ព្រះស្កន្ទ

ព្រះស្កន្ទ; (ព្រះការត្តិកេយ៍)
	អាទិទេពនៃជ័យជម្នះ; អាទិទេពនៃសង្គ្រាម; ជាមហាសេនាបតីឋានសួគ៌
	ទេវរូប ចម្លាក់ព្រះស្កន្ទគង់លើក្ងោកមកពីទួលក្តីអង្គ (តាំងសារមន្ទីរហ្គីមេ)
Planet	ភពអង្គារ
Mantra	ॐ सरवण भव वेत्रिवले मुरुगेनुं प्रति आरोहति
Weapon	ព្រះលំពែងសក្តិ; ដងធ្នូ
Day	ថ្ងៃអង្គារ
Consort	ព្រះម៉ែទេវសេនា(ព្រះម៉ែស័ទសទី) ); ព្រះម៉ែវល្លី
Siblings	ព្រះគណេស
Mount	សត្វក្ងោក

ព្រះស្កន្ទ (អង់គ្លេស: Skanda) ឬ ការត្តិកេយ៍ ឬ ការត្តិកេយៈ (អង់គ្លេស: Kartikeya) ឬដែលមានព្រះនាមហៅជាច្រើនទៀតដូចជា មុរុគ័ន (អង់គ្លេស: Muruga), សឌាន័ន, កុមារ ការត្តិកេយ៍ មហាសេនា, ស្វាមីនាថ, សុព្រហ្មណ្យម ស្វាមី, អរុមុគ័ម ឬសណ្មុខ និងសរវណភវៈ ជាដើម ទ្រង់គឺអាទិទេពនៃជ័យជម្នះនិងអាទិទេពនៃសង្គ្រាម ជាមហាសេនាបតីឋានសួគ៌នៃព្រហ្មញ្ញសាសនានិងហិណ្ឌូសាសនា។ ដែលមានភាពអង់អាចក្លាហាន មហិទ្ធិឫទ្ធិខ្លាំងក្លា ប្រាជ្ញាវៀងវៃ ព្រះទ័យបរិសុទ្ធ ព្រះរូបកាយស្រស់សង្ហា ហត្ថាកាន់ព្រះលំពែងជ័យនិងមានមយូរៈឬសត្វក្ងោកជាយានជំនិះ។ ព្រះអង្គទ្រង់គឺជាបុត្ររបស់ព្រះសិវៈ និងព្រះមេឧមា ហើយទ្រង់ក៏ត្រូវជាព្រះជេដ្ឋា ឬបងប្រុសរបស់ព្រះគណេសផងដែរ។ ព្រះស្កន្ទ ទ្រង់មានប្រពន្ធពីរព្រះអង្គគឺព្រះមេទេវសេនានិងព្រះមេវល្លី។ សម្រាប់ព្រះរូបលក្ខណៈរបស់ព្រះស្កន្ទ ពេលខ្លះទ្រង់ស្ថិតនៅក្នុងទម្រង់ជាទេវៈដែលមានព្រះភក្ត្រ១ ឬព្រះភក្ត្រ៦ ដោយព្រះភក្ត្រទាំង ៦ របស់ទ្រង់តំណាងឱ្យ ៖ បញ្ញា, ភាពសុខស្ងប់, កិត្តិនាម, ពលានុភាព, ភោគទ្រព្យ និងថាមពលស័ក្តិសិទ្ធិ, ទ្រង់មានព្រះហស្ត២ ឬ ៤ ឬ ១២ ដែលក្នុងព្រះហស្តនីមួយៗទ្រង់អាវុធផ្សេងៗ។ ព្រះអង្គនៃព្រះពុទ្ធសាសនាមហាយាននិងព្រះពុទ្ធសាសនាវិជ្រយានគឺជាអ៊ីដាទែន។

ព្រះស្កន្ទក្នុងគំនិតខ្មែរបុរាណ

នៅសម័យបុរាណ ខ្មែរមានជំនឿទៅលើព្រះស្កន្ទមុតមាំខ្លាំងណាស់ ដ្បិតយើងដឹងស្រាប់ហើយ ទ្រង់ជាបុត្រព្រះឥសូរ ហើយសង្គមខ្មែរសម័យបុរាណព្រះឥសូរមានឥទ្ធិពលធំធេងណាស់។^[៣]^[៤]