ឃុំព្រៃផ្តៅ

ពីវិគីភីឌា
Jump to navigation Jump to search

ឃុំព្រៃផ្ដៅ គឹជាឃុំស្ថិត​ នៅក្នុងស្រុកព្រៃកប្បាស ខេត្តតាកែវ[១] មាន១១ភូមិ ។


ក្នុង ឃុំនេះផងដែរមានប្រជាជនរស់នៅច្រើនកុះករ​ និងមាន ប្រជាជនជាអ្នកចំនូលស្រុកផងដែរ។ក្នុងឃុំនោះមានផ្ទះឈើ ផ្ទះថ្មធំៗស្អាតៗជាច្រើន និងមានផ្លូវថ្នល់តូចធំខ្វែងខ្វាតជាច្រើនខ្សែរដែលទើបតែបានចាក់គ្រួសក្រាលផងដែរ។

ការអប់រំ[កែប្រែ]

មានសាលារៀនជាច្រើនកន្លែងសំរាប់អោយសិស្សានុសិស្សសិក្សា ចាប់ពីថ្នាក់បឋម ដល់ វិទ្យាល័យ។ក្នុងចំណោមវិទ្យាល័យជាច្រើនក្នុងស្រុកព្រៃកប្បាសមានវិទ្យាល័យមួយក្នុងឃុំព្រៃផ្តៅ គឺ វិទ្យាល័យ ភ្ញីមាស ដែលមានសិស្សរៀនច្រើនជាងគេ ក្នុងស្រុកព្រៃកប្បាស គឺប្រហែលជា ២០០០នាក់។

វត្តអារាម[កែប្រែ]

ឃុំព្រៃផ្តៅនេះមានវត្ត បី: ​វត្តព្រៃផ្តៅ វត្តភ្ញីមាស វត្តដុងឧត្តម ។ វត្តទាំងបីនោះមានវត្តមួយដែលមានទីធ្លាធំទូលាយ ស្អាតជាងគេ និង មនុស្សម្នា ឧបាសក ឧបាសិកា ទៅច្រើននៅរដូវបុណ្យ គឺ វត្តព្រៃផ្តៅ។

មុខរបរ[កែប្រែ]

ប្រជាជនដែលរស់នៅក្នុងឃុំនោះភាគច្រើនជាកសិករ គ្រូបង្រៀន អ្នកតម្បាញ អ្នកលក់ឥវ៉ាន់ចាប់ហួយ ចិញ្ចឹមសត្វ ឡើងត្នោតជាដើម។ នៅរដូវវស្សា ពួកគេធើ្វស្រែចំការ និង​ នេសាទត្រី ដាំដំនាំ ហើយវាលស្រែនៅភូមិព្រៃផ្ដៅ ឃុំព្រៃផ្ដៅ សំបូរទៅដោយដើមព្រីងជាច្រើនដើមនៅតាមភ្លឺស្រែ។ រដូវប្រាំងគេធ្វើស្រែប្រាំង ដែលមានផ្ទៃដីលាតសន្ធឹងជាច្រើនហិចតា។ស្រូវដែលគេធ្វើនៅរដូវប្រាំង គឺជាស្រូវពង្រោះ ដែលមានរយ:ពេលត្រឹមតែបីខែប៉ុណ្ណោះ អាចប្រមូលផលបាន នេះជាលក្ខណ:ងាយស្រួលសំរាប់កសិករ មិនចាំបាច់ដកស្ទូង ម្យ៉ាងទៀតនៅពេលប្រមូលផល គេប្រើម៉ាស៊ីនច្រូត ម៉ាស៊ីនបោក។ចំណែកឯផលស្រូវវិញ បានកើនឡើងជាលំដាប់ ដោយសារតែកសិករមានការយល់ដឹងពីបច្ចេកទេសធើ្វស្រែ និងមានការបង្រៀនពីក្រសួងកសិកម្ម

សូមមើលផងដែរ[កែប្រែ]

ប្រភព[កែប្រែ]