ការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨

ការបោះឆ្នោតសកល ឆ្នាំ២០១៨ នៅកម្ពុជា

២០១៣ ← ២៩ កក្កដា ២០១៨ → ២០២៣

សរុបចំនួន ១២៥ អាសនៈនៃរដ្ឋសភាជាតិ ចំនួនអាសនៈភាគច្រើនដាច់ខាត ៦៣ លទ្ធផល ៦,៩៥៦,៩០០ (៨៣.០២%) ១៣.៤១%   គណបក្សទីមួយ   អ្នកដឹកនាំ ហ៊ុន សែន គណបក្ស ប្រ.ជ តាំងពី ១៤ មករា ១៩៨៥ អាសនៈអ្នកដឹកនាំ ខេត្តកណ្តាល លទ្ធផលលើកមុន ៦៨ អាសនៈ, ៤៨.៨៣% អាសនៈឈ្នះ ១២៥ អាសនៈប្តូរ ៥៧ សំឡេងគាំទ្រ ៤,៨៨៩,១១៣ ភាគរយ ៧៦.៨៥% យោល ២៨.០២%

គបក:      ៦០-៧០%      ៧០-៨០%      ៨០-៩០%

នាយករដ្ឋមន្រ្តីមុនការបោះឆ្នោត ហ៊ុន សែន គណបក្ស​ប្រជាជន​កម្ពុជា នាយករដ្ឋមន្រ្តីជាប់ឆ្នោត ហ៊ុន សែន គណបក្ស​ប្រជាជន​កម្ពុជា

កម្ពុជា

អត្ថបទនេះគឺជាផ្នែកបន្តៗគ្នាស្ដីពី នយោបាយ និង រដ្ឋាភិបាល កម្ពុជា

រាជាធិបតេយ្យ ព្រះមហាក្សត្រ នរោត្តម សីហមុនី

រដ្ឋាភិបាល នាយករដ្ឋមន្ត្រី ហ៊ុន សែន

សភាតំណាងរាស្ត្រ ព្រឹទ្ធសភា រដ្ឋសភា

ការបោះឆ្នោត ២០០៣ ២០០៨ ២០១៣

គណបក្សនយោបាយ គណបក្សសង្គ្រោះជាតិ គណបក្សប្រជាជនកម្ពុជា

ទំនាក់ទំនងបរទេស ទំនាក់ទំនងបរទេស

បំណែងចែករង ខេត្ត រាជធានី ស្រុក ក្រុង ខណ្ឌ ឃុំ សង្កាត់

បញ្ហាទាក់ទង សិទ្ធិមនុស្ស ភាពមិនចាញ់មិនឈ្នះតាមព្រំដែនកម្ពុជា-ថៃ

ប្រទេសដទៃទៀត · សៀវភៅផែនទី តោរណៈនយោបាយ

ការ​បោះ​ឆ្នោត​ជ្រើសតាំងតំណាងរាស្ត្រ អណត្តិទី៦ គឺត្រូវបានប្រព្រឹត្តធ្វើឡើងក្នុងប្រទេសកម្ពុជា នៅថ្ងៃអាទិត្យ ទី២៩ ខែកក្កដា ឆ្នាំ២០១៨ ដើម្បីជ្រើសតាំងសមាជិករដ្ឋសភាថ្មី។ ការិយាល័យបោះឆ្នោតបានចាប់បើកពីម៉ោង៧:០០ ព្រឹក និងបិទទៅវិញនៅម៉ោង ៣:០០ ល្ងាច។ ចំនួនអ្នកចូលរួមបោះឆ្នោតលើកនេះត្រូវបានថយចុះ ១៣% ពីចំនួនអ្នកបោះឆ្នោតកាលពីឆ្នាំ២០១៣។

ដោយគ្មានវត្តមានពីគណបក្សប្រឆាំង ការបោះឆ្នោតនេះត្រូវបានសហគមន៍អន្តរជាតិមើលឃើញជា"ការបោះឆ្នោតគ្រាន់តែបង្គ្រប់កិច្ច និងក្លែង"។ ដូចដែលបានរំពឹងទុកអញ្ជឹង គណបក្សប្រជាជនដែលជាបក្សកាន់អំណាច បានទទួលសន្លឹកឆ្នោតយ៉ាងលើសលប់ ទូលំទូលាយដោយដណ្តើមបានអសានៈទាំង ១២៥ នៅក្នុងរដ្ឋសភា។ ទោះបីជាមានការអំពាវនាវឱ្យធ្វើពហិការការបោះឆ្នោតក៏ដោយក៏ចំនួនអ្នកទៅបោះឆ្នោតត្រូវបានគេរាយការណ៍ថា មានចំនួនប្រមាណ ៨៣.០២%។

ផ្ទៃរឿង

ការបោះឆ្នោតលើកមុនក្នុងខែកក្កដា ឆ្នាំ ២០១៣ បានទទួលជ័យជម្នះជាលើកទី៤ ជាប់ៗគ្នាសម្រាប់គណបក្សប្រជាជនកម្ពុជា ដែលទទួលបាន ៦៨ អាសនៈក្នុងរដ្ឋសភា ខណៈគណបក្សសង្គ្រោះជាតិ ដណ្តើមបានអាសនៈ ៥៥ ដែលនៅសល់។ ទោះបីជាទទួលបានអាសនៈយ៉ាងច្រើនក៏ដោយ ក៏បក្សប្រឆាំងបានច្រានចោលលទ្ធផលនេះ ហើយបានចោទប្រកាន់គណបក្សប្រជាជនថាបានក្លែងបន្លំការបោះឆ្នោត។ ជាលទ្ធផល គណបក្សសង្គ្រោះជាតិបានធ្វើពហិការមិនចូលសភាក្នុងខែកញ្ញា ឆ្នាំ ២០១៣ ហើយបានប្តេជ្ញាថានឹងមិនចូលសភារហូតដល់ការកែទម្រង់ការបោះឆ្នោតត្រូវបានធ្វើឡើង។ លទ្ធផល​ជម្លោះ​បាន​នាំ​មកឱ្យ​ការផ្ទុះ​នៃ​បាតុកម្មប្រឆាំង​រដ្ឋាភិបាល​យ៉ាងរីក​រាលដាល។

នៅថ្ងៃទី១០ ខែមេសា ឆ្នាំ២០១៤ នាយករដ្ឋមន្ត្រី ហ៊ុនសែន បានយល់ព្រមរៀបចំការបោះឆ្នោតរយៈពេលមុនប្រាំខែនៅដើមខែកុម្ភៈ ឆ្នាំ ២០១៨។ ទោះ​យ៉ាង​ណា គណបក្ស​ប្រឆាំង​បាន​ច្រាន​ចោល​ការ​លើក​ឡើង​នេះ ដោយ​ទាមទារ​ឲ្យ​មាន​ការ​បោះ​ឆ្នោត​នៅ​ដើម​ឆ្នាំ ២០១៥ ឬ​ពាក់​កណ្ដាល​នៃឆ្នាំ ២០១៦។ នៅថ្ងៃទី ២២ ខែកក្កដា ឆ្នាំ ២០១៤ វិបត្តិនយោបាយនេះបានបញ្ចប់ជាផ្លូវការ ហើយគណបក្សប្រឆាំងបានយល់ព្រមទទួលយកអាសនៈរបស់ពួកគេនៅក្នុងសភា។ គេ​ក៏​បាន​ឯកភាព​គ្នា​ដែរ​ថា ការ​បោះ​ឆ្នោត​លើក​ក្រោយ​នឹង​ត្រូវ​ធ្វើ​នៅ​ឆ្នាំ​២០១៨។ ទោះ​យ៉ាង​ណាលោក សមរង្ស៊ី ប្រធាន​គណបក្ស​សង្គ្រោះ​ជាតិ ត្រូវ​បាន​ដក​ចេញ​ពី​អភ័យឯកសិទ្ធិ​សភា ហើយ​បន្ទាប់​មក​ត្រូវ​បាន​ហាម​មិន​ឲ្យ​វិល​ត្រឡប់ចូល​ប្រទេស​កម្ពុជា​វិញ​បន្ទាប់​ពីបាន​ចាក​ចេញ​ពី​ប្រទេស។ សំណើ​សុំ​លើក​លែង​ទោស​ពី​ព្រះមហាក្សត្រ ត្រូវ​បាន​លោកហ៊ុនសែនរារាំង ហើយ​នៅ​ខែ​ធ្នូ ឆ្នាំ​២០១៦ អនុ​លោក គឹម សុខា ត្រូវបានជំនួស​លោក សម រង្ស៊ីជា​ប្រធាន​​ភាគតិច។

នៅថ្ងៃទី១១ ខែកុម្ភៈ ឆ្នាំ២០១៧ លោក សម រង្ស៊ី បានលាលែងពីតំណែងប្រធានគណបក្សសង្គ្រោះជាតិ ហើយត្រូវបានលោក គឹម សុខា បន្តតំណែង។ នៅ​ថ្ងៃ​ទី​៣ ខែ​កញ្ញា លោក គឹម សុខា ត្រូវ​បាន​ចាប់​ខ្លួន និងចោទប្រកាន់ពីបទក្បត់ជាតិ ដែលបានលើកនូវសំណួរ​អំពី​អនាគតនៃ​គណបក្សសង្គ្រោះជាតិ ។ ទង្វើ​មួយ​ទៀត​នៃ​ការ​គាប​សង្កត់​របស់​រដ្ឋាភិបាល​គឺ​ការ​បិទ​កាសែត​ខេមបូឌា ដេលី។ នៅថ្ងៃទី ១៦ ខែវិច្ឆិកា ឆ្នាំ ២០១៧ គណបក្សសង្គ្រោះជាតិត្រូវបានរំលាយដោយបង្ខំ ដោយលុបបំបាត់ការប្រកួតប្រជែងពិតប្រាកដចំពោះគណបក្សប្រជាជនដែលកាន់អំណាច។ អាសនៈ​របស់​គណបក្សដែលរំលាយ​ក្នុង​សភា​ត្រូវ​បាន​ចែក​ឲ្យ​គណបក្ស​បី​ផ្សេង​ទៀត។

លទ្ធផល

លទ្ធផលនៃការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨

គណបក្ស		សម្លេង	%	កៅអី/អាសនៈ	+/–
	គណបក្សប្រជាជនកម្ពុជា	៤,៨៨៩,១១៣	៧៦.៨៥	១២៥	+៥៧
	គណបក្សហ៊្វុនស៊ិនប៉ិច	៣៧៤,៥១០	៥.៨៩	០	០
	គណបក្សសម្ព័ន្ធដើម្បីប្រជាធិបតេយ្យ	៣០៩,៣៦៤	៤.៨៦	០	០
	គណបក្សឆន្ទៈខ្មែរ	២១២,៨៦៩	៣.៣៥	០	ថ្មី
	គណបក្សខ្មែររួបរួមជាតិ	៩៩,៣៧៧	១.៥៦	០	ថ្មី
	គណបក្សប្រជាធិបតេយ្យមូលដ្ឋាន	៧០,៥៦៧	១.១១	០	ថ្មី
	គណបក្សសំបុកឃ្មុំសង្គមប្រជាធិបតេយ្យ	៥៦,០២៤	០.៨៨	០	ថ្មី
	គណបក្សខ្មែរឈប់ក្រ	៥៥,២៩៨	០.៨៧	០	០
	គណបក្សខ្មែរតែមួយ	៤៨,៧៨៥	០.៧៧	០	ថ្មី
	គណបក្សសញ្ជាតិកម្ពុជា	៤៥,៣៧០	០.៧១	០	០
	គណបក្សខ្មែរសាធារណរដ្ឋ	៤១,៦៣១	០.៦៥	០	ថ្មី
	គណបក្សយុវជនកម្ពុជា	៣៩,៣៣៣	០.៦២	០	ថ្មី
	គណបក្សធម្មាធិបតេយ្យ	២៩,០៦០	០.៤៦	០	ថ្មី
	គណបក្សខ្មែរអភិវឌ្ឍន៍សេដ្ឋកិច្ច	២៣,២៥៥	០.៣៧	០	០
	គណបក្សខ្មែរក្រោក	២២,០០២	០.៣៥	០	ថ្មី
	គណបក្សពន្លឺថ្មី	១៣,៥០៩	០.២១	០	ថ្មី
	គណបក្សជនជាតិដើមប្រជាធិបតេយ្យកម្ពុជា	១០,១៩៧	០.១៦	០	ថ្មី
	គណបក្សមាតុភូមិយើង	៩,១៧៤	០.១៤	០	ថ្មី
	គណបក្សសាធារណរដ្ឋប្រជាធិបតេយ្យ	៨,៥៩១	០.១៤	០	០
	គណបក្សរស្មីខេមរា	៤,២១២	០.០៧	០	ថ្មី
សម្លេងទុព្វលភាព/មិនបានការ		៥៩៤,៦៥៩	–	–	–
សរុប		៦,៩៥៦,៩០០	១០០	១២៥	+២
អ្នកចុះឈ្មោះបោះឆ្នោត		៨,៣៨០,២១៧	៨៣.០២	–	–
ប្រភព: គណៈកម្មាធិការជាតិរៀបចំការបោះឆ្នោត