រនាតធុង

រនាតធុង

តាមទម្លាប់ធម្មតាគេអាចហៅឈ្មោះបានពីរយាងគឺរនាតធុងក៏បាន ឬរនាតធំក៏បាន។ រនាតធុងមានមុខងារសំខាន់នៅក្នុងវង់ភ្លេងពិណពាទ្យ និងនៅក្នុងវង់ភ្លេងមហោរី ប៉ុន្តែរនាតធុងណា ដែលគេយកប្រើប្រាស់ក្នុងវង់ភ្លេងមហោរី រនាតធុងនោះត្រូវមានផ្លែសំនៀងខ្ពស់ជាងរនាតធុង ដែលប្រើប្រាស់ក្នុងវង់ភ្លេងពិណពាទ្យ។ តាមទស្សនៈតន្ត្រីករបុរាណបានឱ្យនិមិត្តរូបទៅលើរនាតធុងដូចរនាតឯកដែរ ព្រោះរនាតឯកតំណាងឱ្យនាគញី រីឯរនាតធុងតំណាងឱ្យនាគឈ្មោល ហើយនាគទាំងពីត្រូវតែនៅក្បែរគ្នាជានិច្ច។