឹះ[កែប្រែ]

១-ស្ម័គ្រចិត្ត និងបើកចំហ

២-សមាជិកធិបតេយ្យ (ប្រជាធិបតេយ្យផ្ទៃក្នុងបក្ស)

៣-ប្រជាធិបតេយ្យបែបវិមជ្ឈការ

៤-អ្នកដឹកនាំខាងលើដើរតួនាទីជាអ្នកសម្របសម្រួល និងពង្រឹងសមត្ថភាពសមាជិក និងប្រជាពលរដ្ឋទូទៅ

៥-ភាពជាម្ចាស់ ជាពិសេសស្វ័យភាពហិរញ្ញវត្ថុ។

គោលការណ៍សំខាន់ៗក្នុងការរៀបចំរចនាសម្ព័ន្ធដឹកនាំរបស់ គ ប ម[កែប្រែ]

១- សមាជជាអង្គការកំពូលរបស់ គ ប ម (សមាជមូល ដ្ឋាន និងថ្នាក់ជាតិ) ដែលមានសមាជិកជាប្រតិភូតំណាងដែលជ្រើសតាំងតាមរយៈការបោះឆ្នោត។

២- រាល់សមាជិកក្នុងរចនាសម្ព័ន្ធដឹកនាំថ្នាក់ឃុំ/សង្កាត់ ក្រុង/ស្រុក/ខណ្ឌ ខេត្ត/រាជធានី និងជាតិត្រូវជ្រើសតាំងពីក្រោមមកលើ តាមរយៈការបោះឆ្នោតប្រកបដោយសេរី និងយុត្តិធម៌ តាមរយៈសមាជ។ ញាតិលោហិត និងញាតិពន្ធទី១ (ប្តី ប្រពន្ធ កូន បងប្អូនឪពុកម្តាយ បង្កើត ក្មេក និងសាច់ថ្លៃ) ត្រូវហាមឃាត់នៅក្នុងសមាសភាព ថ្នាក់ដឹកនាំចាប់ពីថ្នាក់ឃុំដល់ជាតិ (ក្នុងអង្គភាពគ្រប់គ្រងតែមួយ)។ សមាជិកដែលស្ថិតនៅក្នុងរចនាសម្ព័ន្ធថ្នាក់ដឹកនាំនឹងអាចត្រូវបានបោះឆ្នោតដកចេញ ពីតួនាទីក្នុងចន្លោះអាណត្តិក្នុងករណីចាំបាច់។

៣- បេក្ខជនក្រុមប្រឹក្សាឃុំ/សង្កាត់ តំណាងរាស្រ្ត គ្រប់ខេត្ត និងរាជធានី ត្រូវជ្រើសតាំងតាមរយៈការបោះឆ្នោត ដោយសេរី និងយុត្តិធម៌ ដោយសមាជិកជំហរនៅតាម ឃុំ/សង្កាត់ ខេត្ត និងរាជធានីនីមួយៗ។

៤- បេក្ខជននាយករដ្ឋមន្ត្រីត្រូវបានបោះឆ្នោតជ្រើសតាំង ដោយសមាជថ្នាក់ជាតិ។

៥- រាល់សមាជិកក្នុងរចនាសម្ព័ន្ធដឹកនាំ ចាប់ពីថ្នាក់ឃុំ ដល់ថ្នាក់ជាតិ ត្រូវប្រកាសទ្រព្យសម្បត្តិដោយចំហ នៅពេលទទួលតួនាទីក្នុងអង្គការរដ្ឋ។

គោលការណ៍សមាជិកភាព[កែប្រែ]

គ ប ម អនុវត្តតាមគោលការណ៍សមាជិកធិបតេយ្យ មានន័យថា យកសមាជិកជាធំ។ ភាពរឹងមាំ និងរីកចម្រើនរបស់ គ ប ម អាស្រ័យលើការចូលរួមរបស់សមាជិក ក្នុងការពង្រឹង ពង្រីកគណបក្ស។

សមាជិក គ ប ម មានកាតព្វកិច្ចមាន និងសិទ្ធិសំខាន់ៗដូចខាងក្រោម ៖

ក-សិទ្ធិរបស់សមាជិក[កែប្រែ]

១- ផ្តល់យោបល់ និងគំនិតផ្សេងៗដល់គណបក្ស

២- ចូលរួមការសម្រេចចិត្តសំខាន់ៗរបស់គណបក្ស

៣- បោះឆ្នោតជ្រើសរើសតំណាង និងអ្នកដឹកនាំបក្ស និង មានសិទ្ធិឈរឈ្មោះជាបេក្ខជនតំណាង ឬអ្នកដឹកនាំបក្ស

៤-បោះឆ្នោតជ្រើសរើសបេក្ខជនក្រុមប្រឹក្សា ឃុំ/សង្កាត់ ក្រុង/ស្រុក/ខណ្ឌ ខេត្ត/រាជធានី ព្រឹទ្ធសភា និងរដ្ឋសភា និងមានសិទ្ធិឈរឈ្មោះជាបេក្ខជនក្រុមប្រឹក្សា ឃុំ/សង្កាត់ ក្រុង/ស្រុក/ខណ្ឌ ខេត្ត/រាជធានី ព្រឹទ្ធសភា និងរដ្ឋសភា

ខ-កាតព្វកិច្ចរបស់សមាជិក គ ប ម[កែប្រែ]

១- ស្វែងយល់ និងជួយផ្សព្វផ្សាយអំពី គ ប ម

២- ជួយស្វែងរកសមាជិក និងអ្នកគាំទ្រ គ ប ម

៣- ចូលរួមពិគ្រោះយោបល់ ការប្រជុំ សមាជ និងសកម្មភាពផ្សេងៗរបស់ គ ប ម

៤- បង់ប្រាក់សមាជិកភាពទ្រទ្រង់ គ ប ម ទៀតទាត់ តាមគោលការណ៍ដូចខាងក្រោម ៖ - យ៉ាងតិច ២.០០០៛/១ខែ សម្រាប់អ្នកមានចំណូលតិច - យ៉ាងតិច ១០.០០០៛/១ខែ សម្រាប់អ្នកមានចំណូលមធ្យម យ៉ាងតិច ៤០.០០០៛/១ខែ សម្រាប់អ្នកមានចំណូលខ្ពស់ សមាជិកដែលត្រៀមខ្លួនឈរឈ្មោះជាតំណាង ថ្នាក់ដឹកនាំបក្ស និងជាបេក្ខជនតំណាងប្រជាពលរដ្ឋតាំងពីថ្នាក់ឃុំ/សង្កាត់ ដល់ថ្នាក់ជាតិ ត្រូវចាត់ទុកជាសមាជិកជំហរ។ សមាជិកជំហរបំពេញកាតព្វកិច្ចបន្ថែម ដូចជាការចូលរួមប្រជុំទៀងទាត់ មានភាពសកម្មក្នុងការស្វែងរកសមាជិក និងអ្នកគាំទ្រ និងចូលជាសមាជិកក្រុមសន្សំ។

គ-ការចុះឈ្មោះជាសមាជិក[កែប្រែ]

ប្រជាពលរដ្ឋដែលមានអាយុលើសពី១៦ឆ្នាំឡើងទៅ និងមានគុណសម្បត្តិដូចខាងក្រោម អាចចុះឈ្មោះជាសមាជិក គ ប ម

១- យល់ច្បាស់អំពីសិទ្ធិ និងកាតព្វកិច្ចរបស់សមាជិក

២- មានសីលធម៌ល្អ ស្មោះត្រង់ គោរពគុណតម្លៃ និងគោលការណ៍គ្រឹះរបស់ គ ប ម

៣- មានមនសិការជាតិ និងគិតផលប្រយោជន៍រួមជាធំ

៤- យល់ច្បាស់និងគាំទ្រ ទស្សនៈនយោបាយ គុណតម្លៃ គោលបំណងវែងឆ្ងាយ និងគោលការណ៍រួមរបស់ គ ប ម

៥- អនុវត្តតាមក្រមសីលធម៌របស់សមាជិក គ ប ម

គោលការណ៍ហិរញ្ញវត្ថុ[កែប្រែ]

ក. ប្រភពថវិកាសម្រាប់ទ្រទ្រង់ គ ប ម[កែប្រែ]

១- វិភាគទានសមាជិកភាព

២- ចំណូលពីការប្រាក់របស់ក្រុមសន្សំ និងការវិនិយោគផ្សេងៗ

៣- វិភាគទានស្ម័គ្រចិត្តរបស់អ្នកគាំទ្រ និង

៤- ចំណូលស្របច្បាប់ផ្សេងៗ

ខ. គោលការណ៍ និងការគ្រប់គ្រងចំណូល-ចំណាយ[កែប្រែ]

១- តម្លាភាព និងគណនេយ្យភាព

២- មានគំរោងផែនការថវិកា និងខ្ទង់ចំណាយច្បាស់លាស់

៣- គោរពតាមគោលការណ៍គ្រប់គ្រងហិរញ្ញវត្ថុ។

សមាជិកភាព គណបក្សប្រជាធិបតេយ្យមូលដ្ឋាន[កែប្រែ]

ក) ប្រភេទសមាជិកភាព សិទ្ធិ កាតព្វកិច្ច របស់សមាជិក[កែប្រែ]

គ ប ម មានសមាជិកពីរប្រភេទគឺ សមាជិកជំហរ និងសមាជិកគាំទ្រ ដែលតម្រូវឲ្យមានការដាក់ពាក្យស្នើសុំ ជាលាយលក្ខណ៍អក្សរ និងមានការចេញប័ណ្ណសមាជិកភាព។ ។ គ ប ម ក៏ស្វាគមន៍ផងដែរដល់អ្នកមានចំណាប់អារម្មណ៍ទាំងឡាយដែលមានទឹកចិត្តចង់ជួយ គបម តាមរយៈការបង់ថវិកាទ្រទ្រង់ស្ម័គ្រចិត្ត ឬការជួយផ្សព្វផ្សាយបន្តអំពីគោលការណ៍ គ ប ម។ គ ប ម ចាត់ទុកអ្នកទាំងនោះជាអ្នកគាំទ្រទូទៅ។ ពលរដ្ឋកម្ពុជាទាំងអស់ដែលមានអាយុចាប់ពី ១៦ឆ្នាំឡើងទៅអាចចូលជាសមាជិក គ ប ម បាន។ សមាជិកផ្តួចផ្តើមបង្កើត គ ប ម ដំបូងនៅក្នុងដប់ឃុំ/សង្កាត់គំរូ និងមកពីបណ្តាញសង្គមខ្មែរដើម្បីខ្មែរ ក្លាយជាសមាជិកជំហរជាស្វ័យប្រវត្តិ ចាប់ពីថ្ងៃប្រជុំដំបូងនៅថ្ងៃទី២ ខែសីហា ឆ្នាំ២០១៥។ សមាជិកទាំងអស់ត្រូវគោរព និងដើរតាមគោលការណ៍រួមរបស់ គ ប ម។

សិទ្ធិ និងកាតព្វកិច្ចរបស់សមាជិកជំហរ និងសមាជិកគាំទ្រមានដូចតទៅ៖

សមាជិកជំហរ[កែប្រែ]
សិទ្ធិ[កែប្រែ]

• បោះឆ្នោតជ្រើសរើសតំណាង

• ឈរឈ្មោះឲ្យគេបោះឆ្នោត

• ចូលរួមក្នុងការសម្រេចចិត្តផ្សេងៗរបស់ គ ប ម

• ចូលរួមតាមដាន បញ្ចេញមតិយោបល់ និងវាយតម្លៃការងាររបស់ គ ប ម

កាតព្វកិច្ច[កែប្រែ]

• យល់ដឹង និង ផ្សព្វផ្សាយគោលការណ៍ គ ប ម និងជួយស្វែងរកសមាជិកបន្ថែម

• បង់ប្រាក់សមាជិកភាព គ ប ម ទៀងទាត់

• ចូលរួមប្រជុំ និងសកម្មភាពផ្សេងៗរបស់ គ ប ម ដោយទៀងទាត់

• ចូលរួមក្នុងក្រុមសន្សំ

សមាជិកគាំទ្រ[កែប្រែ]
សិទ្ធិ[កែប្រែ]

• បោះឆ្នោតជ្រើសរើសតំណាង

• ទទួលព័ត៌មានផ្សេងៗ និងផ្តល់យោបល់

• ចូលរួមក្នុងការសម្រេចចិត្តផ្សេងៗរបស់ គ ប ម នៅមូលដ្ឋាន

• អាចចូលរួមតាមដានដំណើរការរបស់ គ ប ម

កាតព្វកិច្ច[កែប្រែ]

• យល់ដឹង និងផ្សព្វផ្សាយគោលការណ៍ គ ប ម

• បង់ប្រាក់សមាជិកភាព គ ប ម ទៀងទាត់

• ចូលរួមប្រជុំ និងសកម្មភាពរបស់ គ ប ម ខ្លះៗ

• ចូលរួមក្នុងក្រុមសន្សំដោយស្ម័គ្រចិត្ត

ខ) ច្រកសុំចូលជាសមាជិកភាព គ ប ម[កែប្រែ]

ដើម្បីចូលជាសមាជិក គ ប ម លោកអ្នកអាចចូលតាមរយៈច្រកបីៈ ១) តាមឃុំ/សង្កាត់ដែលអ្នករស់នៅ ដែលមានក្រុមការងារ គ ប ម រួចហើយ

២) តាមរយៈការស្គាល់ និងណែនាំពីសមាជិកជំហរណាម្នាក់

៣) តាមរយៈការដឹងឮពីប្រព័ន្ធផ្សព្វផ្សាយ

គ) នីតិវិធីក្នុងការសុំចូល និងទទួលស្គាល់ជាសមាជិក គ ប ម[កែប្រែ]

គ.១) សុំចូលតាមឃុំ/សង្កាត់ដែលអ្នករស់នៅ[កែប្រែ]

• អ្នកមានចំណាប់អារម្មណ៍តាមឃុំ/សង្កាត់ ដែលមានក្រុមការងាររៀបចំ គ ប ម ឃុំ/សង្កាត់ (មូលដ្ឋាន)រួចហើយ អាចដាក់ពាក្យស្នើសុំចូលជាសមាជិក គ​ ប ម តាមរយៈសមាជិកក្រុមការងារនៅឃុំ/សង្កាត់ដែលខ្លួនរស់នៅ។

• ពាក្យស្នើសុំត្រូវបានវាយតម្លៃដោយក្រុមការងារ ឬគណៈកម្មការប្រតិបត្តិ នៅតាមឃុំ/សង្កាត់ យ៉ាងយូរ១សប្តាហ៍ក្រោយពីទទួលបានពាក្យស្នើសុំ។

• តំណាងតាមឃុំ/សង្កាត់ ត្រូវផ្ញើឈ្មោះអ្នកអាចក្លាយជាសមាជិក គ ប ម មកអគ្គលេខាធិការដ្ឋានដើម្បីពិនិត្យ និងសម្រេច យ៉ាងយូរ១សប្តាហ៍ក្រោយពីវាយតម្លៃហើយ។

• ការចេញប័ណ្ណសមាជិកភាពត្រូវធ្វើឡើង និងផ្ញើទៅឃុំ/សង្កាត់វិញយ៉ាងយូរបំផុត១៥ថ្ងៃក្រោយពីទទួលបានឈ្មោះពីតំណាងតាមឃុំ/សង្កាត់។

គ.២) សុំចូលតាមរយៈការស្គាល់ និងណែនាំពីសមាជិកជំហរ[កែប្រែ]

• អ្នកមានចំណាប់អារម្មណ៍ចូលជាសមាជិក គ ប ម អាចទទួលព័ត៌មាន និងឯកសារអំពី គ ប ម តាមរយៈសមាជិកជំហរណាម្នាក់ ឬស្នើសុំមកអគ្គលេខាធិការដ្ឋាន (ឯកសាររួមមាន ឯកសារគោល ក្រមសីលធម៌សមាជិក និងពាក្យស្នើសុំចូលជាសមាជិក) ឬតាមរយៈគេហទំព័ររបស់ គបម gdpcambodia.org

• ក្រោយពីមានការយល់ដឹងអំពីគោលការណ៍របស់ គ ប ម ប្រភេទសមាជិកភាព សិទ្ធិ និងកាតព្វកិច្ចរបស់សមាជិក គាត់ដាក់ពាក្យស្នើសុំចូលជាសមាជិក គ​ ប ម មកអគ្គលេខាធិការដ្ឋានផ្ទាល់ ឬតាមរយៈអ៊ីម៉ែល ឬគេហទំព័រ គ ប ម។

• ក្រោយពីទទួលពាក្យស្នើសុំ យ៉ាងយូរ១០ថ្ងៃ អគ្គលេខាធិការដ្ឋានត្រូវធ្វើការសម្ភាសន៍ដោយផ្ទាល់មាត់ ឬតាមរយៈទូរស័ព្ទ ឬតាមប្រព័ន្ធអ៊ីម៉ែល ដើម្បីវាយតម្លៃលើពាក្យស្នើសុំ។

• ក្រោយពីសម្ភាសន៍ យ៉ាងយូរ៥ថ្ងៃ អគ្គលេខាធិការដ្ឋានត្រូវឆ្លើយតបទៅអ្នកដាក់ពាក្យស្នើសុំ។ ការឆ្លើយតបអាច ១) យល់ព្រម ២) ពន្យាពេលដោយតម្រូវឲ្យបំពេញកិច្ចការបន្ថែម ឬ ៣) បដិសេធជាមួយហេតុផលសមស្រប។

• ក្រោយពីជូនដំណឹងថាយល់ព្រម ប័ណ្ណសមាជិកភាពត្រូវធ្វើជូន និងផ្តល់ដំណឹងឲ្យមកទទួលក្នុងរយៈពេល១៥ថ្ងៃយ៉ាងយូរ។

គ.៣) សុំចូលតាមរយៈការដឹងឮពីប្រព័ន្ធផ្សព្វផ្សាយ[កែប្រែ]

• អ្នកមានចំណាប់អារម្មណ៍ចូលជាសមាជិក គ ប ម ក្រោយពីទទួលព័ត៌មានតាមរយៈប្រព័ន្ធផ្សព្វផ្សាយ អាចទទួលព័ត៌មាន និងឯកសារអំពី គ ប ម តាមរយៈការស្នើសុំមកអគ្គលេខាធិការដ្ឋាន (ឯកសាររួមមាន ឯកសារគោល ក្រមសីលធម៌សមាជិក និងពាក្យស្នើសុំចូលជាសមាជិក) ឬតាមរយៈគេហទំព័ររបស់ គ ប ម gdpcambodia.org

• យើងលើកទឹកចិត្តឲ្យអ្នកមានចំណាប់អារម្មណ៍ចង់ចូលរួមជាសមាជិក គ ប ម តាមរយៈប្រព័ន្ធផ្សព្វផ្សាយ ចូលរួមសិក្ខាសាលាផ្សព្វផ្សាយអំពី គ ប ម យ៉ាងតិចឲ្យបានម្តងមុននឹងសម្រេចចិត្តដាក់ពាក្យស្នើសុំចូលជាសមាជិក គ ប ម ឬសាកសួរព័ត៌មានអំពីសមាជិកជំហរណាម្នាក់។

• ក្រោយពីមានការយល់ដឹងអំពីគោលការណ៍របស់ គ ប ម ប្រភេទសមាជិកភាព សិទ្ធិ និងកាតព្វកិច្ចរបស់សមាជិក គាត់ដាក់ពាក្យស្នើសុំចូលជាសមាជិក គ​ ប ម មកអគ្គលេខាធិការដ្ឋានផ្ទាល់ ឬតាមរយៈអ៊ីម៉ែល ឬគេហទំព័រ គ ប ម។

• ក្រោយពីទទួលពាក្យស្នើសុំ យ៉ាងយូរ១០ថ្ងៃ អគ្គលេខាធិការដ្ឋានត្រូវធ្វើការសម្ភាសន៍ដោយផ្ទាល់មាត់ ឬតាមរយៈទូរស័ព្ទ ឬតាមប្រព័ន្ធអ៊ីម៉ែល ដើម្បីវាយតម្លៃលើពាក្យស្នើសុំ។

• ក្រោយពីសម្ភាសន៍ យ៉ាងយូរ៥ថ្ងៃ អគ្គលេខាធិការដ្ឋានត្រូវឆ្លើយតបទៅអ្នកដាក់ពាក្យស្នើសុំ។ ការឆ្លើយតបអាច ១) យល់ព្រម ២) ពន្យាពេលដោយតម្រូវឲ្យបំពេញកិច្ចការបន្ថែម ឬ ៣) បដិសេធជាមួយហេតុផលសមស្រប។

• ក្រោយពីជូនដំណឹងថាយល់ព្រម ប័ណ្ណសមាជិកភាពត្រូវធ្វើជូន និងផ្តល់ដំណឹងឲ្យមកទទួលក្នុងរយៈពេល១៥ថ្ងៃយ៉ាងយូរ។

ឃ) ការដកសិទ្ធិ និងការបាត់បង់សមាជិកភាព គ ប ម[កែប្រែ]

សិទ្ធិរបស់សមាជិកជំហរ ឬ សមាជិកគាំទ្រដែលមានចែងក្នុង[ឧបសម្ព័ន្ធ២] អាចត្រូវបានដកចេញក្នុងករណីសមាជិកណាម្នាក់មិនបានបំពេញកាតព្វកិច្ចបានត្រឹមត្រូវ។ ការខកខានបង់ប្រាក់សមាជិកភាពទៀងទាត់ ឬការមិនចូលរួមសកម្មភាពរបស់ គ ប ម ច្រើនលើក (លើស ៥០% នៃសកម្មភាពប្រចាំឆ្នាំ) ជាមូលហេតុដ៏ចំបងមួយក្នុងការដកសិទ្ធិឈរឈ្មោះឲ្យគេបោះឆ្នោត ឬសិទ្ធិបោះឆ្នោតជ្រើសរើសតំណាងរបស់ខ្លួន។ គណៈកម្មការប្រតិបត្តិគ្រប់កំរិត មានសិទ្ធិសម្រេចដកសិទ្ធិណាមួយរបស់សមាជិកណាម្នាក់។ ក្នុងករណីមិនសុខចិត្តចំពោះការសម្រេចដកសិទ្ធិ សមាជិកនោះអាចប្តឹងទៅគណៈកម្មាធិការវិន័យ និងដោះស្រាយវិវាទ។

សមាជិកណាម្នាក់អាចនឹងត្រូវបាត់សមាជិកភាព ក្នុងករណីរំលោភធ្ងន់ធ្ងរដល់គោលការណ៍រួមរបស់ គ ប ម។ ករណីរំលោភធ្ងន់ធ្ងរដល់គោលការណ៍រួម មានដូចជាការលួចបន្លំទ្រពសម្បត្តិ គ ប ម បង្ខូចកេរ្តិ៍ឈ្មោះ គ ប ម តាមប្រព័ន្ធសារព័ត៌មាន រំលោភបំពានលើអ្នកដទៃដោយជាក់ស្តែង។ល។ គណៈកម្មការប្រតិបត្តិគ្រប់កំរិត អាចស្នើសុំបញ្ឈប់សមាជិកភាពរបស់សមាជិកណាម្នាក់ទៅគណៈកម្មាធិការដោះស្រាយវិវាទ និងវិន័យ ដែលមានសិទ្ធិសម្រេចចុងក្រោយក្នុងការបញ្ឈប់សមាជិកភាពរបស់សមាជិកណាម្នាក់។

ង) ប្រាក់សមាជិកភាព[កែប្រែ]

គណៈកម្មការបណ្តោះអាសន្នបានសម្រេចក្នុងអង្គប្រជុំថ្ងៃទី ៣០ ខែសីហា ឆ្នាំ ២០១៥ កំណត់ប្រាក់សមាជិកភាពអប្បបរិមាដូចតទៅ៖

ស្ថានភាពចំណូល កំរិតប្រាក់សមាជិកភាពក្នុង១ខែ[កែប្រែ]

• ចំណូលតិចតួច ២.០០០ រៀល

• ចំណូលមធ្យម ១០.០០០ រៀល

• ចំណូលខ្ពស់ ៤០.០០០ រៀល

កំណត់សំគាល់:

• សមាជិកម្នាក់ៗកំណត់ស្ថានភាពចំណូលដោយខ្លួនឯងដោយស្មោះត្រង់។

• ប្រាក់សមាជិកភាពអាចបង់ជាប្រចាំឆ្នាំក៏បាន។

ទាញយក ឯកសារ សមាជិកភាព គណបក្សប្រជាធិបតេយ្យមូលដ្ឋាន ទាំងស្រុង ទាញយក ទម្រង់ ការសុំចុះឈ្មោះជាសមាជិក គបម


គោលនយោបាយ ស៥ របស់ គបម[កែប្រែ]

០១ សេដ្ឋកិច្ច និងការងារ[កែប្រែ]

• អ្នកជំនាញ ៥០០០(ប្រាំពាន់)នាក់ ធ្វើការបម្រើកសិករគ្រប់ភូមិ ដើម្បីទទួលបានទឹក ទុន ទីផ្សារ និងបច្ចេកទេសកសិកម្មល្អ។

• កសិករ សហគ្រាសកែច្នៃ និងក្រុមហ៊ុននាំចេញកសិផល ត្រូវបានគាំទ្រពីរដ្ឋទាំងទុន ទីផ្សារ និងការអនុគ្រោះផ្សេងៗ។ ជាពិសេសទទួលបានទុន ដែលមានការប្រាក ៥%មួយឆ្នាំ ដើម្បីធ្វើការជំរុញផលិតផលក្នុងស្រុក។

• រាល់ការចុះបញ្ជីក្រុមហ៊ុន និងសហគ្រាសធ្វើតែមួយកន្លែង ហើយនៅត្រឹមតែស្រុកក្រុងខណ្ឌ និងក្រុមហ៊ុនបង្កើតដំបូង ត្រូវបាន អនុគ្រោះពន្ធ៥ឆ្នាំ។ យុវជន យុវនាទី បង្កើតសហគ្រាសដោយខ្លួនឯង ទទួលបានទុនចំណងដៃ៥លានរៀល។

០២ សុខាភិបាល[កែប្រែ]

• រៀបចំប្រព័ន្ធធានារ៉ាប់រងការព្យាបាល និងថែទាំសុខភាពជាសកលសម្រាប់ខ្មែរគ្រប់រូប ដោយមានការចូលរួមទ្រទ្រង់ពី ប្រជាពលរដ្ឋអាយុ១៨ ទៅ៦៥ឆ្នាំ តែ៥០០រៀលក្នុងមួយខែ។

• រៀបចំឲ្យមានមន្ទីរពេទ្យគន្ធបុប្ឆា នៅគ្រប់ស្រុកក្រុងខណ្ឌតាមរាជធានីខេត្ត និងលើកស្ទួយសមត្ថភាព ព្រមទាំងគុណតម្លៃគ្រូពេទ្យ។

• អនុវត្តឲ្យបានប្រកបដោយប្រសិទ្ធិភាពនូវច្បាប់ស្តីពីសុវត្ថិភាពចំណីអាហារ។

០៣ សិក្សាធិការ និងយុវជន[កែប្រែ]

• ឧបត្ថម្ភដល់យុវជនយុវនារី នូវប្រាក់កម្ចីចំនួន៥លានរៀល ក្នុងមួយឆ្នាំរយៈពេល៥ឆ្នាំ សម្រាប់យកទៅបន្តការសិក្សាគ្រប់ជំនាញ និងគ្រប់កម្រិត។

• រៀបចំឲ្យមានសាលាមត្តេយ្យល្អ យ៉ាងតិច ១០.០០០(មួយម៉ឺន)ភូមិ។

• រៀបចំសាលារដ្ឋ ឲ្យមានស្តង់ដារអប់រំ ត្រឹមស្តង់ដារអាស៊ានចាប់ពីមត្តេយ្យដល់សាកលវិទ្យាល័យ តាមរយៈការលើកស្ទួយសមត្ថភាព និងគុណតម្លៃគ្រូបង្រៀនក្នុងការបណ្តុះកូនខ្មែរ។

០៤ សង្គមកិច្ច[កែប្រែ]

• ស្ត្រី សម្រាលកូន ១ដង ទទួលបានការឧបត្ថម្ភពីរដ្ឋ ៥សែនរៀល។

• ចាស់ជរា អាយុចាប់ពី ៦៥ឆ្នាំឡើងទៅទទួលឧបត្ថម្ភពីរដ្ឋ ១៥ម៉ឺនរៀល ក្នុងមួយខែ។

• កម្មករ កម្មការនី នៅពេលអត់ការងារធ្វើ ទទួលបានការឧបត្ថម្ភពីរដ្ឋ ៥០%នៃប្រាក់ខែ ក្នុងរយៈពេល ៥ខែ។

០៥ សេវាសាធារណៈ និងអភិបាលកិច្ចតាមបែបប្រជាធិបតេយ្យ[កែប្រែ]

• តំណាងរាស្ត្រល្អ

• មន្ត្រីរាជការល្អ និងការលប់បំបាត់ចោលរចនាសម្ព័ន្ធបក្សនៅតាមស្ថាប័នរដ្ឋ

• ពលរដ្ឋសកម្ម


ឯកសារយោង[កែប្រែ]

  1. http://kemleyresearcher.com/
  2. http://saingkoma.com/
  3. https://realsaminn.com/